انا الفلك والناس حولي مدارات تشوف عز نفوسها من خلالي

part5

دخلت بخطوات سريعه مقبوض قلبها من الخوف على خوية عمرها وسنينها توقفت عند الاستقبال تسال عن غرفتها،مشت يستوقفها عائلة ال باَرق الي متجمعين عند غرفة العمليات تقدمت لسديم برعب: كيفها الحين؟
مسحت دمعتها سديم: هيثم بغرفة العمليات وفُلك فيها كسور والحين نايمه
مسكت قلبها تهمس: وينها
سديم: غرفة 233
مشت عنها تدخل الغرفه شافت النيرس الي تتكلم مع فُلك الي صحت ووجها فيه خدوش طلعت النيرس تتقدم عِقد تبكي وتحضنها: خوفتيني عليك
بادلتها الحضن تغمض عيونها بتعب وبعدت عِقد تتفحص وجهها المجروح نزلت نظرها لرجلها الي مجبره وزمت شفايفها ببكاء: فيني ولا فيك
مسحت دمعتها فُلك: وين هيثم؟
عِقد:بغرفة العمليات وش صار؟ كيف سويتو الحادث
اغلقت عيناها تسترجع الاحداث وبدت تقص لعِقد كل شي سبب روحتها الى طلعتهم من البيت وعملهم الحادث غطت فمها عِقد بذهول: اخوك سواها!!
هزت راسها بالايجاب تبكي: ماتوقعت ياعِقد مافكر فينا مافكر الدنيا تلف وتدور واعماله بترجع علينا
ليتني مادريت ومت احسن لي
حضنتها عِقد تسمي عليها وفُلك ماهي مستوعبه الي صار لهم

دخل مع جده وغلا بعد ماوصلهم خبر بحادث فُلك تقدم عمران يناظر عادل ووقف بوجهه يهمس: والله لو ادري انه لك علاقه بالحادث لاوريك نجوم الظهر
عقد حواجبه عادل بحده:لو ماتعرف حفيدي معها بعد لو ابي اقتلها بقتلها بارضها مو عادل الي يجي غدر
ضحك عمران بسخريه:صدقتك وينها؟
اعطاه رقم الغرفه يتوجه مع نجم وغلا وطقت الباب غلا تدخل وقفت عِقد تغطي شعرها بطرحتها ودخل عمران وبعده نجم الي حامل باقة ورد كبيره تحجب عنه رؤية وجهها الي ماكان له نصيب بشوفته من قبل،تقدمت غلا تسلم عليها وتتحمد لها على سلامتها وبعدها عمران حط الورد على الطاوله نجم يرفع نظره لوجهها تجمدت ملامحه يناظر وجهها الوجه الي ماراح عن باله من اول مره جت في بيتهم وكان متوقع انها زينب انتبه الكل لجموده يناظرها وتنحنح عمران ينبهه،وعى على نفسه يتقدم يقبل راسها وينطق بهدوء: الحمدلله على سلامتك
هزت راسها بدون رد يبعد نجم ويوقف جنب عمران الي نطق: كيف صار الحادث يابنتي؟
فُلك:هيثم ماكان مركز ودخلنا بالشاحنه
عمران بشك:ماتحسي الحادث مدبر او عن قصد؟
عقدت حواجبها تهز راسها بالنفي واشرت عِقد لغلا بمعنى يطلعون وطلعت معها يتبعهم عمران ويبقى نجم معها ناظرته بصمت تنزل نظرها وترجع بظهرها لورا تحاول توقف تقدم منها يساعدها: وين رايحه؟
رفعت نظرها له: بشوف هيثم
وقفت بمساعدته تعقد حواجبها بالم من رجلها انتبه لتعقيدة حواجبها يناظر رجلها:اجلسي وانا بشوفه
هزت راسها بالايجاب من وجعها تجلس وطلع نجم يتقدم لنايّف: وش صار لهيثم
سكت نايف يتنهد بحزن: مارح يمشي مره ثانيه
لانت ملامحه يكمل نايّف:الحادث اثر على عموده الفقري وفقراته تأذوه والحين زوجة عمي يحيى عنده
هز راسه يسكت ولف لغرفة فُلك يعقد حواجبه من الصراخ تقدم يدخل يناظر ميسم الي تبكي وتصارخ عليها: حسبي الله عليك ياليتك انشليتي ولا ولدي انتِ السبب الله لا يوفقك انتِ عاله علينا انتِ مثل السم بعائلتها ليتك متي ولا جيتي على هذه الدنيا
تقدم نجم منها: تفضلي برا ياخاله ماهي ناقصتك
لفت له ميسم تاشر على فُلك: مادري شلون قبلت بهذه وجه النحس بتدمر حياتك مثل مادمرت حياتنا
صرخ نجم بعدم صبر: اطلعي
طلعت ميسم تسكر الباب بقوه ولف لفُلك الي ساكته تنزل دموعها بصمت تقدم منها: فُلك
صدت عنه تبكي: كيف هيثم؟
حست فيه يجلس جنبها ومسك وجهها يلفه له: اكلمك
ماردت تنزل دموعها بصمت ومسح على جروح وجهها بكفه يناظرها بصمت دخلها بحضنه يحس بدموعها الي بلتت ثوبه مايبيها تكتم بداخلها