انا الفلك والناس حولي مدارات تشوف عز نفوسها من خلالي

part16

فتحت عيناها تتقابل بعيونه الي تتأملها من مده، اغمضت عيناها تبتسم من حضنها يقبل جبينها: صحت الدنيا
دفنت وجهها بصدره بتعب: الساعه كم
مسح على راسها نجم يعبث بشعرها ينطق بهدوء: عشره
ابعدت وجهها بصدمه: صلاة الفجر
سحبت الشرشف تستر فيه نفسها توقف وتدخل الحمام تاخذ دش وتتوضى،فتحت الباب بشويش تنطق: نجم عطيني تيشيرت
فتح خزانته نجم ياخذ تيشيرت ويتوجه يمد لها،سكرت الباب تلبس تطلع تنشف شعرها،اخذت عبايتها تلبس طرحتها وتصلي فرضها،سلمت تستغفر تشوف نجم الي طلع من الحمام~يكرم القارئ~ يكبر ويصلي،نزلت للمطبخ تسوي فطور خفيف لهم،حطته على الطاوله ترفع نظرها لنجم الي نزل،جلست على الكرسي يجلس بجانبها يسمون بالله ويفطرون،اخذ هافته يتصفحه تنرفع حواجبه لا ارادياً يضحك بشماته: حرقت الشركه بعد
رفعت نظرها بذهول فُلك: وريني
لف لها هاتفه تشوف الصحف المشتعله بخبر حرق شركة آل بَارق الذي سبب ضجه اعلاميه تضحك: وش الاكشن ذا مين سلط عليه ربي؟
ضحك نجم يسكر جواله: الحين اسمعيه شوي ويجي يتهم
وقفت فُلك تهمس بالحمد يوقف نجم يكمل: هاجس كلمنا يقول جايينا ضيوف البسي بنرجع
هزت راسها تطلع لفوق تلبس عبايتها،اخذت شنطتها تلبس نقابها وتنزل لنجم الي لبس وطلع للسياره ينتظرها،ركبت بجانبه يحرك لبيوت آل بارود،عقد حواجبه يشوف سيارات الشرطه المتواجده يلف لها: يا الله صباح خير والله انهم من وراه
ركن سيارته ينزل يتقدم يسلم على الضابط الموجود يشوف عمران وفواز الي طالعين يتكلمون معهم،نزلت فُلك تتعرف على الضابط الموجود؛الضابط يعقوب الي ساعدها بمشكلتها سابقاً اقتربت تسمع كلامه لنجم: احنا مضطرين ناخذكم معنا للتحقيق في احد رفع شكوى عليكم تفضلو معنا
ناظر جده عمران لثواني يرجع نظره ليعقوب: بتبعكم بسيارتي
هز راسه يعقوب بالايجاب يركب الدوريه ويمشي من بيوت آل بارود تتبعهم سيارة نجم الي نطق: قلت لك
فُلك: ناقصنا حنا؟بأي حق يرفع شكوى وماعنده دليل حتى الاملط
ابتسم نجم يشبك كفه بكفها مايرد يتبع الدوريه،نزلو يدخلون لجوا،ذراعه تحاوط كتوفها ويمشون بهدوء للداخل،ماكأنهم متهمين بحرق شركه كامله،افترقو يروح كل واحد منهم للتوقيف،جلست تناظر الحريم الموجودين منهم الكبار والصغار الي تتعدى اعمارهم الثامنه عشر،ميلت راسها بملل تنتظر يطلعونها لغرفة التحقيق تلف للحرمه الي نطقت: وش جابك هنا؟
ابتسمت بسخريه واضحه: طفشت من الحياه قلت اجي اجرب حياة التوقيف والسجن حسيت اكشن وتغييّر جو وانتِ؟
ناظرتها بهدوء متجاهله سخريتها: قتلت واحد
سكتت لثواني تكمل: بالغلط
ضحكت فُلك بهدوء: كيف بالغلط؟
رفعت اكتافها: كنت ماشيه بالسياره ودرعم قدامي مصيره بس مدري شفيهم مكبرين الموضوع
هزت راسها فُلك بتأييد: فعلا مصيره ذا شدخلك انتِ
وقفت من نادت باسمها السجانه: في احد ببالي بخليك تقتليه بالغلط بعد
ابتسمت الحرمه تناظرها تطلع،توجهت لغرفة التحقيق تجلس امام المحقق تفصلهم الطاوله،ناظرها بهدوء يرجع ظهره على الكرسي: بتعترفين ولا استخدم اسلوبي؟
عبست ملامحها فُلك بعدم احترام ترجع ظهرها للورا: يومنا طويل يالمحقق وريني اساليبك
ابتسم بسخريه يفتح الملف امامه: انتِ متعاونه بحرق شركة آل بَارق؟
سكتت لثواني تزم شفايفها: والله شوف هم عندهم اعداء كثير من اعمالهم يمكن يكون انا ويمكن غيري بس تبي الصدق؟والله كنت ناويه اسويها اعترف كان ودي انا احرقها بس حسافه احد سبقني وحرقها
ابتسم المحقق يأخذ كاسة المويه يقدمها لها: يعني تعترفين انه لك يد بحرق الاسطبل؟
رفعت حاجبها بذهول من ربطه للمواضيع: انا قلت كذا؟ما اعتقد اكيد كلامنا مسجل لو ماسمعتني زين روح اسمعه مالي خلق ابرر
نزلت انظارها للكوب تكمل باستفزاز: ما اشرب من غير يد زوجي معليش
فتح المحقق الملف امامه يرفع نظره لها يراقب تحركات جسدها: الحارس قبل مايضربه احد ويغمى عليه قال شاف حرمه ورجال ويحيى أكد لنا انهم انتم بسبب المشاكل الي بينكم حالياً
تنهدت بملل فُلك: عندكم دليل ملموس؟الحارس شاف وجهنا؟عندكم دليل قاطع انه حنا بصمات تسجيل كاميرا اي شي؟
سكت المحقق تكمل: ماعندكم شي ومالكم حق تجون تاخذونا اصلا بدون دليل انت تعرف مين زوجي؟
تقدمت بوجهها تضرب الطاوله بكف يدها ببتسامه: يقدر ينهيك انت واسلوبك السخيف ذا اذا ما تعرف!
انطق الباب يدخل يعقوب الي ناظر فُلك ينطق: تقدرين تطلعين
وقفت بأبتسامه تناظر المحقق وتمشي من امامهم لبرا لنجم الي ينتظرها،حاوطت ذراعه تمسح على كتفه: وش سويت يانجمي؟
ابتسم يمشي معها لسيارته: قلت لهم مو احنا وصدقوا
ركبت السياره تلف له بعدم تصديق تبتسم: واو بطل اكيد الحين خافو وارتعدو صح؟
هز رأسه يحرك: لو شفتيهم كيف انتفضو اول ماتكلمت واحد منهم اغمى عليه
تعالت ضحكات فُلك تنطق بسخريه: مسكين حرام عليك خوفتهم
ضحك بخفه يركن سيارته: انزلي انزلي
فتحت بابها تنزل تمسك كفه ويدخلون لجوا،لفت جمعه تناظرهم بعد ما عرفت انه الشرطه اخذتهم: وش سويتو؟
مشت فُلك تسحب كف نجم: قتلنا يحيى انتبهي مننا ترانا متوحشين
ابتسم نجم يناظر ملامح جمعه الي انقلبت بسبب سخرية فُلك،دخلت الغرفه تسكر الباب بعدهم ترفع نظرها لنجم الي نطق: الضيوف بيوصلون بلبس وانزل
هزت راسها يفتح خزانته نجم وياخذ ثوب،دخل الحمام تارك فُلك الي فصخت عبايتها تتوجها لخزانتهم تطلع لها ملابس،لبست فستان بينك باكتاف تغطي آثار نجم بعنقها،توجهت للتسريحه تجفف شعرها وتفير اطرافه،حطت مكياجها الاعتيادي تحط اخر لمساتها بروج نود ترش عدة رشات من عطرها، طلع نجم لاف المنشفه على خصره ويجفف شعره، ابتسم من شافها يتقدم: جففي شعري
ابتسمت تهز راسها بالايجاب توقف من على الكرسي الي جلس عليه نجم،اخذت مجفف الشعر توقف امامه تبدا تجفف شعره،نزلت نظرها لعيونه الي تتأملها تبتسم بخفه وترجع نظرها لشعره: شفيك
مسك المجفف من يدها ينزله،تلتف ذراعه على خصرها يجلسها بحضنه ويبتسم: لو سحبنا عليهم الحين وش بيصير؟
ابتسمت ترفع يدينها لشعره ترتبه: ابد بس بناكل هواء عشان كذا خليك شاطر وامشي تحت
حاوط ظهرها يقربها منه: والا؟
حاوطت عنّقه تميل راسها بأبتسامه: بسحب عليك وبنزل انا
دفن وجهه بنحرها مايرد تتنهد فُلك تعبث بشعره من ورا: نجم خلصني بنزل
طبع قُبله رقيقه بنحرها يبتعد يقبل خدها: بعدين كلامي معك
وقفت من على فخذه: بنزل انا
حنت براسها تقبّل خده وابتعدت تاخذ روجها تجدده: امسحه قبل لا تنزل
وقف يرفع نظره لها من المرايه: لا تخليني احنط خدي الحين
ضحكت فُلك تأشر له بالجنون: مجنون
اخذ ثوبه يلبسه: انزلي يابنتي لاوريك الحين مين المجنون صدق
فتحت الباب بأبتسامه تسكره وتنزل،نزل نجم بعدها يطلع للرجال يجلس بجانب هاجس بعد ماسلم: مين جاي؟
تنهد هاجس: اديب
ابتسم نجم يضحك بيأس: والله انه حرام خاطبها تسع مرات وللحين ماتزوجها؟واضح صادق يا رجال ويبيها تصدقون كلام جمعه وتمشون عليه؟
هاجس: شسوي ياخوك؟والله لو بيدي لازوجها له اليوم بس تعرف جدتك بدون سبب رافضته وابوي مايقدر يقول لها لا
نجم: عندي احساس هالمره بيقدر المُحب لا يستسلم
هاجس بهمس: تعرف وين تحط احساسك ذا مسوي شاعر تزوج وكذا
ضحك نجم يوقفون من وصل لمسامعهم اصوات السيارات،طلعو الرجال تلين ملامح هاجس بصدمه من كمية السيارات الموجوده؛عدد الرجال الي نزلو يتوسطهم اديب الذي الابتسامه تعتلي وجهه وكأنه اليوم بيحصل على مراده،تقدم شيخ قبيلة اديب الي من عشر ايام يحاول فيهم لين جمع قبيلتهم كلها، فعلا المُحب لا يستسلم ويجد طريقه دائماً،سلمو على بعض يقلطهم عادل ودخلو الكبار واديب واعمامه يبقون الباقييّن بالخارج بسبب كثرتهم والمقلط امتلى بعددهم،جلس اديب بجانب الشيخ يبتدون الرسميات بينهم والسلام والسؤال عن الحال،تكلم الشيخ واخيرا يزيح نصف هم اديب عن صدره: والله ياعادل انا جيتك من اقصى ديرتي عشان اكلمك بموضوع اديب ولدنا،تعرف خطب بنتكم تسع مرات وماوافقتوا وهالمره العاشره ان شاء الله الثابته الولد ماغلط ويبيها بالحلال وانا جايك اليوم وطالب يد بنتكم الكريمه لولدنا اديب
ابتسم عادل يناظر اديب: والله انا ماقد شفت احد مثل صملته والله انه عيب علي ارده بس جدتها رافضه بس مايهون علينا اديب اليوم البنت بتقرر بنفسها
جزء من اديب ارتاح انه جمعه مارح تدخل لكن تقلقه نوف وانه ممكن ترفضه،وقف اشرف يطلع مع عادل ينطق له: والله ما ارده يبه
لف له عادل يمشي يكمل اشرف: تسع مرات ماطفش ولا استسلم يبيها اوقف بوجه نصيب بنتي ليه؟الولد رجال وبألف رجال ويبيها والله ماشفت حب احد كذا مثل حبي لبيادر حرام نرده جايب قبيلته عشان بنتي؟رجال والف رجال والله
ابتسم عادل بتأييد لكلامه يدخلون جوا: نوف
وقفت نوف من عند البنات تتقدم لهم تقبل جبين والدها وجبين جدها تبتسم: لبيه امرني يبه
حاوط كتوفها اشرف يتنهد: تبين اديب ولا لا؟
سكنت ملامحها بذهول ترمش عدة مرات بدون رد يكمل عادل عنه: يابنتي الرجال شاريك ويبيك اليوم جاي وجايب قبيلته كامله مقلطنا ماكفى لهم والله انا اشوفه رجال والنعم فيه وقلت لك جوابي هو ردك وش قررتي يابنتي؟ماعليك من جدتك انا ابي رأيك انتِ
سكتت نوف يرتجف قلبها بعدم تصديق تستشعر صدق وعوده وكلامه،ياخذها عنّاد ومرجله ماتستوعب انه جايب قبيله كامله عشانها!،يبيّن لها مقامها بالنسبه له يحرك مشاعرها لاول مره ناحيته يصعف بها شعورها،الان هي لها الخيار تكسبه وتكسب قلبه وحبه وتسمح لهوسه فيها ينتصر او ترفضه وتكسره وتنهي هالحب،نزلت انظارها لثواني ترفعها تنطق برجفه: موافقه
ابتسم اشرف براحه يقبّل جبينها الحين يضمن انه بته بأيدي امينه مع هالأديب،طلع مع عادل للمقلط ينطق بأبتسامه واسعه لأديب: جتك البنت يا أديب
وقف أديب بعدم تصديق يناظر وجوههم تعتلي المباركات بفرحه له،ينقبض قلبه بشعور الانتصار نالهّا،نال نوف اليوم يسلم عليهم ويستقبل تبريكاتهم وعقله منشغل،لا يصدق انه بعد سنتين وشهرين من هالحب انتصر،انتصر واخيرا وتحققت امنيته انه يجتمع بعشيقته،ابتسم بفرحه يتقدم يسلم على اشرف ويقبل راسه: طالبك ياعم الحين نملك مكلم المملك من امس وانا منتظر هاللحظه لا تردني
ضحك اشرف بذهول: الحين!
هز رأسه اديب بفرحه: الحين نتفق على كل شي شروطكم والمهر والله لو تطلب عيوني لاعطيها
ابتسم عادل يناظر اشرف: تم ياولدي