انا الفلك والناس حولي مدارات تشوف عز نفوسها من خلالي

part49

فتحت الثلاجه تُخرج اللبن ومشت تخرج من المطبخ تتقدم لطاولة الطعام تضعه عليها كآخر لمسه ولفت ظهرها تصعد للأعلى لغرفة نومهم تفتح النور وتُطفئ المكيف على نجم النايم، تقدمت منه تجلس على السرير وهزت كتفه: نجم
مسحت على شعره: نَجمي يلا قوم
همهم لها تُكمل: الكبسه بتبرد يلا بترجع تنام
فتح عيناه يناظرها بنعاس وتثاوب يرفع كفه لرقبته وأعتدل بجلسته يُنزل أرجله للأرض ويوقف يمشي للحمام وابتسمت فُلك تنزل تنتظره،،، رفعت نظرها له من نزل من الدرج بعد ما غسل وجهه وصحصح وعقدت حواجبها بإبتسامه من تقدم يوقفها أمامه يقبّل جبينها وابتعد يُمسك كفها بإبتسامه: اسف صحيت ومو مصحصح وما انتبهت لنجمتي الي تصحيني
رفعت حواجبها بإبتسامه يرفع كفها لثغره يقبّله: تسلم هاليد الي تطبخ لي
ضحكت بسعاده ترفع ذراعها لعُنقه تحتضنه: نجم تهبل!
جلس على الكرسي تبتعد عن عُنقه وتبقى بحضنه ونظرت له ينطق: سمي بالله وكلي
تنهدت بإستسلام تبتسم وصدّت لأمامه تسمي بالله وتأخذ ملعقتها تبدأ بالأكل تسمعه: هاجس متغير
أبتلعت لقمتها تناظره: كيف
هز رأسه بعدم معرفه: صاير يهوجس كثير وماعاد يقعد معي مثل أول وابتساماته كثرت
ابتسمت تهز رأسها: عِقد
ناظرها تُكمل: صدقني بسببها يعني مثل ماسويت انا فيك هي سوت فيه
ضحك يحتضن خصرها بذراعه اليسرى: ياشيخ اهني الثقه الي بمكانها
ماردت تبتسم تُكمل أكلها ووقفت بعد ما أنتهت: الحمدلله
مشت للمطبخ تغسل يدها وترجع له تناظره وقف يحمل الصحون: خليهم انا بأخذهم
ناظرها بطرف عين: انتِ طبختي وانا بنظف اقعدي
ابتسمت تناظره يمشي من أمامه وضحكت من أنحنى يقبّل خدها ويُكمل طريقه للمطبخ يضع الصحون على المغسله ويأخذ المريله يلبسها يناظرها تقدمت تجلس على طاولة المطبخ تناظره بإبتسامه ولف لأمامه يبدأ بتغسيل الصحون ينطق: خففي إبتسامات عشان ما أتهور
ضحكت ترجع بكفيها على الطاوله: نجم أعقل!
هز رأسه بالنفي: معك؟ معصي والله
عضت شفتها السفليه بإبتسامه: منحرف
تعالت ضحكاته: افا انا؟
رفعت حاجبها تضحك بدون رد وغسل يديه ينزع المريله يلتفت لها: اممم تبين تشوفين الأنحراف؟
توسعت عيناها تنزل وتغادر المطبخ قبل ان يُكمل كلامه وضحك يخرج: وين بتهربي
وقفت أعلى الدرج تلتف له: صير ولد شاطر ولو لمره يانجم!
هز رأسه بالنفي يتقدم: قلت لك انتِ مغريه شسوي لك
ركضت ترفع فستانها من بدأ يصعد وتوجهت للجهه الثانيه تنزل من الدرج تلتقط أنفاسها: أوريك
صرخت تضحك من نزل بسرعه تهرب للصاله: ياربي بزر والله بزر
أغمضت عيناها من أمسكها يقيد حركتها ورفعت نظرها له: خلاص استسلمت خليني
تقدم للكنبه يتركها عليها: اي خليك شاطره كذا
رفعت حاجبها تناظره من انحنى يجلس بجانبها يغمز: ماينفع عشاء بدون تحليه ولا؟
منعت ابتسامتها الخجوله تنطق: صح اطلب لك او خليني اقوم أسويلك
ضحك يهز رأسه بالنفي يتقدم لها: مايحتاج انتِ موجوده
رفع ذراعه لخلف عُنقها من كانت على وشك الابتعاد وقدمها له تُغمض عيناها من قبّلها ترفع كفوفها لصدره وعقد حواجبه يبتعد من انتشر صوت رنين هاتفها بالصاله لتهمس: وخر بشوف مين
تجاهلها يرجع يقبّلها الى ان توقف الرنين وعدل ظهرها على الكنبه ترفع كفوفها لعُنقه يرجع رنين الهاتف لمسامعهم لتدفع صدره بخفه: اصبر
تنهد يبتعد عنها يسمح لها توقف وابتعدت عنه تأخذ هاتفها تناظر اسم سِهام وابتسمت ترفع صوتها: احبك ياسِهام
أغمض عيناه يُرخي ظهره على الكنبه: خلصي مكالمه بشوف ذي سِهام بوش بتفيدك
عبست ملامحها ترد عليها: هلا
سِهام: تقدرين تجين انتِ ونجم؟
عقدت حواجبها: ليه؟
ناظرت رمّاح الذي خرج من المركز بعد ان قدم الدلائل التي ضد يحيى والتي تُثبت أنه السبب بمقتل وائل: بلغنا على يحيى
تجمدت ملامحها: وينكم؟
اغلقت الخط من اخبرتها أنها سترسل لها موقعها وتقدمت له: نجم
فتح عيناه يناظرها تُكمل: بنروح لسِهام، بيمسكون يحيى
اعتدل بجلسته يوقف: ابشري ثواني
مشى للأعلى يُغير ملابسه وأخذت عبايتها فُلك تلبسها وتلبس طرحتها ونقابها وأخذت حقيبتها تناظر نزوله تتقدم تخرج معه لسيارته ووضعت هاتفها أمامه يناظره: خلاص خذيه اعرف المركز
أخذت هاتفها يُكمل طريقه نجم وركن سيارته أمام مواقف المركز ينزل يناظر يحيى الذي مُقيد بأصداف ويُمسكه أحدى العساكر وأدخله للداخل يتقدم مع فُلك يدخلون وناظرت سِهام تتقدم لها: خلاص كل شي مثبت عليه؟
هزت رأسها بالنفي: باقي بس التحقيق اما الأدله تثبت كل شي
هزت رأسها بفهم تجلس على الكرسي معها تناظر نجم الواقف مع رمّاح يتكلم معه وماهي الا نص ساعه وخرج المحقق من غرفة التحقيق يتقدم له نجم يسأله عن الذي حدث: طلب يعيّن محامي ومن حقه، ماقدر ينكر الإتهام الي عليه وبعد مايتكلم مع محاميه بيتم إيحالته للمحكمه بعد مانثبت الإتهام وبعدها الحُكم عليه
هز رأسه بتفهم: كم يستغرق كل ذا
سكت لثواني يفكر: الحين بنأخذه للتوقيف وبكره المحامي بيجي وبعدها ما ادري
تقدم رمّاح يناظر نجم: اسمع
مشى المحقق يناظر يحيى الذي اخرجوه من الغرفه واستقرت نظراته الحاقده على رمّاح الذي تجاهله من ألتف له نجم يُكمل: سِهام تبي تكلمك
هز رأسه يناظر تقدم سِهام وخلفها فُلك لهم: تقدر تطلعه أخذه معي لمكان ويرجع؟
عقد حواجبه يناظرها: مااعتقد اقدر وش تبين فيه؟
ابتلعت ريقها تأخذ نفس: ثلاث ساعات بس وبرجعه تعال انت بعد معه عادي
سكت يناظرها لثواني: زين بشوف
مشى لمكاتب الضباط يطق مكتب خويه ودخل من سمح له يتقدم يسلم عليه وجلس أمامه يضحك الضابط: عطيني ياها على بلاطه، سم شبغيت
ضحك يرفع كفه لشعره: واضح لذي الدرجه؟
هز رأسه بالإيجاب يُكمل نجم: ادري صعب بس حاول واذا ماقدرت أبد متفهمك، في مُتهم هنا حضر قبل ساعه تقريباً احتاج أخذه معي بس ثلاث ساعات وأرجعه على ضمانتي
عقد حواجبه يناظره: ماينفع يانجم
نجم: ادري عشان كذا جيتك اعرفك تقدر لكل شي
سكت لثواني يتنهد: بشوف وش اقدر اسوي انتظر
وقف يغادر المكتب ورفع كفه نجم يدلِك جيبنه ينتظره ورفع رأسه بعد ربع ساعه من دخل يتقدم له: على ضمانتك؟
هز رأسه بالإيجاب يوقف يُكمل: والله كنت برفض بس تعرف معزتك عندي وثقتي فيك
ابتسم له يمشي يغادر المكتب خلفه وطلع لهم يتكتف يناظر خروج يحيى مُقيد بأصداف برفقة إحدى العساكر وتقدم لنجم ينطق الضابط: ثلاث ساعات بس!
هز رأسه بالإيجاب يُمسك يحيى ومشى للخارج تنطق سِهام: بأخذه بسيارتي
هز رأسه بالإيجاب: لا تتهورين انا وراك مع فُلك
ناظرته بصمت تتقدم لسيارتها وفتحت الباب الخلفي لها يتقدم نجم ويجعل يحيى يصعد وأبتعد تركب سِهام وبجانبها رمّاح تحرك يلحقها نجم برفقته فُلك بسيارته متوجهيين لديرة سِهام.