انا الفلك والناس حولي مدارات تشوف عز نفوسها من خلالي

part21

ركنت السياره بالمواقف تلف لفُلك بجديه: اضبطي اعصابك مانبي مشاكل
هزت راسها بدون رد تنزل معها يتوجهون لداخل ساحات الفورمولا،استقرت نظرات فُلك على بسام الجالس مع اصدقائه تتقدم منه مع عِقد: بسام
التفت للي تناديه بإستغراب يتعرف على عِقد جاهل مين الي معها،وقف يتجه ناحيتهم: امري؟
ابتسمت بسخريه: تعرف انا مين يابسام؟
سكت ينتبه لنبرة صوتها المعروفه له يرفع حواجبه بذهول: الجامحه؟
هزت راسها بالإيجاب تتقدم خطوه منه: الجامحه فُلك بنت وائل آل بارق حرّم نجم، نجم نفسه الي خاطب اخته غلا يا بسام، تتوقع بسكت وبمشيها لك؟ بفضحك عنده وعند عايلتهم تخسى وتعقب تقرب من غلا، تستاهل رجّال مو واحد مثلك ياعديم الرجّوله
سكت بذهول يربط الاحداث ببعضها يرفع نظرها لها من جديد: تتوقعين بتصدقك؟
ابتسمت تهز راسها بالإيجاب: نجم بيصدقني اهم شي
ابتسم بسخريه يرفع حاجبه: وش بتقولين له؟كان حبيبي القديم حبيته وعشقته بس ما يستاهلني؟
ارتخت ملامحها ترفع سبابتها: تخسى ياكلب كنت ذنب وتُبت عنه لا حبيب ولا بطيخ كنت اتوقعك رجّال بس للأسف تعرف قيمة نفسك
رفعت كفها توّريه دبلتّها: الحين انا حرّم النجم عرفت من يستاهلني واستاهله رجال وقد افعاله وكلامه
نزلت كفها تناظره لآخر مره: اعرف ان هالزواج مارح يتم وبينتهي قبل مايبدا حتى
لفت ظهرها تمشي مع عِقد يطلعون من المكان متوجهين لسيارة عِقد يغادرون،اخذ هاتفه يبحث عن رقم يطلع من المكان لسيارته بسرعه:بننفذ خطتنا بدري بننكشف الحين باخذ غلا اتجهزي
سكر منها يدق على رقم غلا الي ردت عليها بعد الرنه الاولى: هلا بسام
حرك من المكان متوجه لبيوت آل بارود: كيفك ياقلبي
ابتسمت غلا تناظر غنى الي رجعت تجلس بجانبها بعد ماراحت تكلم: بخير وانت
هز راسه مدعي انها تشوفه: انا الحين جاي لك تجهزي بنطلع مشوار بسيط
عقدت حواجبها بإبتسامة تناظر غنى: وابوي؟
بسام: انا بكلمه تجهزي بسرعه
وقفت: طيب باي
سكرت منه تناظر غنى: بسام بيجي نطلع
وقفت غنى تضحك: الله يهنيكم بطلع انا عندي مشوار
ابتسمت غلا بخجل تاخذ عبايتها ترتديها على فستانها تلبس طرحتها وتنزل مع غنى التي ودعتها تركب سيارتها وتغادر تاركتها تنتظر بسام

تنهدت فُلك تناظرها: مري لي صيدليه باخذ لي تحليل حمل
ابتسمت تهز راسها بالإيجاب تتوقف: بنزل انا لا تتعبين نفسك
نزلت تدخل الصيدليه تاخذ جهازين من اجل التأكد ورجعت تركب تمدها لها تحرك لبيت آل قاسم، صفت سيارتها تنزل معها فُلك من آجل مساعدتها باغراض سفرتها، دخلو لغرفتها تدخل عِقد تغير فستانها وتطلع تبدا تجهز اغراضها مع فُلك، اخذت ملابسها من يدها تمد لها جهاز الحمل: يلا روحي سوي
وقفت فُلك تاخذه تزفر بتوتر صابها تدخل الحمام تنتظرها عِقد امامه، تكتفت من طولت: فُلك يلا!
انفتح الباب تطلع بيدها الجهاو تناظره بعدم تصديق؛ لانه اكد لها انها فعلاً حامل، تستقر ببطنها ثمرة حبها مع نجمها، تتضارب مشاعرها بقوه ويتشكل امامها نجم من يدري، بكت بذهول ترفع نظرها لعِقد: حامل
اتسعت ابتسامتها تاخذه منها تزفر بفرح: انا شقلت
غطت فمها تحتضنها تبكي بعدم تصديق: عِقد بصير ام بيصير عندي طفل يناديني ماما عِقد مو قادره استوعب
بكت معها تشدّ عليها: لا تبكيني انتِ بعد
بعدت عنها تضحك بدموع: لازم ابشر نجم بروح
هزت راسها لها: هاجس حيجيني خذي سيارتي عادي
حضنتها تشدّ عليها: انتبهي لنفسك زين
بعدت تاخذ نقابها تلبسه تاخذ جهاز الحمل ومفتاح السياره تطلع لبرا، حطت جهاز الحمل بإستعجال بشنطتها يقع دون ان تنتبه تمشي لسيارة عِقد تركبها  وتحرك متجهه لبيوت آل بارود،،صفت السياره تنزل متوجهه للداخل بخطوات سريعه يتراقص قلبها بفرح طقت باب غرفتهم تدخل تستقر نظراته على نجم الي جالس على الكنب معطيها ظهره، ابتسمت تتقدم تحضنه من وراه: نجمي
مارد عليها تعقد حواجبها بإستغراب تنزل نظرها لامامه، تجمد الدم بعروقها يتوقف الزمان فيها من شافت مذكراتها امامه وعيونه مستقره على صفحه قديمه كانت تسطر فيها كمية حبها او بالمعنى الحرفي إعجابها بشخص الذي هو بسام، تتذكر انها حطت مذكرتها بنفس مكانها الان مفتوحه قبل ماتروح الشاليه معه ونستها، بلعت ريقها يرتخي جسمها تهمس: نجم
اخذ نفس بخذلان، بكسر اصابه يشوف كلامها عن شخص يجهله، تسطر بأناملها عن حبها له، وان كان شي قديم ليه محتفظه فيه، ساعه مرت وهو جالس هنا يحاول يستوعب الكلمات التي كتبتها عنه يستوعب انها تحب هالشخص المجهول، ماكانت نيته ياخذ مذكراتها الخاصه او يفتحها، لكنه عندما دخل كانت امامه مفتوحه على نفس هذه الصفحه، ماحرق قلبه اكثر وفتح باقي الصفحات يشوف كلامها، لان هالصفحه كانت كفيله تقهره، تحرقه وتحرق قلبه، ينخذل الف مره بكل حرف يقراه مايبي يتكلم معها عشان لا يآذيها؛ لانه الآن مقهور واعوذ بالله من قهر الرجال، مارفع نظره لها ينطق بكلمه وحده: ليه
رغم كلمته البسيطه التي تتكون من ثلاث احرف الا انها كانت كفيله تدمرها، تستشعر الخذلان القهر والكسر فيها، ماتعرف كيف تبرر له انه شي قديم، شي نسته بوجوده ونست إعجابها القديم، مسكت ذراعه من وقف تبكي: نجم اسمعني
مسك كفها ينزله عن ذراعه: مابي اجّرحك ابعدي
هزت راسها بالنفي تلفه لها: لا تصد عني
ماناظر بعيونها تكمل برجاء: ناظرني
رفع نظره لعيونها الدامعه يعتلي صوت بكائها اكثر من نظراته المخذوله، شدّت على وجهه بكفوفها الراجفه: اسمع مني تكفى لا تصد عني كذا
مسك كفوفها ينزلها يدعس على قلبه الذي حّن لها: مابي اجرحك يابنت وائل استودعتك الله
تركها يطلع من الغرفه والبيت بأكمله تنزل للارض يعتلي صوت بكائها لأنه نادها ببنت وائل ولأنها تعودت على 'المدار'منه وأحبته: ليه يارب ليه
غطت وجهها بكفوفها: كنت جايه ابشره بولده ليه اليوم ليه
نزلت كفها تتحسس بطنها تميل راسها: انا غلطت ادري يماما بس والله ماعاد احبه احب ابوك انا احبه
لو قلت له عنك بيسامحني؟