انا الفلك والناس حولي مدارات تشوف عز نفوسها من خلالي

part3

حطت اخر لمساتها تناظر نفسها بالفستان الابيض الطويل الي مفتوح من فخذها لاسفله كتفه الايمن عاري وكتفه الايسر له كم طويل يوصل لساقها فردت شعرها الاسود الطويل على راحته تاخذ جوالها وتدق على عِقد للمره الالف: وينك انتِ تاخرتي
ركنت سيارتها عِقد تشوف السيارات  الي دخلت: وي وصلت اهدي
سكرت تفتح حزام الامان وتنزل ناظرت الشايب الي نزل ووراه اثنين شباب مفتولين العضلات وابتسمت: العب يافُلك والله مزز
مشت عنهم تدخل لجوا واستقبلتها سديم تسلم عليها فصخت عبايتها البيج وطرحتها تطلع لغرفة فُلك: والله مزز يابنت
رفعت حاجبها: انتِ وين شفتيهم
دخلت تسكر الباب: تحت دحين وصلو بس في شايب وتنين معه المفروض يجون موكب دي فُلك مو اي وحده
ضحكت فُلك تعدل شعرها: كيف شكلي؟
عضت شفتها عِقد تغمز: والله لو اني ولد ماحتكونين لغيري
ابتسمت فُلك تناظر نفسها اخر مره: كنت متوقعه يجيبون اهلهم مادام خطبه
سكتت عِقد لثواني تناظرها: دحين انتِ ليه حتوافقي؟ مو منجدك فُلك ماتعرفين الولد يمكن مو كويس
ابتسمت فُلك تاخذ جلالها: شي يحرق عادل؟ مايهمني بوافق يعني بوافق
تركت عِقد تلبس جلالها وتنزل وطلعت بهدوء تتقدم للمجلس وتوقف عند الباب تتسمع لهم بحيث ماحد يشوفها غيري عمران الي يدري انها موجوده لانه هو طلب منها هذا الشي

قبل يوم،وصلها اتصال من رقم مو مسجل عندها ترد: هلا؟
ابتسم عمران: حفيدة عادل؟
تعرفت عليه من اللقب: وصلت ياعمران مين انت؟
عمران: بقولك كلمتين واستخيري وعطيني رايك انا جيت بخطبك لحفيدي نجم وشروطك اوامر يابنتي ابوك بيرفض وجدك يوم الخميس تطلعين للمجلس وتتسمعين بنفسك وسوي الي يريحك مانا جابرك
سكتت فُلك لثواني تستوعب كلامه وابتسمت: موافقه ياجد نجم

عمران: اليوم جايك يا عادل وطالب يد حفيدتك فُلك لحفيدي نجم على سنة الله ورسوله
ناظره يحيى ينطق: ماعندنا بنات ياعمران فُلك لولد عمها نايف
جمد وجه نايف يناظره ولف نظره لنجم الهادي والجالس ينتظر شي
ابتسم عمران: على معلوماتي انها اشتكت عليك يا يحيى ولا؟
احتدت ملامح عادل: كلامك معي ياعمران مالنا بنات لكم وفُلك رافضه نايف يبيها
ناظرهم نايف يبلع ريقه ويتشجع:مابيها
لف نظره عادل له بحده: ابلع لسانك يا نايف
وقف نايف ينطق بحده: فُلك مابيها ماشوفها غير اخت لي
قاطع عليهم صوت الانثى الي نطقت: موافقه
جمد وجه عادل يناظر يحيى الي تلونت ملامح وجهه  وكملت فُلك ببتسامه: موافقه على نجم ياعمران
وقف عادل يصرخ بحده: فُلك
دخلت فُلك عليهم تناظرهم بعيون الريم الي يزينها الايلاينر ناظرت الاثنين الجالسين جنب بعض تجهل ايهم نجم وابتسمت ببرود: الرأي رأي وانا موافقه على نجم مو فُلك الي تنجبر على احد ماتبيه
وقف عمران: سمعت يايحيى المملك جاي بالطريق
غمض عيونه عادل يقبض كفه بقوه طلعت الامور من سيطرته فُلك بفعلتها دمرت كل شي،بتكشف ماضي مر عليه زمن طويل،بتكشف ستار عن اشياء جاهدو باخفائها،ناظرت فُلك عادل الي يحرقها بنظراته وغمزت له تلف ظهرها وتطلع،رفع يده هاجس يحك شنبه: والله مب هينه
سكت نجم يشوف قوتها وتحديها ليحيى وعادل ونطق عمران: ابي اكلم فُلك نتفق على شروطها
ابتسم يحيى بقهر: ماعندنا بنات يتشرطون
قاطع عليه فُلك الي رجعت: افا بابا تزوج بنتك بدون شروط؟تزعلني كذا
نزل وجهه هاجس لكفه يضحك بخفوت،ناظر نجم فُلك الي جلطت يحيى وتقدم عمران: تعالي يابنتي
نجم تعال
وقف نجم تناظره فُلك وتتعرف على شكله وطلعو ثلاثتهم ياخذ الفنجال عادل ويرميه بقهر وينكسر ناظر هاجس الي ابتسم ينطق: اعصابك لا تموت عليهم
عض شفته عِز الي يرتجف من كتمانه لضحكته بسبب فُلك والحين هاجس نزل نظره هاجس يضحك بصوت مسموع لهم،ناظرها عمران: وش شروطك يابنتي وكم تبين مهرك؟
لفت لعِقد الي تقدمت منهم ترتدي عبائتها وطرحتها حاطتها على شعرها بإهمال وقفت جنب فُلك تهمس: دا الجنتل؟
هزت راسها فُلك بالايجاب تلف لعمران: شروطي مابي شوفه شرعيه
ولفت لعِقد: كم اقول المهر؟
لفت عِقد تتفحص نجم: شوف جدو حفيدك حلو بس فُلك احسن منه بكتير واحس حيناسب المهر500الف
رفعت حواجبها فُلك تشوف عِقد الي تستهبل ولفت لنجم الي نطق بهدوء: تم
لفت له عِقد بصدمه: استهبل يواد ترا
هز راسه بالنفي: ما ارجع عن كلمتي
همست عِقد لفُلك: كولد برو اي شي
ابتسمت فُلك تهز راسها باسى من حركاتها وجاء المملك يتم عقد قرانهم طرق عن خشم يحيى وعادل اخذ الكتاب هيثم الي مانطق بحرف رغم كل شي صار ودخل البيت لفُلك الي جالسه على الكنب تناظر ميسم الي اعصابها فلتانه من الي صاير وتقدم لها: وقعي
اخذته تناظر اسم نجم وابتسمت توقع وتمده له غطرفت عِقد تضحك: حرّم نجم
ضحكت فُلك: اهجدي
جلست جنبها تهمس وهي تناظر ميسم: بسام بيدري؟
لفت لها بحده من جابت طاريه: عِقد فكيني من ذا الغثيث
حطت يدها على فمها بمعنى سكت ونطقت هيله ببتسامه: مافي شوفه شرعيه؟
هزت راسها فُلك بالنفي: شرطي بدون شوفه
ابتسمت ميسم بسخريه: تخافين يكنسل
نطقت عِقد: تخاف يتهور ويجيب بيبي من دحين
غطت فمها لورا بذهول من ردها وعضت شفتها سديم تضحك احمر وجه ميسم تناظر عِقد الي استوعبت الي قالته وتحس تفشلت ناظرت فُلك الي تضحك وهمست: جبت العيد؟
فُلك: جبتي امه بعد
شمقت عِقد: طز
رفعت جوالها فُلك تشوف الرقم الي ارسل لها: السلام عليكم
ردت فُلك عليه: وعليكم السلام مين؟
ناظرت رسالته: نجم عطيني حسابك
ابتسمت ترسل له ورفعت نظرها لعِقد الي تناظر ابتسامتها: بسم الله شفيك
عِقد: مسرع ابتسامات وحركات
ضحكت فُلك: سخيفه
حطت جوالها على الكنب ووقفت: بغير ملابسي
هزت راسها عِقد تناظرها تطلع لغرفتها وجلست سديم جنب عِقد: كيفك وكيف امك
ابتسمت عِقد: بخير ياعيوني
اكتفت سديم بابتسامه تناظرها لثواني واقتربت تهمس: شصار برا؟
ضحكت عِقد بنفس همسها: لا تشوفين كيف حماس وربي حيعجبك
ضحكت سديم تنزل نظرها لهاتف فُلك الي اهتز نتيجه رساله وصلتها وتوسعت عيونها بصدمه تشوف المبلغ الي تحول لحسابها ناظرت عِقد: يمه شوفيي
نزلت نظرها عِقد الرساله  تتسع ابتسامتها: والله سواها الجنتل
عقدت حواجبها ميسم بفضول من هماستهم: شفيكم انتم؟
لفت لها عِقد تبتسم بخبث: الجنتل حول مهر فلوكتي
سديم بصدمه: 500الف!!
توسعت عيون ميسم:500 على وش؟؟
ابتسمت عِقد: هدي الفُلك
سكتت سديم تناظرها واخذت الهاتف عِقد تطلع لغرفة فُلك فتحت الباب بقوه:بنتت والله سواها الجنتل
لفت لها فُلك: شفيك وش سوا
ابتسمت ترفع الهاتف لنظرها: ميسم كانت حتموت قهر
ضحكت فُلك تناظر عِقد الي انسدحت على سريرها باحلام: الي كان معو متزوج؟ ابيهه