انا الفلك والناس حولي مدارات تشوف عز نفوسها من خلالي

part39

أنزلت نظرها لكفوفها المرتجفه تبتلع ريقها بمحاولة تهدئة نبضات قلبها العاليه من وصل لمسامعها صوته الذي يُلقي السلام، رفعت نظرها لنجم من قبّل جبينها يهمس: بطلع عشان امه تأخذ راحتها لا تتوترين وبعدين اكلمك
هزت رأسها بالإيجاب بدون رد تُنزل نظرها من تقدم لنايف يسلم عليه ويهمس له: تراها متوتره
هز رأسه بتفهم يُغادر نجم لتدخل وفاء بعد عدة دقائق تعتلى غطرفة تسنيم من تقدم نايف لهم يسلم عليهم، سلم على عواطف يتقدم لغلا يناظرهم بهدوء قبل مايتقدم لجبينها بيقبّله، تراجعت خطوه للوراء بتوتر تسكن ملامحه يتنحنح ويبتعد بتفهم يوقف بجانبها تتقدم لهم تسنيم بالخواتم لتبتعد تسمح للمصوره تبدأ بتصويرهم، أخذ دبلتها يمدّ كفه يطلب كفها، أغمضت عيناها تأخذ نفس تُهدي بالها وتوترها المبالغ فيه من رفعت كفها المرتجف لكفه تشعُر فيه يشدّ عليه يخفف رجفته، أبعدت كفها من ألبسها الدبله تنطف عواطف: لبسيه الخاتم يابنتي
هزت رأسها بتفهم بدون رد تأخذ الخاتم تناظر ارتجاف كفها الذي يرفض أن يتوقف ارتجافه، بسطت كفها لكفه الذي وضعه عليه يناظر رجفتها بهدوء، مسكت الخاتم بسبابتها والأبهم تُمسك كفه بكفها تحاول تلبيسه مع رجفة يدها ترفع نظرها له من مسك كفها يساعدها بتلبيس أصبعه الخاتم، أنزلت نظرها تأخذ نفس تناظر عواطف وتسنيم ووفاء من اقتربو منهم بطلب من المصوره التي أخذت لهم صوره جماعيه تنطق عواطف لتسنيم: نطلع؟
هزت رأسها بالإيجاب يمشون يغادرون كلهم تاركيهم مع المصوره التي نطقت تعدل كاميرتها: قرب منها شوي
جمدت ملامحها بخوف تحبس أنفاسها من شعرت بذراعه تلتف على ظهرها يهمس لها: خليها تصور، أهدي
طوقت ظهرها بعدم أريحيه تبدأ المصوره تلتقط لهم الصور: وضعيه ثانيه اذا سمحتو
ماتحركت من مكانها ينطق نايف: اختاري الوضعيه انتِ البنت متوتره
هزت رأسها بالإيجاب: تقدمي شوي لقدام
تحركت بخطوات بطيئه تُكمل: اوقف وراها وحط دقنك على كتفها
أغمضت عيناها من شعرت بالدموع تتجمع بها لفرط توترها تأخذ نفس عميق تهدي نفسها وتصبرها من شعرت بدقنه يلامس كتفها العاري تُكمل المصوره: حط يدينك على خصرها وانتِ امسكي كفوفه
عضت شفتها السفليه من شعرت جسمها يحتر لأنه حاوط خصرها ترفع كفوفها الراجفه لكفوفه تلتقط المصوره الصوره لتنطق غلا: خلاص يكفي صور تكفي ذي
هزت رأسها بالإيجاب المصوره: الي يريّحك
أخذت ادواتها وكاميراتها بحقيبهم الخاصه تمشي وتغادر المجلس لتمشي غلا من امامه للكنب تجلس تتنفس بعمق تسمعه من نطق: عندك كلام تبين تقوليه قبل العرس او شروط، ابوك قال ماعندك اي شروط ليه؟
مارفعت نظرها له تنطق: ماعندي كلام ولا شروط
شبك ذراعيه خلف ظهره يتقدم بضع خطوات يستقيم أمامها: ماتبين بيت لحالنا؟ ماعندك شروط متأكده؟
وقفت ترتفع نبرتها بحده بسبب ضغطه عليه، عجزت تحتمل اكثر تحتمل صوته أو كلامه أو قربه لها: خلاص أفهم مابي شي مو غصب الوضع أفهم يبن الناس مابي شي، خلاص اعتقني!
وقفت بغضب تمُر من أمامه تُغادر المجلس ترفع فستانها وتصعد للأعلى بخطوات سريعه تاركته يلف يناظر الباب ويتنهد يطلع للخارج يرجع للمقلط يجلس بوسط المجلس بجانب عمران يناظر حسام الحاضر والذي رفض زواجه ولكنه ما أهتم لأن تسنيم وافقت ووقفت معه وحضر حسام فقط عشان كلام الناس، وقف أديب يُغادر المجلس ينادي هاجس: ياولد
لف له يتقدم منه: اذا ماعليك آمر نادي حرمّي ابي اكحل عيني
ناظره بجمود لثواني يرفع كفه يطبطب على كتفه: توكل للمقلط لا أقوم ابرك عليك الحين انت وهالكلام انتبه اختي تراها
ابتسم يرفع حاجبه: وزوجتي تراها
هاجس: أديب اعقل وامشي المقلط خليك هالحركات
هز رأسه بتفهم يضرب صدره: ابشر بي يالنسيب والله
ناظره آخر نظره قبل ما يمشي يتركه ويخرج يُنزل نظره أديب لفواز الصغير الذي خرج من المقلط: تعال تعال يابطل
تقدم منه يحمله : انت بطل وتسمع الكلام صح؟
هز رأسه بالإيجاب: ايي
أديب: طيب ياشاطر ابيك تدخل جوا وتنادي لي زوجتي نوف تقول لها تجي المجلس الخارجي
عقد حواجبه فواز: طيب ابي مقابل
نزله يرفع حاجبه: اعنبوك قد رجلي وتبي مقابل بعد
أخرج من جيبه خمسين يمدّها له: يلا روح بسرعه ولا يكثر بفلوسي ترا
مشى من أمامه فواز للداخل يدخل للمجلس التي تملؤه اصوات الحريم وتقدم لنوف يمسك طرف فستانها من تحت: نوف نوف زوجك يبي يشوفك يقول واطلعي للمجلس الخارجي وعطاني خمسين عشان اقول لك
ابتسمت بإحراج تناظر سديم: لحظه بشوف القرد ذا
أنزلت نظرها له تُمسك أذنه بهمس: عيب ياورع تقول كذا قول له مارح اجي
أبعد كفها يُمسكه يسحبها معه: تعالي!
خرجت معه بإستسلام: ورعان آخر زمن
تركها عند باب المجلس يمشي ودخلت تناظره وقف يبتسم: ياهلا ياهلا بقلبي ياهلا بوردتي وعيوني
ابتسمت بدون رد تُغلق الباب تتقدم له: مفضوح جاء ناداني قدام خلق الله كلهم
تقدم منها يُمسك شعرها الذي طولته بذهول كونه ما شافها طول الشهرين التي أنقضت بسبب انشغالهم الأثنين: لا لا ما أصدق
عضت شفتها السفليه بإبتسامه: شرايك؟
رفع حاجبه يسمي عليها: هذه فيها رأي؟ ذا قانون أنك تهبلين ماهو رأي ياحظي فيك بس ياحظي يانوف
فتحت ذراعيها تحتضنه بإبتسامه تشعر به يمسح على شعرها وظهرها بهدوء: ما تحسين عرسنا تأخر؟
أبعدت رأسها عن صدره ترفع كفها لوجهه: براحتنا تو بدري أصلاً
مسك كفها يقبّله بهدوء: اي ومتى تبيه
سكتت لثواني تفكر قبل ماتبتسم: بعد سنه؟
ناظرها بجمود ملامح تضحك: أمزح يعني شهرين كويسه؟
تنهد يهز رأسه: كويسه بإذن الله، ناقصك شي تحتاجين شي؟
هزت رأسها بالنفي: تسلم ماتقصر، يمدي أرجع جوا الحين؟
تبدلت ملامحه لتمثيل الصدمه: وتتركيني عشانهم؟
حرّر ظهرها يهز رأسه: روحي روحي لهم
رفعت حاجبيها بنقد: زعول وكذا؟
مارد يصدّ عنها يمنع ابتسامتها من أقتربت تحاوط عنقه: دودو
حاوط خصرها يشبك كفوفه بعقدة حواجب: دودو؟
هزت رأسها بالإيجاب: انت دودو
هز رأسه بعدم تصديق أديب: جرّاح وطول عرض وأخرتها دودو؟ حسبي الله على عدوك بس
قلبت عيناها: تصير دودو لعيوني صح؟
هز رأسه بالنفي: كل شي الا دودو
أقتربت من وجهه تقبّل خده بخفه قبل ماتبتعد تهمس أمام أذنه: والحين؟
أغلق عيناه يبتسم: دودو وديدو الي ودك والله
تعالت ضحكاتها تمسك خدوده: ياخفيف
أرتفعت على أطراف رجليها من شدّ على خصرها:  تبين أوريك الخفيف على أصوله الحين؟
هزت رأسها بالنفي بسرعه: لا بليز برجع جوا الحين
قبّلت خده مره أخرى بقوه تبتعد بإبتسامه: باي حبيبي
لوحت له بكفها من عند الباب تناظر ابتسامته ولفت تمشي تغادر المجلس تتوجه للداخل تسمع صوت نجم: طريق
دخلت الباب تُغلقه: وين بتروح لو فوق روح دربك مافي أحد
مشت للداخل يدخل نجم يصعد للأعلى يُغلق عيناه من وصلت له رائحة عطر يعرفها جيداً،رائحة مدارّه وعطرها المميز بين آلاف العطور، فتح عيناه بعدم تصديق تلين ملامحه يناظر رتيل النازله بكشختها تمر من جنبه تُخفي ابتسامتها الماكره عنه التي اتسعت من مسك كفها يوقفها: رتيل
لفت له تنطق بتمثيل الأستغراب: لبيه؟
شدّ على كفها بقوه يأخذ نفس: دخلتي غرفتي صح؟
سكتت يُكمل بحده: واستخدمتي عطر فُلك صح ولا أنا غلطان
ابتسمت تطلع درجه تُصبح مقابله لوجهه: مو ضروري تتهم قول تبي تكلمني يانجم عادي
تآوّهت بآلم من لوى ذراعها لخلف ظهرها يلفها ليصبح ظهرها ملاصق صدره: وقسم بآيات الله لأكسر يدك الي تجريتي تلمسي فيها عطرها
لوى ذراعها اكثر تصرخ رتيل بآلم: يدي!
ابتسم بشر يلفها اكثر: حذرتك لا تحاولين تقربين مننا ولا تلمسين شي يخص فُلك بس انتِ ماتفهمين
اعتلت صرختها من شعرت بعظتمها بتنكسر: نجم اتركني خلاص
رفع حواجبه بإبتسامه: اتركك؟ ابشري
ترك ذراعها يناظر جسدها الذي فقد توازنه لتقع على الدرج تُصدر شهقه قويه تشعر بجسدها يسقط لآخر درجه بالأسفل تعتلي صرخات الآلم منها: عشان يكون درس لك وأتمنى تتعلمين منه
رفع نظره لغلا الذي خرجت من غرفتها على صرختها  تنزل لهم بذهول: رتيل!
اعتلى صوت بكائها: غلا ساعديني
رفعت فستانها بتنزل لو لا كف نجم الذي مسك كفها منعها: لا تقربين منها خليها تعفن مكانها
لفت له بصدمه: نجم البنت بتموت!
هز رأسه بالمعرفه: خليها احسن تموت بذنوبها لا تكثر ماحد قال لها تقرب على شي مايخصها
انزل نظره لرتيل: خليك الدراما وقومي تحلمين أجي اساعدك
سحب غلا يصعد الدرج: مو منجدك نجم خلني اروح لها تكفى
أغمض عيناه يتنهد من ترك كفها: أرجعي بسرعه
نزلت للأسفل بسرعه تجلس بجانب رأسها: رتيل وش تحسين
بكت بآلم تُمسك كفها: عظامي احسها انكسرت غلا بموت
وصلهم صوت ضحكته الساخره منها: جعلك تموتين صدق يالنذله
صعد للأعلى تاركهم توقف غلا: ثواني وأرجعلك
مشت لمجلس الحريم تتقدم لجمعه: رتيل طاحت من الدرج ابي احد يجي ياخذها المستشفى البنت متكسره
وقفت أحلام بخوف عليها تتبعها جمعه يغادرون المجلس للصاله تقع انظارهم على رتيل التي تبكي بآلم، اقتربت أحلام منها برعب: يمه بنتي
وضعت رأسها بحجرها يزداد بكاء رتيل: يمه نجم الي طيحني
جمد وجه جمعه تناظر عواطف وبيادر الي تقدمو منهم مع شموخ ونوف وعِقد تنطق بآمر: نادي نجم!
بلعت ريقها غلا تصعد للأعلى متوجهه لغرفته تطق بابه: نجم
فتح الباب يناظرها: تعالي
مسكت رأسها بصدمه: بتقتل البنت وجالس عادي هنا! جدتك تبيك امشي تحت
تنهد بملل: ياليل النشبه ذي
أغلق باب غرفته ينزل معها من مشو البنات يتقدم يناظر جمعه بِصدّ عن رتيل: نعم شبغيتي
رفعت صوتها: تطيح بنت عمتك؟ الحين تأخذها وتمشي المستشفى بسرعه لا أقلب الدنيا عليك الحين
هز رأسه بسخريه: تخسين وتعقبين والله لو تموتين هنا ما أخذها خليها تخيس هناك نبدأ نفتك منكم واحد واحد وعقبالك وراها
توسعت عيون غلا من كلامه تنطف عواطف بصدمه: نجم!
نجم: سمي يا أمي
هزت رأسها له: خذ البنت المستشفى مو وقت المشاكل
دخلت عِقد بعبايتها تتقدم منهم: يأخُدها بأي حق؟ ماله دخل فيها تستاهل طيحتها بس كرم مني أنا حأخذها
لفت لغلا: قولي لشموخ تلبس عبايتها وتجي تساعدني اشيل الرِمه دي
جمعه: انتِ مالك دخل نجم بياخ..
رفعت سبابتها تُسكتها: انتِ انكتمي لا اطلع جن الحجاز عليك دحين، توكلي من وجهي ومالك دخل انا حوديها خليك على جنب ياعجوز النار
دخلت شموخ تتقدم منها يوقفون رتيل تتقدم غلا بعبايتها تساعدها تلبسها تحت بكائها، خرجو للخارج تتركها عِقد متوجهه لسيارتها تُقربها منهم لتنزل مجدداً تساعد رتيل تصعد تغلق بابها تلف بنظرها لهاجس الذي تقدم منها: وش في؟
تنهدت عِقد: الحربايه ذي طاحت من الدرج طيحها نجم ورفض يوديها وقلت انا حوديها
رفع حواجبه بذهول: ول ول انتِ تأخذيها؟
كشرت بقرف: مو لسواد عيونها ترا بس مابي نجم يروح معها، ما اضمنها الحيّه
مشت من أمامه تركب السياره وتحرك مغادره اسوار بيوت آل بارود،،، لف بنظره نجم لغلا: تعالي غرفتي بنكمل سهرتنا
لف بنظره لعواطف: بكره مسافر انا
عقدت حواجبها: وين؟
لف بنظره لجمعه التي نطقت: تسهر بعد الي سويته؟
ووين مسافر يالسربوت ليكون عندك بضاعه جديده تستلمها بعد
زم ثغره يصفق بكفوفه: ما شاء الله يالذكاء كبرتي بس لسا ذكيه، صح عليك عندي بضاعه لازم استلمها بكره ضروري اذا ماعليكم آمر
سكتت تناظره بحده يرمقها بنظراته قبل مايتركهم ويصعد غرفته يستلقي على سريره يفتح الكومدينه يأخذ من داخلها ربطة شعر فُلك التي اصبح محتفظ بها منذ وقت طويل، مر وقت على هواجيسه فيها يقاطعه من انطق الباب يسمح لغلا بالدخول، أغلقت الباب تتقدم تجلس بجانبه بيبجامتها تتنهد: نجم ممكن تشرح ليه سويت برتيل كذا؟
ترك الربطه يرفع نظره لها: لأنها ماتتربى ألا كذا، ماحد قال لحضرتها تدخل غرفتي وترش من عطر فُلك وتطلع قدام وجهي بكل بجاحه
عقدت حواجبها: طيب يمكن مو عطر فُلك كيف ت..
قاطعها من نطق: عطرها، والله لو يكون بين ألف مخلوق وألف عطر لأعرفه، لا تشككين اني بأذيها وهي ماسوت شي، تستاهل الي جاها
سكتت لثواني تنطق بإبتسامه خفيفه: لهالدرجه تحبها
تنهد تفتح ذراعيها غلا له من تقدم ينسدح بحجرها تلعب بشعره: احبها قليله والله، اخوك وصل لحد الهُيام فيها ماادري كيف حتى، لو سألتيني متى مارح ادري فجآه كذا لقيت نفسي مسلوب منها ماعاد أقدر ارتاح الا بقربها سلبت عقلي وقلبي وتفكيري والله لو تطلب عيوني لاقلعهم الثنتين لها وأعطيها على الي سوته وسفرها بس ماقدر اكرهها حتى لو زعلنا من بعض ابقى أحبها حُب مافيه عذروب
فتح عيناه يناظر عيناها التي امتلت بالدموع: نجم!
ابتسم بتعب: لبيه ياغلا لبيه
بكت تمسح على رأسه: وش مسويه فُلك بحياتها عشان ربي يرزقها بواحد مثلك، كبرت بعيني والله كبرت
قبّل كفها نجم: والله انا الي ربي رزقني فيها ماتتعوض مدارّي ولا تتكرّر، نادره وانا فزت بهالنادره
هزت رأسها بتأيّيد: لا تخذلها ولا تتركها بيوم انتو سند بعض يانجم.

تكتفت تناظر شموخ بصمت: مو زعلانه على أختك؟
لفت تناظرها بهدوء: على حالها؟ لا مو زعلانه، زعلانه على قلبها الغبي وعقلها الي ما يشتغل أعرفها وأعرف حركاتها
سكتت عِقد تُكمل : دائماً متهوره ماتفكر بالعواقب، ماتعرف الصح والغلط اتعبتني معها ومن تفكيرها تتوقع كل شي تحبه وتبيه يصير لها، تتعب نفسها بتفكيرها الي مو راضي يتغير
هزت رأسها بالإيجاب: مع احترامي لك اختك بدون كرامه تلاحق نجم وهو متزوج؟ اسفه بس برد حرتي فيها تستاهل الي جاها
سكتت ثواني تناظر نظراتها الحاده: اشبك قلت الصدق انا اختك تقهر
شموخ: طيب احترمي اني اختها وابلعي لسانك
قلبت عيناها تصدّ عنها: نفسية حوامل
صدّت شموخ تستغفر توقف من طلعت الدكتوره وتقدمت منها: كيفها
الدكتوره: طيحتها قويه ويدها اليمين صار فيها شُعله بس بسيطه وباقي جسمها رضوض خفيفه بس توجعها يمديكم تطلعوها بعد مايخلص المغذي
هزت رأسها بتفهم: ادخل لها عادي؟
هزت رأسها بالإيجاب تتركها شموخ تدخل الغرفه وتغلق الباب من تقدمت لها: مرتاحه؟
رفعت رتيل عيناها الممتلئه بالدموع: شموخ فكيني
اقتربت ترفع صوتها من رفعت سبابتها: لا مارح افكك يارتيل انتِ متى تعقلين متى ترفعي استحقاق نفسك وتستوعبين انك قاعده ترمين نفسك على شخص متزوج؟ افهمي ياغبيه نجم مايبيك ولا يبي يشوف ظلك يكرهك ي ك ر ه ك افهميها خلاص!!
صدّت تبكي ترفع صوتها بقهر: مالك دخل لا انتِ ولا غيرك خلي نصايحك لنفسك ولا تدخلي
صفقت بكفيها تهز رأسها: ذي نتيجة دلع امي وجدتي لك الله يسوّد وجهك يامصيبه ترمي نفسها على متزوج الله يشفيك بس
ماردت رتيل تبكي بصمت تُكمل شموخ: حلوه وكامله والكامل الله وش الي حادك على نجم؟
لفت لها تُشير لقلبها ببكاء: ذا ذا الله يلعنه مارح تفهميني
قاطعتها شموخ: افهمك بس انتِ ماتفهمين نفسك ذا مو حب ذا ذُل لذاتك مايكفي إهانه لنفسك؟ مو ناويه تعقلين؟
ماردت عليها تستمر دموعها بالنزول وأخذت شموخ نفس تسكت تنتظر المغذي يخلص.

وانتهى..
(لا استبيح القراءه بدون نجمه)
رأيكم يهمني حباني