It's YOU [END✅]

it's YOU : EP 46

" យ៉ុនហ្គី-ហ្យុង? " សម្លេងចាំមិនភ្លេច ហើយយើងក៏អាចដឹងថានាយជានរណាដែរមិនអីចឹង? កំលោះសង្ហារប្រញាប់បិទទ្វារលឿនៗ ទាញមួកនិងម៉ាសទុកទៅម្ខាង និងដើរមកឈរក្បែរយ៉ុនហ្គី។

" ហេតុអ្វីបងរកទីនេះឃើញ? " គេបន្លឺឡើងបែបស្លន់ស្លោរ ហើយក៏ស្មានមិនដល់ដូចគ្នា ។

" បងមិនល្ងង់ដល់ថ្នាក់មិនដឹងថាគ្រប់យ៉ាងជាការរៀបចំនោះទេ...ឯង? ពិតជាធ្វើឲ្យគ្រប់គ្នាខូចចិត្តមិនតិចទេ "

" ខ្ញុំធ្វើព្រោះមានហេតុផល " នាយកំលោះដកដង្ហើមធំមុននឹងដើរមកអង្គុយក្បែរយ៉ុនហ្គី ទើបនាយសង្ហារហុចស្រាមួយដបមកឲ្យគេ។

" ឯងដឹងថាប្រពន្ធឯងមានកូនទេ? "

" ដឹង!! នេះទើបមកពីមើលគេដូចគ្នា "

" គេខូចចិត្តណាស់ "

" ខ្ញុំធ្វើព្រោះចាំបាច់ពិតមែន ខ្ញុំគ្មានបំណងឲ្យគេយំនោះទេ...បើខ្ញុំមិនដើរតាមផែនការរបស់អុីសស្តុន វាក៏មិនបង្ហាញខ្លួនឲ្យយើងងាយស្រួលចាត់ការដែរ " ថាចប់ ជុងហ្គុកលើកស្រាអកមួយដង្ហើម

" មីនហូរនិងហូស៊ុកក៏ដឹងរឿងនេះដែរមែនទេ? "

" អឹម...ខ្ញុំជាអ្នកផ្តួចផ្ដើម ហើយក៏រកជំនួយពីពួកគេ "

" យើងស្មានតែឯងងាប់ចោលប្រពន្ធកូនឯងបាត់ទៅហើយ អាចង្រៃអើយ! " យ៉ុនហ្គីជេរប្រទេចមុននឹងលើកដៃវាយក្បាលជុងហ្គុកមួយដៃរបៀបខ្នាញ់ចង់សម្លាប់តែម្ដង ។ ព្រះអើយ! គេលេងយកការស្លាប់បែបនេះ នរណាមិនដឹងរឿង ទទួលយកអីបាន?

" ប៊ិសស្លាប់ទៅហើយ ! កាលនោះវាបាញ់ខ្ញុំឡើងសុះសាច់ពិតមែន "

" អីចឹងឯងក៏បាត់ខ្លួនពិតមែន?ចុះសពនោះ? "

" សាកសពក្លែងបន្លំទេ ! នេះទើបបានជា ក៏ឡើងពីកោះមកស្នាក់អាស្រ័យទីនេះតែម្ដង "

" យើងថា...យើងគេងទីនេះដែរ "

" អេ!មិនកើតទេ ទីនេះចង្អៀតណាស់ " ជុងហ្គុកប្រញាប់ប្រកែកយ៉ាងលឿន ព្រោះកន្លែងនេះតូចពិតមែន ហើយក៏មិនសមនិងនាយនោះដែរ ។

" ចង្អៀតយ៉ាងម៉េច?យើងដេកលើឯងដេកក្រោមទៅ "

" យ៉ាងណាក៏មិនបានដែរ "