انا الفلك والناس حولي مدارات تشوف عز نفوسها من خلالي

part33

عقدت حواجبها تناظرها: ماتفهمين انتِ اقول لك ابي اقرب موعد عند دكتور كاسر بفلوسي ترا!
هزت رأسها زهور بتفهم: وانا قلت لك أقرب موعد بعد أسبوعين ومثل ماهو بفلوسك الباقيين بعد بفلوسهم
ارتفع صوتها على زهور الذي رفعت نظرها من تقدم كاسر منهم: عسى ما شر داخله كوفي انتِ تصارخين؟
لفت له تناظر اسمه يسار صدره: اجل انت هو
ناظرها تُكمل: ابي أقرب موعد معك وقاعده تقول لي بعد أسبوعين!
كاسر: طيب؟ وش المطلوب مو سامعه يعني تقولك بعد أسبوعين تصارخين عليها بأي حق؟ شغاله عند ابوك؟ تحترمين نفسك وصوتك لا ينرّفع عليها وموعدك لو تبين بعد شهرين بعد ولو ماعجبك المكان يتعذرك وتفضلي برا
سكتت تناظره لثواني قبل ماتبتعد تمشي تاركته يلف لزهور يتقدم: ليه تسكتين لها؟
ماردت يُكمل: ردي عليها وخليك ذيّبه، ما تشتغلين عند ابوها انتِ تحترم نفسها ولا علميها الأحترام انتِ
زهور: مابي اسوي مش..
قاطعها بكلامه: مشاكل وش الله يهديك يازهور هي غلطت ردي عليها لا عاد اشوفك تسكتين
هزت رأسها بالإيجاب تبتسم: ان شاء الله
بادلها الأبتسامه: تجين قهوه؟
هزت رأسها بالإيجاب: ماقول لا
مشت خلفه يرفع نظره لمُطلق الذي تقدم منهم: وين رايحيّن
كاسر: نشرب قهوه تجي؟
ابتسم مُطلق: لا والله بطلع الحين عافيه
فهم ابتسامته كاسر يطبطب على كتفه: توكل لك ازين
ضحك يمشي من عندهم لسيارته يحرك من أمام المستشفى يُخرج هاتفه يتصل على صالح: ارحب بضلوع صدري
صالح: البقى كيفك
ثبت الهاتف يُكمل سواقه: الحمدلله وانت وكيف امي
رفع نظره لبُثينه: زينين هذه هي تسمعك
ابتسم: كيفش ياحلّوة اللبن
بُثينه: بخير ياولدي وانت كيفك وكيف النايّفه عساها زينه
هز رأسه مُدعي أنها تراه: زينه الحمدلله كيف الديّار والله لش وحشه
ابتسمت تسمح على شعر صالح: الديّار تنتظرك ياولد غالب
ضحك يتنهد: ان شاء الله بإجازة الترم نجيكم
بُثينه: ان شاء الله سلم لي على النايّفه
ركن سيارته يفتح حزامه: ان شاء الله استودعتكم الله
نزل يُغلق الخط يمشي بخطواته للأعلى، طق الباب يُعيد من طولت النايّفه، وصله صوتها العالي: لحظه جايه
فتحت الباب تبتسم بإتساع: مُطلقو
ضحك يدخل يُغلق الباب من تقدمت تحتضنه: اي ميس يو
رفع حاجبه بإبتسامه: حركات انجليزي
ضحكت ترفع رأسها له: يس
حاوطت ذراعه تمشي معه للكنب تجلس بجانبه من جلس: ايي كيف كان يومك
حاوط كتوفها يحتضنها: تشبه حلاوتش بس ماتوصل مستواها
ابتسمت بخجل: ماعرف ارد
ابتسم يقبّل أرنبة أنفها المُحمره: ملامحش توضح لي
سكتت بإبتسامه تحتضن ظهره تشعُر بكفه الذي يمسح على شعرها: كيف المدرسه معش
ابتسمت بحماس تنطق: صايره حلوه مره درجاتي تعدلت وخلصت كل المشاريع الي علي والترم الأول قرب يخلص مره مبسوطه
قبّل باطن كفها يمسح عليه بإبتسامه: عندش خويات
هزت رأسها بالإيجاب: مو كثير ثنتين معي بالفصل ووحده بأولى
رفعت نظرها له تبتسم بصدق: بس كلهم ولا شي قدامك يا أطلق خوي
تعالت ضحكاته يتنهد من شدّها يحتضنها: وتستغربين اذا قلت لش بأكلش
ابتسمت تصمُت لثواني: متى نروح لفُلك؟
مُطلق: خليهم يرتاحون شوي وبكره او بعدها ان شاء الله نروح