انا الفلك والناس حولي مدارات تشوف عز نفوسها من خلالي

part32

ركن سيارته يفتح حزامه ويفتح باب السياره ينزل يتوجه لبابها، فتحه يمد كفه لها تتمسك فيه وتنزل بهدوء تنزل تستند عليه، حاوط خصرها بذراعه يتقدم يدخل لداخل الفله، ابتسمت بخفوت من تقدمت منها دلال يتركها هاجس لتحتضنها: الحمدلله على سلامتك يابنتي
ابتعدت تستند عليها: تعبانه ابي انام
هزت رأسها بالإيجاب تلف لهاجس: تسلم ياولدي ماقصرت
ابتسم لها بهدوء: ابد واجبي
لفت عِقد تناظره لثواني: حتبقى هنا صح؟
هاجس: اذا تبين
هزت رأسها بالإيجاب: خليك اجل
ابتسمت دلال تهمس لها: حركات والله
ضحكت بنفس همسها: عشان ما اشغلك انتِ وبابتي
رفعت حاجبها تناظرها تصدّ بضحكه لهاجس الذي تقدم يسندها تمشي معه للدرج يصعدون للأعلى: وين غرفتك
عِقد: قدامك يا اثوّل
رفع حاجبه يناظر الغرفه التي آشارت لها يمشي يدخلون مع بعض، اغلق الباب يساعدها تتقدم تجلس على السرير: واخيراً غرفتي وسريري
نزلت عبايتها تناظره: مسوي مستحي؟ اجلس بس
جلس على الكنبه: العمليه بكليتك شفيها آثرت على مخك ليكون الدكتور غلّط فيها
ضحكت تقلب عيناها: تعرف تنكت
هز رأسه بثقه: اعجبك
آشارت له بيدها: تعال تعال بس
وقف يتقدم منها يجلس من طلبته لتنسدح هي على فخذه تُغمض عيناها: العب بشعري
مدّ كفوفه لشعرها يعبث به: بتنامين؟
هزت رأسها بالنفي: لا بس تعبانه وابي ارتاح شوي
هز رأسه بتفهم تفتح عيناها تناظره: نجم مع فُلك؟
هز رأسه بالإيجاب: اي راحت معه اكيد الحين بالبيت
زمت شفايفها: أمها تقول زعلانه من نجم مو راضيه تكلمه
تنهد ينطق: يبي لها وقت لين تتعود خسرت ولدها والموضوع مو سهل
هزت رأسها بتأييّد: الله يعوضهم
اغمضت عيناهة ثواني تفتحها لتنطق: هاجس
همهم لها تُكمل:جوعانه
هاجس: وش تبين
اعتدلت بجلستها من عليه ترفع اكتافها: مادري
أنزل رجلّيه من على السرير: بيتزا؟ ولا أقول لأمك تسوي لك شي
هزت رأسها بالنفي: لا تكلمها ما ابي اتعبها خلاص بيتزا
هز رأسه بالفهم يأخذ هاتفه يطلب ويُعيده على الكومدينه، استلقى على السرير يتكئ بيده اليسري يناظرها: عندك سوالف؟
تقدمت منه تستلقى بجانبه ترفع نظرها لعيونه: ايوه، عرفني على نفسك اكثر يعني ايش الي تُحبه والي تكرهه
ابتسم يقلدها: اُحب اقعد مع نفسي ما احب التجمعات كثير وعشان كذا ما أكون صداقات كثيره، بس نجم الي قريب مني ويعرف أغلب حياتي، وأحب اجلس جلسة تأمل يوم اكون متضايق او معصب ما اكب افضفض لأحد يعني تقدرين تقولين كتوّم
رفعت حواجبهل بذهول: كنت اتوقعك اجتماعي صدمتني
ابتسمت لثواني تُكمل: ودحين ما حتقعد مع نفسك وانا موجوده، حكون مثل ظلك ملازمتك
رفع حاجبه يناظر ابتسامتها: ذا وانتِ تكرهينا اجل لو حبيتيني وش بتسوين
رفعت كفها لوجهه بأبتسامتها: جرب تخليني اُحبك وشوف بنفسك
سكت يناظرها لثواني قبل ما ينطق: وانتِ تكلمي لي عن نفسك
مسكت دقنه تمرر أناملها عليه بهدوء تفكر: يعني تقدر تقول انا بعد مو اجتماعيه، اُحب فُلك واموت فيها  وكل وقتي معها، درست للثانوي بس وماحبيت اكمل جامعه واشتغلت بكوفي برغبه مني لأني كنت احسه ممتع بس طلع متعب وقبل أسابيع طلعت منه وأحب ارقص بعد
ميل رأسه يرفع حاجبه: ترقصين؟
هزت رأسها بإبتسامه: خلني اتعافى وأوريك
ضحك هاجس: اي طيب وش احسن شي فيني ويعجبك
سكتت تناظره تحومّ عيناها عليه ينتشر صوت ضحكها: يوم تعصب ياخي اذانك تطير ووجهك يصير احمر وتضحكني، دي احسن حاجه فيك
سكت لثواني يناظرها: ذي مو احسن حاجه ذا استفزاز
ابتسمت تميل رأسها ببراءه: وانا مستفزه طيب
ناظرته تُكمل: وش احسن حاجه فيني
سكت لثواني يُفكر: عفويتك، احسك عفويه مره وتصرفاتك تطلع غصب عنك
ضحكت تهز رأسها بالإيجاب: صح انا كدا!
ركزت نظرها بوجهه تُردف بعد ما رفعت أصبعها لاسفل عينه: الله شوف عندك شامه صغيره توي ألاحظها
ابتسم يهز رأسه: وأول وحده تلاحظها
حنّت برأسه لها تُغمض عيناها وتقبّل شامته بتصرف عفوي منها تنطق بعد ما ابتعدت: تهبل مره!
ناظرت عيناه المذهوله تنطق ببراءه: اشبك
كان بينطق لو لا طق الباب الذي وصل لمسامعهم تنطق عِقد: ادخل
فتحت الباب دلال تتقدم بكيس الطلب: ايش دا ياعِقد كيف تُطلبي وانا موجوده كان قلتي لي اسوي لك اكل صحي وزين
رفعت سبابتها تُشير لهاجس: مالي دخل ماما هو الي قال حيطلب
توسعت عيناه يناظرها قبل ما يلف لدلال: قلت مابي اتعبك ياخاله ماعليه هالمره بس
سكتت لثواني تتقدم منهم: لا عاد اشوفك طالبه وتعالي عندي اسوي لك احلى اكل
ابتسمت تهز رأسها بالإيجاب تُغادر دلال الغرفه ليلف رأسه هاجس لها: انا الي قلت؟
هزت رأسها بجحده: اي انت ولا نسيت ياشايب
هاجس: وتجحدين بعد
صدّت عنه بإبتسامه: يلا عطيني أاكل
اخذ كيس الطلب: تعالي على الكنبه
هزت رأسها بالنفي ترفع كفها بدراما: تعبانه ومالي خلق اتحرك
فتحت عيناها تضحك من شعرت فيه يحملها، تمسكت بأكتافه بضحكه: ايوه كدا خليك جنتل مان
انحنّى يتركها على الكنب يأخذ الطلب ويتقدم يجلس بجانبها، مد لها قطعه تأخذها تسمي بالله وتبدأ تأكل، رفعت ذراعها اليُسرى تتكي عليها: هاجس احس ودي اصفقك
رفع نظره لها: جربي
ابتسمت تهز رأسها بالنفي: اخاف اعورك
هاجس: كلي يابنت الحلال عليك سوالف
ضحكت تُكمل اكلها وتناظره بين كل حين وآخر.