لم اعرف طفلتى

الفصل الثامن عشر

اللهم صل وسلم وبارك على سيدنا محمد وعلى اله وصحبه وسلم تسليما كثيرا

كانت هبه فى غرفة ليلى تتفرج على الغرفه وتفتش فيها وتفتح الدولاب لترى ما بداخله لترى ما يوجد فى الغرفه ولكن وجدت من يفتح الباب
دخل فارس الغرفه و وجد هبه تفتش فى الغرفه
فارس:انتى مين وبتعملى ايه هنا
هبه: انا هبه بنت خال ليلى انت نستنى ولا ايه
فارس: وبتعملى ايه فى الاوضه وفتحه الدلاب ليه
هبه: كنت بشوف هدوم لليلى عايزه اغيرلها
فارس:ليلى مغيره وزى الفل وماينفعش تفتحى الدولاب وتدورى فى الاوضه دى خصوصيات
هبه: سورى انا ماكنش قصدى بس انا وليلى واحد اصلها زى اختى بالظبط يعنى لو احتاجت اى حاجه انا موجوده هنا بدلها
نظر لها فارس مطولا ثم قال معلش انا مبحبش حد يجى جنب حاجتى او حاجة مراتى وانا ما بحتجش حاجه من حد
هبه: بس انا مش اى حد انا بوبه يعنى مش غريبه
فارس: معلش انا عايز ارتاح بعد اذنك اخرجى
نظرة له هبه واقتربت منه سريعا  ووضعت يدها على صدره وقالت وهى تتصنع القلق مالك انت تعبان ولا حاجه فيك ايه طمنى
اتعصب فارس وابعد يدها سريعا عنه وقال:قولتلك اتفضلى اطلعى بره وماتقربيش منى تانى انتى فاهمه
نظرة له هبه وقالت :طيب انا هخرج عشان ترتاح اهم حاجه رحتك ثم خرجت من الغرفه
نظر فارس فى اثرها وتنهد بقرف ثم توجه الى ليلى وقال لولتى انا جيت يا قلبى وحشتينى اووووى الشويه دول انتى عامله ايه ياقلبى انتى كويسه يارب تكونى كويسه وتفوقى بسرعه عشان انتى وحشتينى اووووى يا قلبى
ثم باس رئسها وقال هقوم اغير واجيلك ثم قام دخل غرفه الملابس واخرج هدوم له وخرج نظر على ليلى وقال هروح اخذ شاور مش هتيجى تسعدينى زى المره اللى فاتت فكره وهو يغمز لها ويضحك كان احلى شور اخذته خلاص خلاص ماتتكسفيش هسيبك المره دى لحد ما تفوقى وساعتها تبقى تساعدينى اصل انا ما بقدرش اخذ شور لوحدى بتعب وهو يضحك ثم دخل الحمام اخذ شور

عند ملك وحازم
كانوا جالسين فى الكافيه وينظرون الى بعض ثم قال حازم ليقطع الصمت
حازم: انتى بتحب المانجه
ملك: اه جدا
حازم: يابختها
ملك: ها
حازم: لا ابدا
بس انا قولتلك ندخل الكافيه نشرب برتقال او لمون بس انتى طمعتى وطلبتى مانجه
اتحرجت ملك واعتقدت انه يتحدث بجد وقالت فى توتر انت قلت لى اختارى اللى عايزاه
حازم : اقصد تختارى لمون او برتقال ماكنتش  اعرف انك دخله على طمع
اتحرجت ملك وتضايقه وقالت انا ماكنتش اعرف انك تقصد كده وعلى العموم مش مشكله انا اللى عزماك
ضحك حازم بشده
نظرت له ملك باستغراب وقالت انت بتضحك على ايه
حازم : بضحك عشان انتى صدقتى انا كنت بهزر معاكى على فكره انتى تاخدى اللى انتى عايزاه ولو جعانه نطلب اكل
ملك: انا فكرتك بتتكلم بجد
حازم: انا مش بخيل للدرجادى انا ابخل  من كده بكتير هههههه
ضحكت ملك على هزاره
وهو نظر على وضحكتها بحب واعجاب كبير وقال ضحكتك حلوه اوووى
اتكسفت ملك ووجها احمر وقالت مرسى 
ثم مسكت العصير تشرب منه لتدارى احراجها ثم وجد هاتفه يرن رد على هاتفه وقال الو ايوه يا منه
منه : انت فين انا لبست ومستنياك
حازم:معلش يا حببتى مش  هينفع اجى انا اسف متزعليش
منه:انت ازاى تدينى معاد وترجع فيه انت معندكش احترام للموعيد والوقت ايه الاستهتار ده
حازم: معلش يا حببتى والله حصل ظروف
منه: قفله فى وجه
حازم نظر إلى الهاتف ثم وضعه على التربيزه وهو غافل عن التى امامه وفهمت المكالمه بشكل خاطئ فهى ن
ظنت انه له حبيبه وكانت هيقابلها وهى عطلته احست ان قلبها يطعن وحست بالاختناق وحست انها تريد البكاء بشده
لاحظ حازم شحوب وجهها ومزاجها الى انقلب وقال مالك فى حاجه انتى كويسه
ردت ملك وحولت ان تبدو طبيعيه وحولت ان يخرج صوتها طبيعى وقالت مفيش حاجه بس انا عايزه اروح
حازم: ليه ما احنا قعدين شويه حتى تشربى العصير بتاعك
ملك: لا معلش حاسه انى تعبانه شويه وعايزه اروح ارتاح
حازم بخضه : مالك الف سلامه عليكى حسه بايه نروح المستشفى
ملك: لا مفيش داعى شويه ارهاق بس
حازم : طيب تمام
ودفع حازم الحساب وخرجوا من الكافيه