لم اعرف طفلتى

الفصل العاشر

اللهم صل وسلم وبارك على سيدنا محمد وعلى اله وصحبه وسلم تسليما كثيرا

تفاجئ فارس عندما وجدوا الاسوره فى شنطه ليلى هو متاكد انها لم تفعل هذا فهى انسان كويسه جدا
ولكن لفت انتباهه شئ على الارض وقع من شنطه ليلى  اقترب ونظر له ومد يده واخذه ولكن انصدم صدمه كبيره احس انه يحلم واصبح يفتح عينيه ويغلقها
لا يصدق ما راه فهو يمسك خاتم لولى اللى اشتراه لها
لا يستوعب ما يراه
كان الجميع يتحدث على انها حراميه فجأة سكت الجميع اثر صريخ فارس اللى أفزع الجميع
فارس بصريخ:بس بقى مش عايز اسمع صوت اى حد انتوا اتجننتوا ها انتم ازاى جات لكم الجرئه انكم تتكلموا على مراتى وتتهموها بالسرقه ازاى وازاى تدخلوا اوضتى وتفتشوا فى حاجة مراتى ايه قلة الادب دى
نعمه: فارس انت اتجننت ازاى تكلمنا كده
فارس: واللى عملتوه دا ايه ايه مافيش خشه لما تدخلوا اوضت نومى و تفتشوا فى حاجه مراتى وتتكلموا على مراتى
كان يقف كل من ناديه و حنان وملك فى ذهول مين اللى مراته
فارس بصريخ :اخرجوا بره
كان الجميع ينظر له بخوف من صريخه
فارس بصريخ :بره
خرج الجميع سريعا بينما فارس جالس لا يستوعب شئ مما يحدث من حوله

فى الاسفل
ناديه :مين دى اللى مراته
نعمه بتوتر:مش وقته الكلام دا لما نشوف هنعمل ايه فى موضوع الاسوره
دخلت المطبخ لتبحث عن ليلى لتفضحها وتقول انها حرميه ولكن لم تجدها
خرجت تسال الحراس وقالوا انهم ماشافوهاش قالت  لهم انها حرميه وهربت أرادت ان تفضحها وقالت لهم ان يفتشوا عليها ويخبروا الجميع  وانتشر فى البلد خبر ان ليلى سرقه وهربانه

عند فارس جالس فى الغرفه يربط الاحداث ببعض
الوحمه اللى على ايدها مثل الوحمه اللى على ايد لولى والخاتمه معاها اللى اشتراه للولى والمكان اللى كانوا بيقعدوا  فيه تحت الشجره كانت قاعده فيه والحلم اللى حلمه عندما اخبرته انها معه وان فى جزء منها بداخله كل شىء بيدل انها لولى بس ازاى ولولى ماتت ازاى ظل يكلم نفسه حتى لفت انتباه دفتر على الارض لانهم قاموا بافراغ شنطتها على الارض وكان دفتر مذكراتها

عند ليلى كانت تجرى لا تعلم اين تذهب ثم تذكرت كوخ قديم كانوا صنعوه هى وفارس للاحتماء من الشمس هى لا تعلم هل مازال موجود ام لا ولكن ذهبت لانها مثل الغريق اللى بيتعلق بقشايه لا يوجد مكان تذهب اليه ذهبت سريعا وكان موجود بفعل فرحت وذهبت سريعا وفتحت الباب ودخلت كان يوجد بداخله بساط على الارض كانوا يجلسون عليه دخلت جلست وحمدت الله انها لقت مكان تقعد فيه فهى خائفه ان يمسكوها بالتأكيد سوف تسجن وهى بريئه لم تفعل شىء

عند خال ليلى سمع من اهل البلد خبر سرقة ليلى وهروبها ذهب الى بيته توقع أن تكون ذهبت اليه لانه يعلم ان لا يوجد مكان لها غير عنده
فتح الباب
سميحه ( زوجة خال ليلى):انت جيت بدرى ليه يا راجل
منعم (خال ليلى):البت ليلى جت هنا
سميحه:وهتيجى الزفته دى تانى ليه دا احنا مصدقنا خلصنا منها وغارت
منعم:الحيوانه سرقه بيت العمده وهربت اتفضحتا فى البلد بسببها
سميحه:يالهوى يالهوى سمعتنا بقت فى الارض وهتكون راحت فين ماتكونش ماشيه على حل شعرها وهربت و راحت لعاشقها
منعم:معقول الفجره والله لاجيب خبرها بنت الكلب
سميحه:الفجره هتوقف حال بنتى بسبب سمعتنا اللى بقت فى الطين بسببها