انا الفلك والناس حولي مدارات تشوف عِز نفوسها من خلالي

part9

ناظرت الطريق تلف بسيارتها:كنت حروح البيت توني طلعت من الدوام خلاص حجيك دحين
فُلك:خلاص انتظريني بالحديقه الي برا وبجيك انا
سكرت تحط جوالها تتوجه لبيت آل بارود،فتح العامل الباب تدخل سيارة عِقد وصفتها تفصخ حزام الامان اخذت شنطتها تنزل وتوجهت للحديقه الخلفيه تقعد بالجلسات تنتظر فُلك،عقدت حواجبها تسمع صوت زمئره قريبه منها ولفت للكوخ الصغير المتواجد بطرف الحديقه تلين ملامحها بصدمه من شافت شبل صغير امام بابه، ارتجفت بخوف توقف تصرخ من اتجه يركض لها ورمت شنطتها ترفع عبايتها الكحليه وتركض والشبل يتبعها،رفعت راسها من شافت هاجس الطالع قدامها وتقدمت تتخبى ورا ظهره تبكي:هاجس في اسد
عقد حواجبه يناظر شبيّل الي يركض لهم وتقدم تجمد ملامحه من تمسكت بظهره عِقد:لا تخليني تكفى والله اخاف
نزل بظهره لشبيّل يحمله بيدينه وطلعت فُلك تتبعها شموخ من سمعت صوت شبيّل،تقدمت فُلك لعِقد تعقد حواجبها من شافتها تبكي:شفيك
اشرت على شبيّل تمسح دموعها:كان يلحقني حياكلني
ناظرها هاجس تنرسم ابتسامة خبث خفيفه على ثغره وتقدم خطوتين منهم يمد بيده شبيّل عليها، صرخت عِقد تتراجع:يمه وخره
ضحكت شموخ:جيبه
تقدم لعِقد فيه وهي تتراجع يذكرها باخر لقاء بينهم: تذكرين شقلتي اخر مره قلتي لي؟مغرور صح؟
توسعت عيونها بصدمه لانه سمعها:ماقلت!!وخره
رماه عليها تصرخ عِقد بخوف تبكي وتتراجع:يامريض
تقدمت شموخ تاخذه وضحك هاجس يلف ظهره وبيمشي توقف يسمع صوتها الباكي:مايضحك ياابله يافقيه دا شي ينمزح فيه؟غبي مغرور متكبر
ابتسم بسخريه يكمل طريقه وركب سيارته يطلع من عندهم،لفت فُلك لعِقد الي تمسح دموعها ويدها ترجف من الخوف وابتسمت تتمسك بكفها وتمشي للحديقه الخلفيه:شفيك ترا صغير ما يخوف
عِقد:اخاف من البسه يعني تتوقعي ما حخاف من دا؟
ضحكت فُلك تجلس وبجانبها عِقد الي تمسكت فيها من تقدمت شموخ حامله شبيّل:وخري الوحش دا
شموخ:حرام عليك كل هالجمال وتقولي وحش
ماردت عِقد تناظره بحقد وضحكت شموخ ترجعه للكوخ سكرت الباب تلف لفُلك الي نطقت:تعالي اجلسي معنا
هزت راسها بالنفي تبتسم:خلصت اجازتي ببدا اداوم بالمستشفى من اليوم
مشت من عندهم للداخل تلف عِقد لفُلك واعتدلت بجلستها تبتسم وسرعان ماصرخت بآلم من قرصتها فُلك:وش الملابس ذي الي حطيتيها؟غبيه انتِ بقعد معه اكثر من اسبوع وتعطيني بس اثنين بلوفرات!
ابتسمت عِقد تمسك مكان القرصه:ماعجبوكي؟حلوين والله قلت حيعجبكو بعدين عادي تراه زوجك ايش الغريب حيشوفك وانتِ مفص...
توسعت عيون فُلك تقرصها تمنعها اكمال جملتها: انكتمي ماتستحين!
ضحكت عِقد:اقول الحقيقه لا تسوين الخجوله
وغمزت تكمل:ما صار شي منا مناك
فُلك:لا
ابتسمت عِقد تنتبه لتورد ملامحها وقربت: علينا؟بسرعه اعترفي ليكون حتجي عِقد الصغيره من دحين
فُلك بصدمه:شفيك انتِ اليوم!وش هالكلام غبيه تشوفي رجلي وهو توه مصاب عِقد انكتمي
عِقد:اجل اشبك قلبتي بندوره؟
سكتت فُلك تتذكر قُبلته وناظرت عِقد المبتسمه:الله يزوجك
رفعت يدينها:امين ويكون حلو ومز ومعضل وغني ويحبني ورومانسي
رفعت حاجبها فُلك تهز راسها بأسى وناظرت جوالها الي يرن ناظرت عِقد ترفع حاجبه ببتسامه:مرخيّ الرمش؟حركات والله روحي بس لا يموت علينا
ضحكت تاخذ عكازها وتوقف:لازم اعيد ضبط اعدادتك
دخلت البيت تصعد لغرفته فتحت الباب تدخل وسكرت الباب تلف وتشوفه واقف عند دولابه عاري الصدر كعادته،لف لها يرجع نظره للدولاب وتقدمت منه تفصخ جلالها:وش تسوي؟
نجم:بغير وبطلع
تقدمت توقف امامه وتعبث بملابسه تطلع بلوزه:وين بتطلع؟
لفت له تقابل وجهه والبلوزه بيدها:تحقيق
ابتسمت تمد له البلوزه:اي ممنوع تطلع
رفع حاجبه نجم يبتسم من ابتسامتها:عشان؟
اشرت على جرحه:مالك يومين من انصبت خليه يطيب وبعدها يصير خير
لبس البلوزه يرفع يده ويعدل شعره:ما رح اطلع بشرط
تقدمت منه تحني راسه وترتب شعره وهمهمت له يكمل:تبقين معي برضو
ابتسمت فُلك:وانا وين رايحه اكيد ببقى معك
ابعد خصلة شعرها:اجل قولي لعِقد تروح وامشي اقعدي معي
عقدت حواجبها فُلك:توها جت ماينفع
رفع حواجبه يناظرها وتنهدت تبتسم:طيب بروح اودعها
اخذت جلالها تلبسه وتستند على عكازها وتطلع نزلت لعِقد تجلس تتنحنح:شسمه نجم قال يبيني اقعد معه
ابتسمت عِقد تتقدم بخبث من وجهها:اي؟
وخرت وجهها فُلك:ياخي نيتك عِقد لازم تصفيها
وقفت عِقد تضحك:طرده دي بس يلا حروح المره دي بنفسي انتبهي لمرخيّ الرمش
وقفت فُلك تودعها وطلعت عِقد لسيارتها تطلع من اسوار البيت،دخلت فُلك تلف من سمعت خطوات احد،لانت ملامحها تشوف رتيل الي تجمدت ملامحها من شافتها بسبب انها ماتواصلت مع احد من راحت مع عمها،تقدمت فُلك منها بخطوات بطيئه تستقيم امام وجهها تناظر ملامح الصدمه والذهول الممزوج بالخوف بالملامحها،برد وجه رتيل من رفعت يدها فُلك تضربها كف،مسكت خدها بصدمه ترفع نظرها له ومدت فُلك يدها لطرحتها من ورا تقربها من وجهها: هالمره بمشيها على مزاجي يارتيل تفرقين بيني وبين نجم وتسوين صك مزيف وحركات رخصّ والله لو وصلت هالكلام لجدك ليذبحك بارضك بس بسكت لكن جربي تتعدي حدودك مره ثانيه ماتعرفيني زين انا الفُلك حرمّ النجم حطي كلامي حلق باذنك ادفنك بارضك ان تعديتي حدودك معي وسمعتي كلام جدتك المخرفه
بعدت يدها تمسح على كتفها بنبرة تهديّد:انتبهي لنفشك يارتيل انتبهي لها
لفت تمشي من عندها وتطلع الدرج لغرفة نجم دخلت تسكر الباب وفصخت جلالها تتقدم لشنطتها طلعت بجامة شورت من الي اختارتهم عِقد تدخل الحمام~يكرم القارئ~غيرت ملابسها تناظر نفسها بالمرآة فتحت شعرها تنثره على اكتافها وطلعت تتقدم للسرير شافته مفصخ بلوزته ترفع حاجبها:توك لابس طيب
ضحك نجم بخفه:لاني كنت بطلع
انتبهت لنظراته الي على جسمها الي مفاتنه مكشوفه تصد تشغل نفسها،جلست بجانبه تتغطى بالبطانيه وترفع نظرها له:وش نسوي؟
رفع اكتافه بعدم معرفه ينطق بتسأول:تقرين كتب؟
ابتسمت فُلك:اي
رفع الغطاء يوقف بتمهل وتقدم لمكتبته يختار كتاب عشوائي ويرجع يجلس بجانبها دخلت بذراعه تميل لحضنه نزل ذراعه لخصرها يحاوطها يتقشعر جسمها من حست بكفه يلامس فخذها العاري نزلت فخذها تميل راسها على صدره وفتح الكتاب يحطه قدامهم ويبدون يقرون.