انا الفلك والناس حولي مدارات تشوف عز نفوسها من خلالي

Part13

دخلت تتوجه لمكتبه بعد ماقدرت تهدي نفسها طول هالاسبوع،طقت الباب تدخل على عدي الي تعرف عليها ينطق للعسكري: تفضل برا
وقف يطلع تاركها تجلس امامه تنطق بعد ما اخذت نفس طويل: قدر يوصل لاهلي
عدي: وش المشكله اخت موج؟اذا عرفوا بيتفهمون لان كل شي واضح انتِ ما ارسلتي شي
هزت راسها بالنفي: مارح يتفهمون والله بيذبحوني طلب مني اقابله صور اخوي بدوامه والله تعبت معه ابي احط حد له حتى رقمه غيره
سكت لثواني ينطق: عطيني رقمه بنتتبعه لان الرقم الاول لعامل سافر برا السعوديه من زمان واضح انه ذكي وعارف كل شي بس اخرته بنمسكه
طلعت جوالها تعطيه الرقم ودخلت محادثاتهم توريه كلامه وتهديداته،التقط شاشه لكل كلامه يرسله لعنده: ان شاء الله نمسكه ولا تخافين
سكتت لثواني تنطق بخوف: اذا وصل لاهلي اعرف اني انتهيت
هز راسه بالنفي: ان شاء الله نقبض عليه لا تبين له خوفك
موج: انا احس فيه يراقبني كل مارحت مكان يرسل لي انه يعرف احسه يتعقبني
كان بيتكلم لو لا صوت جوالها الي رن برقمه،ناظرته ياشر لها ترد: ردي
اخذت نفس ترد وتفتح السبيكر: نعم؟
وصلهم صوت ثقيل وواضح انه مغير صوته مثل ماتوقعه عدي ذكي: رايحه المركز؟تتوقعين تخوفيني يابنت إلياس؟واضح تبين الصور توصل لاهلك والله اعلم وش بيسوون فيك
سكتت بخوف تناظر عدي الي اشر لها تكمل كلام معه وتجاريه: ماجيت اشتكي عليك!جيت مع صديقتي عندها مشكله
وصلها ضحكاته العاليه: بزر عندك انا؟المهم ثلاث ايام ان ماوصلتني مائة الف صورك عند اهلك ياحلوه
توسعت عيونها بصدمه موج: مائة الف وش!!انا من وين اجيبها تستهبل انت؟
سكر بوجهه بعد مانطق: ثلاث ايام
بكت ترفع نظرها لعدي: قلت لك والله يراقبني وش اسوي انا الحين
عدي: لا تخافين والله لامسكه هالاسبوع واتله لهنا مثل الكلب بس عطيني وقت اتبع خطواته لانه سابقنا بعشر خطوات واضح انك مو ضحيته الوحيده
وقف موج: الله يسعدك ماتقصر
لفت ظهرها تطلع من مكتبه تناظر كفها الي يرجف، ركبت من الاوبر الي توجه لبيتهم تحاسبه وتنزل، دخلت البيت تتقدم تقبل راس امها وتفصخ نقابها تناظر زوجة اخوها الي تقدمت: وين كنتي؟
عقدت حواجبها موج بانزعاج: ابرار شدخلك؟وين ماكنت بكيفي لا تحشرين خشمك بشي مايخصك
تكتفت ابرار بسخريه: طلعاتك هالايام كثرانه الله يعلم شعندك
تقدمت منها موج ترفع سبابتها بقهر: وش تقصدين؟ تغلطين على مين انتِ اخر مره اقولك احترمي نفسك
دخل انس على اصواتهم: عسى ماشر شفيك انتِ وياها؟
التفتت له موج بقهر: قول لزوجتك تحشم نفسها ما جابته امه الي يشكك بشرفي والله يا انس لانسى انها زوجتك واربيها اذا اهلوها ماربوها
رفع نظره انس لابرار بحده: انا كم مره قايل لك لا تدخلين فيها؟
ابرار: انا سالتها شفيها عصبت كذا!مايعصب الا الي وراه شي
تقدمت منها بجنون تصرخ: ابرار خلاص زودتيها
مسكت شعرها يتقدم انس لها يمسكها: موج وخري
بعدت تتجمع الدموع بمحاجرها بقهر من كلامها: الله لا يوفقك
مشت من عندهم تسمع انس يتهاوش معها ودخلت غرفتها تفصخ عبايتها وترميها بتعب انسدحت على سريرها تغطي وجهها بكفوفها وتبكي بسبب الهم الي على ظهرها