لم اعرف طفلتى

الفصل السادس والعشرون

اللهم صل وسلم وبارك على سيدنا محمد وعلى اله وصحبه وسلم تسليما كثيرا

اتوترت ملك ولم تعرف ماذا تقول واحمر وجهها خجلا
ابتسم حازم وقال يعنى افهم من سكوتك ده ايه طيب
ملك: بكسوف اقول ايه طيب
حازم: قولى مشاعرك قولى اللى جواكى بتحبينى زى ما بحبك ولا ايه
هزت ملك وجهها بمعنى ايوه وهى مكسوفه
ابتسم حازم وقال يعنى بتحبينى
ابتسمت ملك وقالت اه يعنى بقى بطل تكسفنى
فرح حازم بشده وقال بجد انا مش مصدق اخيرا يعنى انتى خلاص بقيتى حببتى ياااه اخيرا عايز اعلى صوتى واقول لكل الناس حب حياتى بيحبنى زى ما بحيه
ملك: وهى تضحك اسكت خلاص هتفضحنا وطى صوتك
حازم: اوطى صوتى ليه دا انا ماصدقت
حازم: انا عايز اكلم فارس واجى اتقدملك فى اقرب وقت
ملك: على طول كده
حازم: على طول ايه دا انا بقالى كتير بحبك انا استنيت كتير ماعنتش قادر استنى اكتر من كده
ملك: خلاص اللى تشوفه
حازم: خلاص تمام همشى انا عشان ماتتاخريش على والدتك اكتر من كده
ملك: ماشى تمام
حازم: ولما اكلمك تبقى تردى
ضحكت ملك وقالت ماشى
حازم: سلام يا حببتى وهو يغمز لها
اتكسفت وابتسمت وقالت سلام

عند فارس فى المستشفى
كان يجلس وينظر الى ليلى ويتذكر طفولتها ورسمهم مع بعض عندما كان يعلمها الرسم وينظر لها ويتحسر على حالها الان وإلى ما وصلوا له فهو لم يسعد بزواجه بها فهو منذ ان علم انها طفلته وهى فى الغيبوبه والان مريضه وخائفه منه قاف من شروده على دخول الطبيب للاطمئنان على حالتها الان
كشف عليها وطمئنه ان التنفس بقى طبيعى وازاله جهاز الاكسجين وقال له انه ممكن ان يخرج بعد انتهاء المحلول بس يجب الاهتمام بغذائها وكتب لها فيتامينات وبعدها عن اى شىء يزعجها ثم خرج وتركه

عند حنان انتهى وقت العمل خرجت وهى تسير فى الطريق وجدت صوت سياره تزمر لها نظرته وجدت ماجد وقفت ووقف وانزل الزجاج وقال لها اركبى
قالت له: لا معلش البيت مش بعيد
ماجد: اخلصى واركبى
ركبت حنان وقالته العنوان وهو فى الطريقه وقف بالسياره فجاءه
حنان : وقفت ليه
ماجد: جعت وده وقت الغداء وانا بحب اكل فى المطعم ده
حنان: طب خلاص روح انت وانا هنزل اركب من هنا
ماجد: هو حد قالك انى بخيل يالله انزلى عزمك على الغداء
حنان: لا مرسى ماليش نفس
ماجد: انتى يا بنتى بتجوعى أمتى فطار ومابتفطريش غذاء ومش جعانه بتجوعى امتى عرفينى
حنان: ضحكت وقالت انا مش من هوات الاكل
ماجد: هو الاكل بقى هوايه انزلى يا ماما ربنا يهديكى انزلى
نزلت حنان ثم دخلوا المطعم لتناول الغذاء

عند ملك
اشترت باقى احتياجات وذهبت الى والدتها
نعمه: ايه يا قلبى جبتى كل اللى عايزاه
ملك: اه وهموت من الجوع
نعمه: طب الحمد لله اخيرا دا انا تعبت مناهده عشان تاكلى بقالك كام يوم ما بتاكليش
ملك: لا خلاص كانت ايام هبله وراحت لحالها اللى جاى كلو سعاده وفرح
نعمه: الله الله ايه اللي غير مزاجك فجاه كده
ملك: هيكون ايه غير الخروجه القمر دى يعنى نعمه هانم تنزل معايا بنفسها ومابقاش مبسوطه ازاى
نعمه: ماشى يا بكاشه يالله نروح ناكل فى اى مطعم هنا
ملك : يالله يا مامتى يا قمر انتى