အပိုင်း (၉) လင်မယား
“လာ လာ လာ ၊ ရဲဘော်လေးက မတ်မတ်ထိုင်နေတယ်၊ ရဲဘော်မလေးဘေးကို ကပ်လိုက်၊ ဟုတ်ပြီ၊ ဒါမှ စုံတွဲနဲ့တူသွားတာ၊ ရဲဘော်မလေးရဲ့ အပြုံးက တကယ်လှတာပဲ၊ ရဲဘော်လေး နည်းနည်းပြုံး၊ အရမ်းတောင့်တောင့်ကြီး ဖြစ်မနေနဲ့လေ၊ သဘာဝကျကျလေး ပြုံးထား၊ ဟုတ်တယ်၊ ဒါပဲ၊ ကောင်းတယ်”
ချလပ်။
စုန့်ဝေဖျင်နှင့် ရွှီရှောင်ကျောင်းတို့၏ ကိုယ်တစ်ပိုင်းပုံသည် တစ်လက်မပတ်လည်း ဓာတ်ပုံလေးတစ်ခုထဲတွင် ကွက်တိဖြစ်လေသည်။ စတီးလ်တံဆိပ်တုံးတစ်ခုနှင့် ထုထားပြီး အနီရောင်တောက်တောက် လက်ထပ်မှတ်ပုံတင်နှစ်ခု ရလာခဲ့တော့သည်။
“ရဲဘော်တို့နှစ်ယောက်၊ ဒီမှာ မင်းတို့ရဲ့ လက်ထပ်မှတ်ပုံတင်.. မင်းတို့တွေက တော်လှန်ရေးစုံတွဲအနေနဲ့ ကံအကောင်းဆုံးဖြစ်ပါစေလို့ ဆုတောင်းပေးပါတယ်”
ရွှီရှောင်ကျောင်းက လက်ထပ်မှတ်ပုံတ်ကို လက်ခံလိုက်ပြီး စုန့်ဝေဖျင်နှင့်အတူတူ တစ်ယောက်ချင်းစီကို ငုံ့ကြည့်လိုက်လေသည်။ သူတို့သည် ဒါက အတုအယောင်မှန်း သိကြသော်လည်း သူတို့၏ဘဝတွင် ပထမဆုံးအကြိမ် လက်ထပ်မှတ်ပုံတင်တစ်ခုကို ရခဲ့ခြင်းပင်။
သူမက စုန့်ဝေဖျင်ကို မျက်စိမှိတ်ပြလိုက်ပြီး
“ရဲဘော်စုန့်ဝေဖျင် အခုချိန်က စပြီး ငါတို့တွေက လင်မယား ဖြစ်သွားပြီနော်”
စုန့်ဝေဖျင်က ဓာတ်ပုံထဲမှ ပြုံးနေသည့်သူမကို ကြည့်လိုက်ပြီး လေသံတိုးတိုးဖြင့် သူမကို ပြန်ဖြေလိုက်၏။
“အင်း”
သူက ရွှီရှောင်ကျောင်းကို မော့ကြည့်လိုက်ပြီး
“ကျေးဇူးပဲ”
သူ့ကို လက်ထပ်ဖို့ သူမရဲ့ဆန္ဒကို ကျေးဇူးတင်တာပါ။ ဒါမှ အဘွား စိတ်အေးနိုင်မှာလေ။ သူမရဲ့ရည်ရွယ်ချက် ဘာပဲဖြစ်ဖြစ် သူကတော့ ကျေးဇူးတင်သင့်တယ်လို့ ထင်တယ်။ နောက်ဆိုရင် သူက သူတို့နှစ်ယောက်ကြားက သဘောတူညီချက်ကို လိုက်နာမှာပါ။
ရွှီရှောင်ကျောင်းက သူပြောချင်သည့်အဓိပ္ပာယ်ကို နားလည်လေရာ
YOU ARE READING
၇၀ ခုနှစ်က နုနယ်သောဇနီးလေး
Romantizmရွှီရှောင်ကျောင်းတစ်ယောက် ပျင်းပျင်း ရှိတာနဲ့ ခေတ်ဟောင်းစာအုပ်တစ်အုပ်ကို ဖတ်နေလိုက်တယ်။ တစ်ရေးလေးအိပ်လိုက်တာ သူမခင်မျာ အဲစာအုပ်ထဲက အမြောက်စာအဖြစ် ကူးပြောင်းသွားရသတဲ့။ မူလခန္ဓာကိုယ်ပိုင်ရှင် ကျောက်ရှောင်ကျောင်းက ကျေးရွာကို ပို့ခံလိုက်ရတဲ့ ကေဒါကလေးတစ...
