انا الفلك والناس حولي مدارات تشوف عز نفوسها من خلالي

part6

طلعت من غرفتها تتنهد بسبب عدم وجود امها الي قاعده بالغرفه ماكأن ضيوف جايين لهم،جهزت الدله تحطها بالصينيه مع التمر وحملتها تحطها بالصاله مع الضيافه بخرت البيت اخر مره ترتب شكلها وانطق الباب يفتحه يعقوب يستقبل صالح ومُطلق ودخلت النايّفه تستقبلها رغد سلمت عليها يتعرفون على بعض وفصخت عبائتها تجلس على الكنبه وقفت رغد تاخذ الدله وصبت تمد لها:سمي
ابتسمت النايّفه بهدوء:سم الله عدوش
صبت لنفسها تجلس ويكسرون الحواجز شوي شوي ويتكلمون،طلعت ريمان توقف النايّفه باحترام بتسلم عليها،صعقت من تجاوزتها تجلس على الكنبه وتحط رجل على رجل غمضت رغد تاخذ نفس من حركات امها وجلست النايّفه بصمت تناظرها
ناظرتها ريمان من فوق لتحت تتفحصها:وش تقربين لصالح؟
النايّفه:زوجة اخوه
رفعت حاجبها ريمان بتتكلم بس قاطعتها رغد توقف وتصب لها قهوه عشان تسكت وماتفشل النايّفه:سمي
اخذته ريمان ماترد عليها ورجعت تجلس رغد،قعدو يمسك الدله يعقوب بس وقف صالح ياخذها عنه:ارتاح ياعمي
ابتسم يعقوب له يجلس وصب لهم يجلس ويتكلمون
يعقوب:ليه جيت ياولدي للرياض؟
تنهد مُطلق:والله ياعم سالفه طويله
بدا يحكيهم بوصية سحاب وختم كلامه:والحين ببدا ادور على فُلك وائل وفاطمه ام النايّفه قلت بكلمك ياصالح واعطيك الاسماء وابحث عندك اسهل
يعقوب:الله يجمعهم يارب لا تشيل هم ببحث معكم وان شاءلله نعرف مكانهم الا وش قلت لي تشتغل
مُطلق:ممرض ونقلت الحين للرياض
يعقوب:الله يوفقك ياولدي
وقف صالح بعد مده:نستاذنك ياعم
وادعو بعض تطلع النايّفه بعد ماودعتها رغد ناظر صالح مُطلق:اليوم عندي استلام خذو راحتكم بطول
هز راسه مُطلق بدون رد يطلعون ودخل صالح غرفته يغير ملابسه ويطلع،فصخت عبايتها النايّفه تناظر مُطلق الي دخل بلعت ريقها تصد عنه مو قادره تتعود ابد انه الحين هو زوجها ماتتكلم معه وتكتفي بهز راسها اخذت بجامتها تدخل الحمام~يكرم القارئ~ اخذت دش لجسمها تلبس بجامتها ورفعت شعرها تربطه بإهمال،فتحت الباب تطلع وتنفست براحه من شافت الغرفه فارغه طفت الانوار تنسدح على السرير بعد ما قرت اذكارها

صحت من نومها تصرخ بفزع وخوف فزت عِقد الي نايمه جنبها:يمه اشبك
ناظرتها فُلك تمسح جبينها المتعرق بلعت ريقها تهز راسها بالنفي تطرد افكارها ناظرت عِقد الي ترجف بسبب فزتها وهزت راسها بالنفي بهدوء:ولا شي حلم
وقفت عِقد تلم شعرها:بروح اتوضى وحرجع اساعدك
دخلت الحمام~يكرم القارئ~تتوضى وطلعت تستغفر وتفرش السجاده لبست الجلال تكبر وتصلي تحت انظار فُلك الي ساهيه تسترجع الحلم،سلمت عِقد تفصخ جلالها ووقفت تتقدم لفُلك تساعدها توقف عشان تتوضى،سندتها تدخل الحمام وطلعت تستناها، ناظرت وجهها بالمرآة تتحسس خدوش وجهها غمضت تاخذ نفس وتوضت تستند على الجدار وتطلع مسكتها عِقد تتقدم بالكرسي وجلست تلبس جلالها وتصلي،طلعت عِقد بعد مالبست عبايتها وحطت طرحتها على شعرها بإهمال تنزل للمطبخ عشان تسوي فطور لهم،ناظرت ميسم بالمطبخ تتجاهلها وتقدمت تطلع بيض وتوست سوت بيض مقلي وشاي وحطتهم بالصحن ترجع للغرفه فصخت العبايه تحط الصحن قدام فُلك الي جالسه على سريرها ونطقت:سمي وكلي
تنهدت تسمي وتبدا تاكل معها بدون نفس