انا الفلك والناس حولي مدارات تشوف عز نفوسها من خلالي

part 23

لو عُرضت الأقدار على الإنسَان
لأختَار القدر الذي اختاره الله له!

حطت شالها على اكتافها تناظر هاجس الذي نطق: امشي يلا
اخذت شنطتها تطلع معاه من جناحهم يغادرون الفندق، مد كفه لكفها يمسكه: نروح نتغدى بعدها نتمشى
هزت رأسها بتأييد لفكرته: تمام
مشى لأحد المطاعم الذي قد زارها من قبل بمدينة مدريد، ابتسمت عِقد للأجواء الهاديه والراقيه: يجنن المكان هاجس
هز راسه بالإيجاب يدخلون المطعم: افضل المدن الي زرتها
جلست على الطاوله يناظرها: وش تبين تطلبين
ناظرت المنيو امامها تأشر على طلبها ينطق هاجس: جربتها مو لذيذه بطلب لك نفسي
هزت رأسها بالنفي: لا ابغى دي
هز راسه يمشي: بكيفك
رجع يجلس امامها تنطق عِقد: كم جيت مرات لهنا
سكت لثواني بتفكير: يمكن عشرين مره
رفعت حواجبها تناظر كفها بغرور: عشرين مره وهذه المره الوحيده الي حتكون حلوه لاني موجوده
ضحك بسخريه: خففي غرور بالله
تقدمت الموظفه بطلبهم يسمون بالله ياكلون، عقدت حواجبها من عدم إعجابها بطبقها ترفع نظرها له: شوف جوالك كأنه احد يتصل
اخذ هاتفه تمد يدها عِقد تاخذ طبقه وتعطيه طبقها ينزل نظره هاجس: خير
ابتسمت تأكل منه: الخير وجهي بس ماحبيت دا
رفع حاجبه: انا وش قلت؟
رفعت اكتافها بعدم معرفه يوقف يطلب له نفس الطبق يرجع يجلس: كلي ذا بعد
هزت راسها بالنفي: ما ابغى كِله انت

دخلو العساكر ينتّشرون بالمكان يفتشوه يدخل وراهم نايف الذي عقد حواجبه من سمع صوت بكاء فتاة وصراخ، مشى بحذر للغرفه التي تصدر الصوت
تراجع خطوتين يتقدم للباب يدفعه بكتفه بقوه، يعيد الكَره مره اخرى ويتسبب بكسر الباب، دخل تتجمد اطرافه يشوف بسام الي معتلي غلا التي تبكي يقبّل نحرها ومقيّد يداها للأعلى، تقدم يمسكه من وراه يبعده عنها يصرخ بحده: ياكلب انا اوريك يا ابن الحرام
لفه له يسدد له لكمه تليّها عدد لكمات يصرّخ: وش طينتك انت وش طينتك
مسكه من ياقته يثبته على الجدار يضرب راسه فيه بجنون: مجنون انت؟البنت كانت بتصير حلالك يامريض وش فائدة سواتك يانجس
رماه على الأرض يركله بسام يطيحه: مالك دخل يبن الملعون
سدد له ضربه يهجم عليه نايف من جديد يقيد حركته بصعوبه: اوريك من الملعون
وقفه معاه يطلع لبرا الغرفه وهو مقيد حركته: ياعسكر
تقدمو العساكر يرمي لهم بسام: هذا هو الكلب
تركهم يعود لداخل الغرفه ينزّل نظره عن غلا التي تبكي على السرير: البسي عبايتك وامشي
كتمت شهقاتها تاخذ عبايتها ترتديها بإهمال، انزلت رجلاها للأرض تستقيم بصعوبه بسبب رجفة جسمها تتبع نايف، تقدم سهّام منهم حاملها رُمح وأسهم تبتسم لفُلك: الشي الوحيد الي حلو بالمزرعه
لفو انظارهم للعسكري الذي نطق: كان في بنت هنا بس هربت العساكر يدوروها انتبهو وأبقو هنا
تقدمت سهّام تناظر بسام بعدم تصديق: فُلك ذا الي حبيتيه؟
رفعت انظارها لها فُلك تهز راسها بدون رد تحول انظارها سهّام لغلا: شجوكم انتِ وياها؟ على وش حبيتوه؟
رجعت انظارها له بصدمه: انتو شايفين طوله؟ قد رجلي وسمين بعد؟اعنبوس انتِ وياها كيف تقبلتوه؟
ابتسم نايف بسخريه يناظره: وشايف نفسه بعد
هزت رأسها بتأييد وصراحه: من قصره لو جاء يبوسس تدنين له بعد اعنبوه ذوقكم بس من وين تشوفون انتم؟
ماردت غلا تناظر الأرض بشرود تبتسم فُلك لسهّام تتحول انظارها على نجم الذي دخل يتبعوه عدي وموج