لم اعرف طفلتى

الفصل الثانى والخمسين

اللهم صل وسلم وبارك على سيدنا محمد وعلى اله وصحبه وسلم تسليما كثيرا

تصنم مكانه عندما نظر ووجد حنان تقف تنظر له متجمده مكانها والدموع تملا وجهها فهى راته وسمعته وهو بيعرف نادين على انها زوجته كان كان الزمن توقف الان كان لا يرى ولا يسمع شئ من حوله لا يرى غير وجه حبيبته الباكى التى تناظره بصدمه وخذلان
تركت حنان المكان وخرجت سريعا
اراد ان يلحقها ولكن كانت نادين وفارس واقفين فقال معلش هعمل تليفون وهاجى وتركهم وخرج سريعا ليلحق بحبيبته التى جرحها وخذلها
وجدها تقف تائهه كانها مغيبه عن العالم كانت فى صدمه كبيره لم تتوقع ان يخدعها كانت دموعها تغرق وجهها
ماجد: حنان
عندما راته يقترب وينادى عليها اسرعت فى الابتعاد ولكنه جرى سريعا يلحقها ثم امسكها من يدها يمنعها من الجرى
شدت يدها منه وقالت ابعد عنى اياك تلمسنى او تقرب منى تانى
ماجد بحزن اسمعينى طيب
حنان بصريخ : اسكت خالص مش عايزه اسمع صوتك اسكت انت ايه انت مش بنى ادم انت عايزنى اسمع ايه اسمع ازاى خدعتنى ازاى لعبت بيا وبمشاعرى ازاى ضحكت عليا واستغفلتنى
ماجد: لا لا انتى فاهمه غلط
ضحكت حنان وقالت فاهمه غلط ايه عايز تضحك عليا تانى وتخدعنى تانى ثم ضربته على صدره وهى تصرخ انت ايه ايه انتى ازاى كده ازاى طايق نفسك وانت بالحقاره دى ازاى ماعندكش ضمير اووى كده روح يا شيخ منك لله مش مسمحاك بحق كسرت قلبى وقهرتى ما مسمحاك وان شاء الله ربنا هينتقم منك وهياخذلى حقى منك حسبى الله ونعم الوكيل فيك مش عايزه اشوف وشك مره تانيه ثم تركته وتركت المكان كله وخرجت
كان يقف هو مصدومه مقهور كان ينظر فى اثرها وجد دموعه تنزل على وجهه لا اراديا لم يتوقع ان تكون دى النهايه بعد ان وجد حب حياته الحقيقى من احبته لشخصه ليس لماله ولا منصبه ضاعت من يده مسح وجهه  واستدار وجد فارس فى وجهه ينظر له نظره لم يفهمها وجد بكس قوى نزل على وجهه
ماجد كان فى صدمه فقال وهو يمسك وجهه مكان الضربه: فارس
فارس: اه فارس اللى اعتبرك اخوه ودخلك بيته كان جزاته انك رحت تلعب ببنت خالته وتكسرها ماكنتش اعرف انك مش راجل
ماجد: بصريخ انت لازم تسمعنى
فارس وهو يجزبه من ملابسه: اسمع اسمع ايه اسمع ازاى لعبت ببنت خالتى وخدعتها ازاى خنت مراتك هى دى الرجوله هى دى الاصول انى ادخلك بيتى وانت تلعب على اهل بيتى
ماجد: بصريخ انا مالعبتش على حد انا اصلا ماكنتش اعرف انها بنت خالتك
فارس: ياسلام شايفنى مختوم على قفايا وهصدق الهبل اللى بتقوله ده ثم جزبه مره اخرى من هدومه وقال اسمع يلا انت مش عايز اشوف خلقتك مره تانيه ولا تقرب من اى حد يخصنى لأن ساعتها قسما بالله ما هسيبك وانت ماتعرفش انا ممكن اعمل ايه مع اللى يقرب من حاجه تخصنى او يقرب من اهلى يلا ادخل لمراتك يا سبع وخدها وغور من هنا وانسى ان كان ليك صاحب اسمع فارس زى ما انا هنسى ان كان ليا صاحب اسمه ماجد ثم تركه و ذهب
جلس ماجد على الارض مكانه يبكى فهو خسر حبيبته وصديقه الذى كان بمثابة اخ له لم يتوقع ان يحصل كل هذا لم يتوقع ان كذبته ستوصله لهذا الموقف البشع