لم اعرف طفلتى

الفصل الثامن والاربعين

اللهم صل وسلم وبارك على سيدنا محمد وعلى اله وصحبه وسلم تسليما كثيرا

استيقظ فارس من النوم نظر بجانبه لم يجد ليلى فقام دخل الحمام ليفعل روتينه اليومى ثم خرج ادى فرضه ثم خرج من الغرفه ليرى ليلى سمع صوت جاى من المطبخ فذهب الى هناك فوقف على الباب يتفرج عليها وهى تعد الافطار و هى تتحرك بنشاط ووجها يظهر عليه السعاده  والبهجه فذهب لها ووقف خلفها وهى لم تشعر بهى فحاوط وسطها بيده فانتفضت ليلى لانها لم تعلم بوجوده ولم تشعر بهى
فارس: اهدى دا انا
ليلى: خضتنى حرام عليك وهى تضع يدها على قلبها
فارس: سلامتك من الخضه يا جميل
حولت ليلى فك يده عنها و هو لم يتركها
ليلى: حاسب عشان اشوف الاكل
فارس: بتعملى ايه
ليلى: بحضر الفطار
فارس: لا دا انا يابختى بقى هاكل كل يوم من ايدين القمر ده
ليلى: طب حاسب بقى
فارس: طيب يا ستى انا هدخل البس عشان نازل هقابل واحد ثم صاحبى لسه جاى من السفر
ليلى: طيب ادخل البس وانا الاكل خمس دقايق وهيكون جاهز تكون لبست
فارس: تمام وخرج من المطبخ ودخل غرفة نومه واخرج ملابس له ولكن تذكر ان ليلى من امبارح بملابسها ولا يوجد ملابس لها فابدل ملابسه وسرح شعره
وخرج من الغرفه كانت ليلى تضع الاطباق على السفره
ذهب  لها وقال ايه الجمال ده كله الاكل شكله يفتح النفس تسلم ايدك
ابتسمت ليلى له وقالت دوق الاول وبعد كده قول رايك
فارس: من غير مادوق هو شكله حلو اووى واكيد طعمه زى شكله
فابعد لها الكرسى حتى تجلس وجلس هو الآخر
بداء ياكل وكان معجب بطعم الاكل نظر عليها وجدها لا تاكل فهى ضعيفه للغايه سحبها بالكرسى له شهقت ليلى من الخضه وقالت ايه ده انت عملت كده ليه
فارس: عشان  تبقى جانبى واكلك بايدى  يا جميل
ليلى: ما انا باكل وكمان عشان تعرف تاكل انت
فارس: اولا انتى ما بتكليش اكلك زى ما هو وانتى ضعيفه اووى ومحتاجه تتغذى ثانيا هو انا اطول ااكل القمر بايدى وبعدين انا فعلا مش هعرف اكل وانا باكلك طب ايه الحل  ومثل انه يفكر ايه الحل يا ابو الفوارس اه لقيتها الايدين القمر دى هى اللى تاكلنى فى بوقى
اتكسفت ليلى وقالت لا لا انا مش هعرف كل انت وانا هاكل انا
فارس: لا ابدا ما هيحصل ماتخلنيش اخذك على حجرى وااكلك زى الاطفال
ليلى : لا لا خلاص هاكلك
فارس وهو يضحك ايوه كده بنات ما بتجيش غير بالعين الحمره ثم مسك فارس الطعام وقربه من بوقها
فتناولته منه فوجدته يمسح بيده بقايا الطعام من على بوقها وتناوله وقال احلى اكل اكلته
تصبغ وجهها باللون الاحمر
وشاور لها بعينيه على طعامه بمعنى يلا اكلينى
فمسكت الطعام وقربته من بوقه فمسك يدها بيده وفتح بوقه و تناول منها ثم قبل اصابعها
فانكسفت وسحبت يدها سريعه فابتسم فارس على خجلها منه
وظلوا هكذا يطعمون بعضهم حتى انهوا الطعام بعد اصرار فارس على انهاءها طعامها كله
ثم قام غسل يده وهى قامت بلم الاطباق وأدخلتهم المطبخ خرج فارس من الحمام بعد ان غسل يده وذهب يلبس حذاءه فخرجت ليلى من المطبخ وقالت انت خلاص نازل
فارس: اه محتاجه حاجه اجبهالك وانا جاى
ليلى: لا تسلم
فارس: اه صحيح جهزى نفسك بعد ما اخلص هاجى اخذك ننزل
ليلى: هنروح فين
فارس: لما اجى هتعرفى
فارس وهو ياخذ مفاتيحه اه معلش يا ليلى ممكن
تجيبى لى المحفظه من الاوضه اصل نسيتها
ليلى: حاضر وبالفعل ذهبت ليلى للاوضه دخلت وجدت المحفظه على التسريحه وجاءت ان تمسكها وقع شئ منها
انحنت لترى ما وقع وجدت صوره مسكتها ونظرت لترى صورت من وجدت صوره لها وهى صغيره مع فارس تذكرت كيف اخذوا هذه الصوره
كانوا فى العيد وكانت ترتدى ملابس جديده واخذها فارس واشترى لها عروسه واشترى كاميرا لنفسه فهوا كان يعشق التصوير واشترى لها الايس كريم  وكانت سعيده جدا فى هذا اليوم وبعد ما اكلت الايس كريم كان وجهها ملطخ بالشوكولاته عندما رأى فارس وجهها اصبح يضحك بشده فهى كانت لطيفه فى نظره وجميله بكميه براءه رهيبه
لولى: انت بتضحك عليا يا فالس يا وحش
فارس وهى يضحك: لا ما بضحكش عليكى دا انتى عسل خالص
لولى: لا انت بتضحك عليا وانا مخصماك ومش هكلمك يوم ويوم ويوم
فارس بضحك : يا نهار ابيض لا  يوم ويوم ويوم دا كتير اووى وانا ماقدرش على زعل لولى القمر طب ايه رايك أصالحك
لولى : بجد هتصالحنى ازاى
ضحك فارس على براءتها وقال ايه رايك اجيب لك غزل البنات
فرحت لولى : ايوه ايوه غزل البنات هات لى غزل البنات يلا يلا
فاخذها فارس وذهب اشترى لها غزل البنات
كانت سعيده وتاكلها باستمتاع
فارس: ها يالولى لسه فارس وحش
لولى وهى تهز راسها بالرفض لا فالس حلو
ضحك فارس وقرصها من خدها وقال انتى اللى قمر ايه رايك اصورك بالكاميرا الجديده
لولى: اه اه يلا نتصور
فقام فارس فقطف ورده ووضعها فى شعرها
وقام بتصويرها ثم تصور معها صوره اخرى  هذه الصوره التى بين يدى ليلى الان دموعها نزلت على هذه الذكره الجميله اجمل ايام حياتها لم ترى السعاده بعد ذالك
وجدت فارس امامها ونظر على ما فى يدها فاقترب منها ومسح دموعها بيده وقال بتعيطى ليه
ليلى : لا ابدا مش بعيط دا حاجه دخلت فى عينى
لم يصدقها فارس فهوا يعلم انها تذكرت طفولتهم معا لهذا تبكى
فارس: لقيتك اتاخرتى عليا جيت اشوفك اتاخرتى ليه
ليلى: مافيش اصل الصوره دى وقعت من المحفظه صورت مين دى
فارس بايتسامه على كلامها : دى اجمل حاجه فى حياتى
اجمل طفله راتها عينى طفلتى اللى ربتها على ايدى رغم انى كنتى صغير بس كنت بحسها بنتى الصغيره اللى لازم ان اخذ بالى منها وارعاها واحميها
ليلى: وهى فين دلوقتى
فارس: معايا
ليلى بصدمه معاك ازاى: فارس فى قلبى ثم اخذ المحفظه وتركها ومشئ
ظلت ليلى تنظر فى اثره ثم جلست على طرف السرير دموعها تنزل على ما عاشوه من معاناه وقالت يا يا فارس لسه فاكر لولى لحد دلوقتي  ومحتفظ بصورتنا وانا كمان عمرى ما نسيتك  والله انت كمان فى قلبى للابد
ثم قامت لتجهز الغذاء وتنظف البيت وتغسل مواعين الفطار