انا الفلك والناس حولي مدارات تشوف عز نفوسها من خلالي

part18

حطت اغراضها بالشنطه تمسح دموعها التي تتجدد، اغمضت عيناها تشهق: خلاص خلاص اسكتي ياموج
بكت بتعب تسكر شنطتها التي تمتلئ ببعض اغراضها بعد ما استسلمت لمصيرها،التفتت للباب الي انفتح تدخل ابرار: انا قايله وراك بلا بس ماحد صدقني
رصت على اسنانها موج تمسح دمعتها: ابرار اذلفي عن وجهي مو ناقصتك
ابتسمت بسخريه تتقدم منها: الله يعلم لا يكون الي مرسله له صورك هو المحقق بعد يارخي..
ماسمحت لها تكمل كلامها من ارتفع كفها الرّاجف يصفق وجهها تصرخ: مو انتِ الي تغلطين علي والله يا ابرار كلمه ثانيه واصير مجرمه بعد اذلفي عن وجهي الله لا يوفقك يامريضه
دفتها بقوه: انتِ ماتعرفين انا بوش امر انا يكفيني الي فيني الله يسلط عليك جنود الارض والسماء اطلعي من غرفتي اطلعي
دفتها تسكر الباب بوجهها تبكي: حسبي الله عليهم
لبست عبايتها ونقابها تاخذ شنطتها وتنزل،كونه تم كتب كتابهم والحين بتروح مع شخص تجهله ماتعرف الا انه المفروض كان يساعدها بأنه يتخلص من الي يهددها لكنه الان زوجها،سخرية القدر موجعه بالنسبه لها؛والدها يريد قتلها وهو الغريب يحميها بزواجه منه،،حضنت انس الي تقدم منها تهمس ببكاء: ابي اشوف ابوي
بعد عنها يتنهد بحزن: موج تكفين لا تتعبين نفسك والله مارح يرضى انتبهي لنفسك لين نطلع الي مسوي كل ذا واوعدك باخذك
ماردت تهز راسها بالايجاب ودموعها تذرف يشوفه يحمل شنطتها لسيارة عدي،طبطب على كتفه: اختي بامانتك ياعدي تكفى انتبه لها
هز راسه بالايجاب: ابشر ان شاء الله
قادتها رجلينها تركب بالخلف تشوف بيتهم،تشوف ذكرياتها فيه وصوت ضحكها،اغمضت عيناها بتعب تستند على النافذه يركب عدي ويحرك لبيوت آل بارود يجهل كيف يعلمهم الحقيقه!

نزل هاتفه اشرف المبتسم يناظر بيادر: البنت وافقت
ابتسمت بيادر براحه تلف لهاجس: الله يتمم لكم يولدي
ابتسم لها بهدوء يلف لاشرف الي نطق: كلمته بعدين خذها وروحو سوا تحاليل الزواج عشان نجهز
هز راسه بالايجاب يوقف: الحين فاضي قول له تتجهز
طلع من البيت يرفع حاجبه من شاف عدي الي نزل من سيارته بجانبه بنت،رفع نظره عدي يتنهد يلف لها: خليك هنا لحظه
ماردت عليه يتقدم لهاجس الناطق: مين ذي؟
مسح على وجهه بتعب: زوجتي
ضحك هاجس بعدم تصديق: تستهبل؟
هز راسه بالنفي يكمل هاجس: الله يقويك اجل عليهم داخل
ضحك عدي بتعب يمشي هاجس لسيارته متوجه لبيت آل قاسم

دخل البيت خلفه موج يتنحنح: ياولد
وصله صوت جمعه: ادخل
اخذ نفس يمسك كف مو الراجف يدخل،تجمدت ملامح الموجودين من البنت الداخله يصمتون،ناظر عمران ينطق: يبه بكلمك بالمكتب
لف لجمعه الي نطقت: مين ذي؟
ناظر غلا: خذيها غرفتك
وقفت بصمت تتقدم لموج الي تبعتها يطلعون لغرفة غلا،رجع بنظره لجمعه: زوجتي
جمد وجهها بصدمه: عدي!!
مارد توقف جمعه ترفع صوتها: عدي مين ذي؟جايب بنت من الشارع وتقول زوجتك؟صاحي انت؟
تنهد يناظر عمران: يمه قلت وخلاص زوجتي وبنت ناس وأصول
قاطعته جمعه من تقدمت له تصفعه كف بغضب: انت صاحي ياقليل الخاتمه اخر عمري جاييني تتزوج بدون علمنا؟وبدون مانعرف بنت مين؟
ناظر عمران بدون رد يمشي لمكتبه ووقف يتبعه، جلس امام عمران الي يناظره بهدوء: برر موقفك امك صادقه ياعدي وش مهبّب انت؟
ريح ظهره على كرسيّيه: وش مهببه طال عمرك القصه ومافيها البنت جاتني قبل فتره تشتكي على احد يهددها بصورها وانا حاولت امسكه بس هو ذكي ماحط لي مجال وهددها بصورها توصل لأهلها ووصلهم واتصلت علي وجيتهم وابوها حالف الا يذبحها وانا مالقيت الا ذا القرار لين احميها واجيب الي مهددها
ناظره لثواني يوقف: خير ماسويت ماعليك من امك
ابتسم بخفوت يطلع معه،طق باب غرفة غلا تفتحه لها: وينها؟
ناظرت الغرفه ترجع بنظرها له تهمس: قاعده تبكي مو راضيه تتكلم معي
عدي: اطلعي
ابتسمت له تغمز وتطلع،ضحك بهدوء يدخل يسكر باب الغرفه: موج
ماوصله غير صوت شهقاتها المتعاليه؛تبين له حجم الآلم الذي يكسو قلبها،الم فراق اهلها وطعنهم بشرفها وتصديقهم فيها،كثير عليها كثير على قلبها الرهيّف، تقدم منها عدي يجلس بالسرير: موج خلاص
رفعت نظرها له تبكي بصمت يكمل: البكاء مارح يفيدك خلاص صار الي صار الحين لازم نطلع اساس المشكله والي سوا كل ذا دموعك مارح تطلعه!
بكت موج بتعب تتقدم منه تنطق بصوت محروق: مايهمني بحريقه انا محروقه ياعدي ابوي مصدق فيني!انت ماتفهمني انا انحرق والله انا تربيته صدق علي وانا احلف له اذا هو كذا اجل كيف الناس؟ماوقف معي اتهمني وصدقه انت مستوعب انه صدق ببنته كذبني وكذب حلفي وتبرأ مني ليته قتلني انا توي استوعب وش صار هو قتلني وانا عايشه ليش يصير لي كذا ليش!
دنت راسها تشهق ببكاء: امي ماسوت شي ما قالت له ان انا مستحيل اسويها سكتت وراحت عني تخلو عني بهالسهوله ولا واحدد جاء وسألني وقال موج انتِ سويتي كذا؟ماحققو بالموضوع ولا تأكدو بس كذا تركوني بسرعه ولا احد واقف معي غير انس
تنهد بحزن على حالها يمد كفه لذقنها يرفعه: انا فاهمك ابوك بساعة غضب مو شي هيّن ياموج ابوك اكيد زعلان عليك بس الشيطان عماه ماعرف وش يسوي هو يبيّن حزنه عليك بطريقته ذي كل شخص عنده طريقه الي سواه غلط اكيد بس تفهميه
ماردت موج تسكت تبعد كفه عن وجهها تذرّف دموعها بصمت.