انا الفلك والناس حولي مدارات تشوف عِز نفوسها من خلالي

part25

ركن سيارته يلف بنظره لها ينتبه لرجفة يداها وتوترها، رفعت نظرها له من مسك كفها يطمنها: لا تخافين انا معك انتِ جايه تثبتين برائتك
هزت رأسها بالإيجاب بدون رد تفك حزامها تنزل معه، تمسكت بكفه  من مده لها يدخلون للداخل يرفع يده ويدق باب البيت، انتظر ثواني قبل مايوصله صوت أنس: انا عدي
فتح الباب أنس يناظرهم واقفين امام الباب، تنهد بشوق يفتح ذراعه لموج التي تقدمت تحتضنه بلهّفه
،حاوطت ظهره تغمض عيناها من حست بدموعها تتجمع بمحاجرّها تهمس: كيفكم؟
مسح على راسها يقبّله: كيف بنكون بدونك ياشمعتي
بكت تشدّ على حضنه بشوق تبعد عنه ينطق انس: تفضلو
تقدم يدخل معها تفصخ نقابها موج تناظره: وين ابوي
انس: جوا بالمجلس
ناظرت عدي يفهمها يلف لأنس: لقينا الي يهددها
ارتخت ملامحه بفرحه يُكمل عدي بجمود: زوجتك لها يد بالموضوع
جمدت ملامحه بعدم تصديق يهز رأسه: نعم؟
هز رأسه عدي يأكد كلامه يرتفع صوت أنس: تستهبل انت صح؟شدخل زوجتي!
لف بنظره لموج الذي اعتلى صوت بكائها: هي السبب هي يا أنس الي يهددني اعترف قال هي، هي السبب وش يعرفه فيها؟
سكت بذهول يناظر اتهامهم لأبرار تتقدم موج للداخل ترفع صوتها: أبرار
استقرت نظراتها على خيريه التي تجلس بالصاله: وين ابرار
نزلت من على الدرج: نعم خير انتِ شتبين
تقدمت موج لها قبل ماتخطي اخر خطوات الدرج تمسك شعرها تجرها للأسفل تصرخ ببكاء: ليه ليه وش استفدتي؟وش استفدتي 
صرخت أبرار تمسك كفها: ابعدي عني يامريضه
دفتها للأرض تنزل لها: ليه سويتي كل ذا ليه!
رفعت رأسها من دخل إلياس ينطق بحده: وش جابك انتِ هنا!
وقفت من على أبرار تتقدم له يعتلي صوت بكائها بقهر: ماجيت الا عشان اوريك اني مظلومه واني بريئه من كل ذا ومالي دخل بشي
سكت يناظرها تكمل بحرقه وهي تأشر على أبرار: زوجة ولدك هي السبب تمام؟ هي السبب انت ما سألت او قلت انتِ سويتي كذا او كذا على طول صدقت فيني
دخل أنس تكمل ببكاء ترفع سبابتها تُشير ناحية إلياس: انا تربيتك، ربيتني على الصح حتى لو كنت شديد معي بس تعرف اني ما عمري غلطت، اخاف اكون سبب زعلك بيوم أو اسوي شي ما يرّضيك بس انت يبه وش سويت؟ صدقت فيني بدون ما تسألني حتى
اخذت نفس تشهق بدموع: ماجيت مسكتني وقلت لي موج هذا صدق او لا؟ ماجربت تفكر اني ممكن اكون مظلومه، كنت تبي تذبحني بكل دم بارد، الغريب ذاك لقيته لي وطن، سندني وحماني وانا ما اعرفه مافكر بنفسه ولا أهله بس عشان مايشوفني اموت ظلم بس تدري؟ والله ما اسامحكم لا دنيا ولا آخره
رفعت اصابعها تُشير بمعنى شي صغير: لو بينكم وبين الجنه شبر وتدخلوها عشان اسامحكم صدقني مارح اسامحكم يبه والله لأكون خصيمتكم يوم القيامه وظلمكم لي ما انساه
لفت لأبرار: وانتِ لا تتوقعين بسكت لك وبقول بس هالكلام بيننا المحاكم
مشت من امامهم يتسوقفها صوت إلياس: موج
تصنمت مكانها ماتلف له تنتظره يُكمل: تعالي
ماتحركت من مكانها تناظره، يجمع احرفه ليستطيع ان يقول جمله مرتبه، لكن ماله وجه، ماله وجه يتكلم بسبب كلامها الواقعي وتسرعه، اخذ نفس: موج ساعة غض.
قاطعته من ارتفعت نبرتها بجنون: ساعة غضب تقتل فيها بنتك؟ يبه منجدك!تبرر كذا
ضحكت بدموع: ما استوعبكم والله ما استوعبكم
لفت ظهرها تمشي من عندهم بخطوات سريعه لعدي الذي ينتظرها، ميل رأسه من تقدمت تحتضنه بدوم مقدمات تبكي، تبكي بتعب وحزن وقهر على حالها: موج
ماردت تحتضنه تبكي بصمت: نطلع؟
ابتعدت عن حضنه تمسح دمعتها قبل ما تاخذ نقابها وتلبسه تتبعه من فتح الباب يطلع يركبون سيارته ويحرك من امام بيت ألياس،،تقدم من أبرار ينطق بصوت هادي: شوفي اقسم بالي خلق السموات والأرض وسواها ان كذبتي اني لادفنك الحين بأرضك قولي اي او لا لك يد بالموضوع؟
ارتجفت تتلعثم بكلامها: أن...نس مالي دخل!
اغمض عيناه بقلة صبر ترتفع نبرته: قولي اي ولا لا
شدّت على كفها بخوف تبلع ريقها: اي بس..
بترت كلامها من ارتفع كفه يصفقها كف، مسكت خدها بكفها ترفع رأسها له من ارتفعت نبرته يمسك شعرها: أبرار انتِ مستوعبه شسويتي!تتهمين اختي بشرفها؟
سكتت برعب تحاول ابعاد كفه عن شعرها تصرخ بآلم من رماها على الأرض يصطدم جسمها بالكنب: انتِ طالق، طالق بالثلاث الحارّمه، طالق طالق طالق
غطت فمها بذهول توقف تبكي: أنس!
صد عنها بغضب: الحين تتصلين على اخوك وتذلفين بيت ابوك وحق اختي بأخذه من ظهرك
مشى يجلس ألياس على الكنبه يمسك رأسه يستوعب المصايب التي حلت عليهم، طلاق أنس وظُلمه لموج وكلامها لهم.