دخلو لجوا مع بعض يلتفتون ليحيى الي دخل يتقدم لهم: ما شاء الله ست فُلك ثلاث ايام طالعه من البيت ماحد داري عن رقعة وجهك مين سمح لك تروحين بيتهم؟
سكتت فُلك تشد على كف يد نجم وتقدم نجم منه يخليها ورا ظهره: عسى ماشر يايحيى هي ببيت زوجها وقرارها ماطلبت تسمح لها او لا
رفع سبابته يحيى بغضب: انت لا تدخل انا اكلم بنتي
رفع حاجبه نجم باستفزاز يميل راسه وسكت يحيى يصر على اسنانه: ماعاد في روحه تجلسين هنا لين تتزوجون بعدها تضفين وجهك عنده
رفع صوته نجم يتقدم له: احترم نفسك يايحيى وانتقي الفاظك والله لاعدل ملامح وجهك هنا ولا احترم عمرك احذرك يوم تتكلم مع زوجتي تحترم نفسك ورح تجي معي لين هي تقرر ترجع مالك دخل
رفعت نظرها فُلك من تقدمت ميسم منهم: خير انت داخل بيته تصارخ؟كبر ابوك احترم نفسك ياولد فواز
نجم: انتِ تسكتين محد تكلم معك وجرب تسوي شي يايحيى ان ماخليتك تشوف نجوم الظهر
مسك كف فُلك يسحبها من بينهم لغرفتها دخل يسكر الباب ولف لها بهدوء: خذي اغراضك بنمشي
ناظر دموعها الي نزلت من فكت نقابها يتقدم منها: لا تبكين يرحم والديك لا تبكين
حضنته فُلك تنزل دموعها غصب عنها يحاوطها ويكمل: تكفين لا تبكين والله دموعك تحرقني احرق الي ينزل دموعك والله احرقه
بكت بصوت عالي تتشبث بحضنه تشد عليه وتطلبه الامان من شعورها: ماقدر والله ماقدر تعبت يانجم انا شسويت بنتهم من لحمهم ليه يعاملوني كذا تعبت امثل القوه انا بشر احس ما اقدر اكتم اكثر من كذا
غمض عيونه بقهر نار ولهيّب يحرق صدره مايقدر يقولها الحقيقه الي بتدمرها يتمنى يكشف لها كل شي وتتقبل لكنها مابتتحمل شي ثقيل على ظهره هو فكيف عليها بمشاعرها الرقيقه والحساسه
نجم: اصير لك اب وام لو تبين انا هنا لك كلي لك يافُلك والله لابقى لك ومايفرقنا غير الموت لا تحرقيني بدموعك ما اتحملها احرق الي ينزلها والله لاصير قاتل الي ينزلها لا تبكين
غمضت عيونها من كلامه تشد عليها تهمس بكلمه من اربع حروف كفيله تدمر حصون نجم وثقله،كلمه تخليه يحارب سنوات عشانها وعشان ينالها بكلمه بسيطه تخلي حبه يتجدد يخليه يتدفّق بشريانه من جديد: احبك
شد على خصرها متجاهل آلم بطنه يهمس بذهول: عيديها
شدت على رقبته تدفن راسها بعنقه: احبك يااعظم اختياراتي احبك يانجمي احبك يابو شمس
غمض عيونه بمشاعر يعجز يوصفها،كلماتها تنسيه وجعه تطفي لهيّبه وناره،يعجز لسانه عن الوصف مايثبت حبه بكلامه بل بافعاله وتهوره حملها من خصرها للكنب يجلس،تحس بنفسها بحضنه لكن ماتقوى تفتح عيونها من مشاعرها المتضاربه،ابّعد وجهها يفصخ طرحتها يسمح لشعرها الي يكتسي السواد ينتثر على ظهرها،تفتح عيونها الدامعه تناظره
اغلقتها من تقدم لثغرها يقبله يثبت حبه لها بافعاله، يلتهم شفاها ويطفي نارهم الي تكتسي صدرهم،ترفع يدينها تحاوط رقبته وتبادله حبه،يكتم انفاسهم بهالقُبله الي وقفت الزمان عليهم،نستهم للحظات كل شي سيّ صار بمبادرته للمره الثانيه لثغرها الي يذهب عقله ويسحره،كلمة مغريّه قليله عليها يفقد السيطره على نفسه ومشاعره من يشوفها،كثيره على قلبه هو الي ماعمره حب ولا فكر تقتحم حياته هالفُلك وتغيرها بدون ماتدرك،قلبه حبها لكنه كان رافض كان يرفض يعترف انه وقع بشباكها وبحبها لكنه الان يستسلم ويعترف انها اصبحت جزء كبير من حياته ماعاد يقدر يبعد عنها ولا يعيش بدونها،ثلاث ايام عاشت معه كفيله انه يعرف فيها مشاعره الحقيقيه تجاهها،حرر ثغرها يسند انفه بانفها وجبينه على جبينها فتحت عيناها تبلع ريقها من رموشه القريبه من عيناها،نظراته الهاديه الي تعودت عليها تتفحص وجهها رفعت كفوفها لوجهها تتمسك فيها،تبادله نظرات الحب نظرات تعدت الهُيام،خلخل يده بشعرها يعبث فيه يتأمل عيونها العسليه يمليها موج دموعها ينطق بصوت وصل لاخر نقطه بقلبها وتمكن من شّعورها:
أنت تقرأ
انا الفلك والناس حولي مدارات تشوف عز نفوسها من خلالي
Mystery / Thrillerمـا بـينـي وبيـنك مـشـاريه وعـتاب شـف دربـك اللـي جـيت منـه تدلـه مـا راح تغلبـني لو الحـب غـلاب مـن حـضرتـك عـشان قـلـبي تـذلـه؟ كـنـت الـقـريـب وكلـهـم أغـراب حتـى القـمر لا غـاب شـفتك محلـه رح واعتـبرنـي واحـد اذنـب وتـاب مانـي بثـوب تـلب...
