انا الفلك والناس حولي مدارات تشوف عز نفوسها من خلالي

part45

ركنت سيارتها تفتح حزامها وتنزل متوجهه للداخل تستقيم فُلك وتتقدم تسلم عليها وتأخذ منها عبايتها وتُدخلها للصاله التي أغلبهم مجتمعين فيها، جلست سِهام تأخذ فُلك دلّة القهوه وتصب لها وصبت لفاطمه وجلست بجانب سِهام تهمس لها: وش قلتي بتعلميني
لفت لها بترد لولا هاتفها الذي رن: لحظه
فتحت حقيبتها تأخذه وناظرت اسم رمّاح تتنهد وترد تضعه على أذنها: هلا
رمّاح: حجزت القاعه والمصوره وكل شي جهزته الساعه ثمانيه بيجي الشيخ ونملك زين؟
ضحكت تهز رأسها: مستعجل على كل شي كذا؟
هز رأسه مدعي أنها تراه يبتسم: اليوم طويل مو راضي يمُر، انتظر العصر يخلص عشان اروح اكشخ
ابتسمت تقع نظراتها على جمعه التي تناظرها: زين ياعيوني بعدين اكلمك
كانت بتسكر لو لا صوته الذي اوقفها: لحظه لحظه شقلتي؟ ليكون خرفت وسمعت غلط
عضت شفتها بضحكه: خلاص بعدين
أغلقت الخط تناظر جمعه: عسى ماشر مضيعه شي بوجهي؟
هزت رأسها بالنفي: متزوجه؟
سِهام: لا بتخطبيني؟
ناظرتها لثواني ترفع حاجبها: فضول هو مين ذا الي تكلميه
ضحكت سِهام: حبيبي
ناظرتها بصدمه ترفع حاجبها سِهام وتُكمل: وش؟ اول مره تشوفين وحده فلتانه؟
هزت رأسها بآسى: الله يخلف عليك بس
صدّت عنها تناظر فُلك تبتسم تُغيض جمعه: اليوم ملكتي من حبيبي الله يهديه ولهان يافُلك ولهان مايقدر يصبر
ضحكت بصدمه: سِهام!
ارجعت شعرها للخلف تهمس لها: استفزها بس اهدي
مسحت على وجهها تكتم ضحكتها: ليت عِقد موجوده تسمعك بس
صدّت عنها بضحكه: خليس السوالف وقومي البسي بنطلع
وقفت تهز رأسها بالإيجاب ومشت تصعد للأعلى تصد بحده من ناظرت رتيل النازله وكملت طريقها للأعلى تدخل غرفتهم وأغلقت الباب تتقدم تأخذ عبايتها تلبسها ترفع نظرها له من نطق: وين رايحه
أخذت طرحتها تتقدم للمرآة: سِهام جت بطلع معها عشان تجهز لملكتها اليوم
تقدمت له وهو جالس على الكنبه من فتح ذراعه لها تجلس بحضنه: طيب شرايك تسحبين عليها ونطلع انا وانتِ
هزت رأسها بالنفي تحاوط عُنقه: بسحب عليك انت اليوم كله ماعندها غيري
ابتسم يتثاوب بنعاس: قدها؟
ضحكت تدفع صدره بخفه وتوقف: نام ياعيني نام
ضحك يوقف ويمشي للسرير: فيني نوم ترا ولا ماكان خليتك
أخذت نقابها تأخذ حقيبتها: هذا اذا قدرت اصلاً
مشت بسرعه تغادر الغرفه تضحك ونزلت تتقدم لسِهام: يلا بمر لعِقد بعد
وقفت تناظر جمعه: بتأخذني لحبيبي تبين اوثق لس بعد؟
ماردت تناظرها بنقد ومشت سِهام مع فُلك التي ضحكت تعطيها عبايتها: والله أنك مو صاحيه
لبست عبايتها تأخذ طرحتها: فاعقه مرارتي واستقعدت لها
مشت معها يغادرون لسيارة فُلك وحركت متوجهه لبيت عِقد التي نزلت لهم تركب بالخلف وحركت فُلك متوجهه لأحدى المولات تنطق عِقد: المفروض اركب قدام ترا
ناظرتها فُلك من المرآة: لا لا ماينفع العروسه تركب ورا
عقدت حواجبها: عروسة مين؟
آشارت لنفسها سِهام: انا
توسعت عيناها بذهول: متى!
فُلك: اليوم وتوها تقول لي
ضحكت سِهام: كل شي بس باقي انا بأخذ فستان لي وبروح المشغل وخلاص
عِقد: من مين؟
ناظرت أمامها من توقفت فُلك بالمواقف: رمّاح، اخو زوج لورا
لفت لها فُلك بذهول: وش!
هزت رأسها بالإيجاب: اي امس دريت وشفتها
ناظرتهم عِقد: واو اي لايكِت
نزلو من السياره تنطق فُلك: من زمان عن لورا
مشو لداخل المول يتوجهون لأحدى محلات الفساتين وتقدمت سِهام تتفحصهم وتناظرهم ووقعت عيناها على فستان ابيض بأكتاف حبل مكشوف الظهر وبربطه انيقه من تحت الظهر وأخذته تنطق فُلك: ماتحسي هادي؟
هزت رأسها بالإيجاب: عشان كذا حبيته بأخذ ذا
أخذت فُلك لها فستان مع عِقد وحاسبوه يمشو طالعين من المحل يُكملون شراء كماليات.