لم اعرف طفلتى

الفصل السابع والخمسين

اللهم صل وسلم وبارك على سيدنا محمد وعلى اله وصحبه وسلم تسليما كثيرا

ذهب حازم الى الحمام لياخذ شاور ويبدل ملابسه بعد وقت خرج من الحمام وتوجه الى السرير لينام بجانب ملك تمدد بجانبها وجاء ان يحتضنها ازاحت يده بعيدا عنها وابتعدت وكانت تعطيه ظهرها
تنهد بضيق وحاول ان ينام بعد وقت من محاولته للنوم نام بالفعل وكانت ملك نامت قبله من شده الارهاق وقله النوم الايام السابقه

صباح يوم جديد
استيقظ حازم على صوت المنبه لانه بعد قليل موعد الافطار قام وحاول ان يصحى ملك ولكن ملك كانت تريد النوم ولم تستيقظ فقام هو ودخل الحمام ليفعل روتينه اليومى ويرتدى ملابس الخروج ثم عاد مره اخرى الى ملك ليوقظها
حازم: ملك يا ملك
ملك: اممم
حازم: قومى يلا
ملك: لا سيبنى عايزه انام
حازم: قومى ما ينفعش
نظر على الساعه وجد ان لم يتبقى غير ربع ساعه على معاد الافطار فقال يلا يا ملك ماعادش غير ربع ساعه هنتاخر
فتحت ملك عيونها وقالت هنتاخر على ايه
حازم: على ميعاد الفطار
ملك: لا انا عايزه انام ومش جعانه الوقتى روح كل انت وانا لما هقوم هبقى اكل
حازم: لا ما ينفعش الكلام ده البيت هنا فى قواعد
ما ينفعش اللى بتقوليه ده
نظرت له ملك قليلا تستوعب ما يقول ثم قامت جالسه لتسمع جيدا لتفهم ما يقول ثم قالت قواعد قواعد ايه دى
حازم: انا لسه هشرحلك يلا بسرعه قومى غيرى هدومك عشان نلحق
ملك: وانا قولتلك انى مش جعانه الوقتى وبعدين انت متصربع على ايه هو الاكل هيطير
حازم: يا بنتى احنا لو ماقمناش الوقتى وفاتنا ميعاد الفطار هنفضل جعانين لغاية ميعاد الغذاء
ملك: ودا ليه ان شاء الله هو الاكل قليل يعنى هيخلص
حازم: لا معاد الفطار هيروح وممنوع ناكل بعده
قامت ملك ونزلت من على السرير وقالت بتقول ايه ممنوع ومين اللى هيمنعنا ان شاء الله
حازم: يابنتى البيت هنا ماشى على قواعد
ملك: لا يا حبيبى القواعد دى على نفسكم مش عاليا انا لما بجوع باكل هو انتم هتدخلوا فى معده الواحد كمان
حازم: ما انتى صحيتى اهو يلا بقى وبعدين انتى المفروض اول مره هتفطرى مع اهلى الاصول انك تنزلى وتقعدى معاهم
تنهدت ملك بضيق ولكن قررت ان تعدى دلوقتى موضوع القواعد والقوانين ده وتنزل حتى تجلس مع اهله حتى لا تفعل مشكله معهم من اول يوم لها فى المنزل ولانها بالفعل لازم ان تفطر حتى تذهب الى والدتها ولكن فى وقت اخر سوف ترى القوانين فقالت انا هنزل عشان اول يوم ولازم اكل مع اهلك وكمان عشان بعد الاكل هروح لماما قالت ذالك وتوجهت الى غرفة الملابس واخرجت طقم خروج ثم ذهبت الى الحمام لتفعل روتينها اليومى وكان حازم كل دقيقه يخبط عليها يستعجلها انتهت وقامت بفتح الباب بعنف فهى تضايقت بشده وقالت ايه فى ايه يا حازم كل شويه يلا يلا مش باخذ شاور وبلبس
حازم: يلا بس هنتاخر قال هذا وهو يسحبها من يدها وخرجوا من الغرفه
كانت ملك متضايقه وتتافاف
نزلوا الى الاسفل وجدوا منه واقفه بجانب الترابيزه تنتظر نزول والدتها
فقالت ملك بابتسامه:صباح الخير يا منونه
منه : صباح النور
ذهبت ملك وجلست فى الكرسى اللى بجانب زوجها ولكن زوجها لم يجلس كان واقف هو الاخر امام كرسي حتى تنزل والدته فنظرة لهم ملك وقالت مالكم واقفين كده ليه شبه الغفر وهى تضحك ما تقعدوا جاء حازم ان يرد لمح والدته تدخل الغرفه فجذب ملك من يدها وقال قومى قومى بسرعه
ملك بخضه: ايه فى ايه ايه اللى حصل وقامت مخضوضه
وجدت سميره تجلس و زوجها يتجه اليها وهى تمد يدها ويقبلها ويقبل راسها ويقول صباح الخير
ثم منه قامت بالذهاب وتقبيل يد امها وراسها وقالت صباح الخير
كانت ملك واقفه فاتحه فمها تستوعب ما يحدث هل كانوا واقفون كالغفر حتى تحضر امهم وجدت سميره تنظر لها وهى تمد يدها لها لتقبلها هى الاخرى  تضايقه ملك وجدت حازم يزقها فى اتجاه والدته دون ان يلاحظ احد وينظر لها بعنيه حتى تفعل المثل فذهبت وامسكت يدها صافحتها وقالت صباح الخير ثم عادت الى مكانها تحت انظار الجميع وكانت سميره تنظر لها بغضب من فعلتها وحازم يتنهد من تصرفها وطريقتها
جلست ملك مكانها وامسكت طبقها وقامت بوضع الاكل به دون ان تنتبه لهم كان حازم يخبطها بذراعه فنظرت له وقالت ايه فى ايه
فاشار لها بعينيه فنظرت لما يشير  وجدت ان  ياكل احد فقالت ايه يا جماعه ما تاكلوا بسم الله  هو انتم بتحبوا تقروا المعوذتين قبل الاكل عشان الحسد ولا ايه قالت وهى تضحك وجدت سميره تخبط الترابيزه بيدها وتنظر لها بحده شديده وتقول ماحدش يجرء انه ياكل لانى لسه ما اذنتش لحد ياكل
تفاجات ملك مما قالته وقالت ايه دا بجد والله يا طنط يا زين مربيتى طب انا هاكل بقى عقبال لما تامرى ولادك ياكلوا اه وابقى قوللهم يسموا الله قبل الاكل اصل العيال ديما بتنسى ثم اكملت وضع الطعام لها فى الطبق وجدت
سميره تخبط بيدها مره اخرى على الترابيزه وتقول الزمى حدودك يا ملك واتفضلى حطى الطبق مكانه انا لسه ماذنتلكيش تاكلى
وضعت ملك الطبق على الترابيزه وقامت وقالت  شكرا انا مش محتاجه اذن حد بالهنا عليكم انتم لما ان شاء الله تبقوا تاخدوا الاذن عن اذنكم وقامت صعدت الى غرفتها
صعدت غرفتها ورزعت الباب وكانت تكلم نفسها ايه بيت المجانين اللى جيت فيه ده قال ايه لازم  اخذ الاذن عشان اكل اه يانى هتجنن لا انا اقوم اروح لامى اهو اكل فى بيتنا براحتى من غير اذن ولا وقوف دول مسخره والله اه يا ولاد المجانين