انا الفلك والناس حولي مدارات تشوف عز نفوسها من خلالي

part8

طلعت معه ينزلون لسيارته ركبت بجانبه بهدوء يحرك مُطلق للمدرسه الثانويه كونه نقل النايّفه لهنا عشان تكمل دراستها،ركن سيارته تفتح الباب وتنزل ودخلت تناظر كبرها وعدد الطالبات فيها فصخت عبايتها تعدل شعرها وجلست على احدى الكراسي تستكشف المدرسه بعيونها،حرك مُطلق بعد مادخلت يطلع جواله ويتصل على صالح:وش صار؟
صالح:والله ياخوك مالقينا بالسجلات وحده بهالاسم فُلك وائل آل بارق في تشابه بالاسماء بس فُلك يحيى ونفس العائله وفي اسماء ثانيه بس العائلات تختلف
سكت مُطلق لثواني:وش الحل؟كيف اعرف اذا هي او لا
صالح:انت متاكد انها بالرياض؟
هز راسه مدعي انه يشوفه:الله يرحمها سحاب كتبت بالوصيه وفاطمه امها بالدمام يمكن اروح للدمام اشوف وينها بس مبتلش وين احط النايّفه
صالح:خذها معك
مُطلق:ومدرستها؟ما ابيها تضيع وتتشتت افكر اخل هالشهور تمر على خير لين اجازه الترم واروح الدمام وهي معي
صالح:الي يريحك
سكر منه صالح يطلع لشقته بينما تحت عند رغد الي تناظر امها الي رافعه صوتها على والدها:والله ماتطلع يايعقوب لين تطلقني اليوم
اخذ نفس يعقوب:تعوذي من ابليس يامره
ريمان:اعوذ بالله منك ومن اشكالك انا قلت الي عندي وان ماطلقتني برضاك المحكمه موجوده
لف لرغد الي متكتفه تمنع دموعها تنزل ورفعت راسها للاعلى تداري غصتها وتنطق بجمود:طلقها
لفت ريمان لها بذهول تكمل رغد:خليها تعيش حياتها احنا مانعينها طلقها بس بقولك يوم تطلعين من هالباب انسي انه معك بنت اسمها رغد انسيها نهائياً
ناظرها يعقوب:رغد..
قاطعته رغد ترفع يدها:سوي الي تبيه هي يبه طلقها فكها مننا ومن شرنا
لف يعقوب يناظر ريمان الي هاديه وتنتظره وتنهد ينطق:انتِ طالق طالق طالق ياريمان الله يستر عليك
ابتسمت بانتصار تدخل غرفتهم واخذت شنطتها الي كانت مجهزتها تلبس عبايتها وطرحتها طلعت من الغرفه بعد مادقت على اخوها يجيها ناظرت رغد الي متكتفه تناظرها ويعقوب الي طلع من البيت ومرت من امامها بكل قسوه تعلن تخليها عن بنتها وفلذة كبدها فتحت الباب تطلع وتسكره وتعلن انهيار حصون رغد الي طاحت بالارض تبكي بحرقه شهقت وسط دموعها تمسك صدرها بحرقه:عمرها ما كانت ام ماتستاهل ابوي ماتستاهله
وقفت تدخل غرفتها فتحت الحمام~يكرم القارئ~ تدخله فصخت ملابسها توقف امام الدش وتغتسل بماء بارد مع برودة الجو،يختلط الماء البارد مع دموعها الحاره الي تحرق خدها تدرك ان امها تخلت عنها بكل سهوله وقسوه،استمرت تبكي بدون توقف تجهل القادم بسبب هذا الشي

دخل المستشفى يتصفح الملفات بيده الي تثبت ان صك الزواج مزيف والي سواه~رتيل عُمر~تقدم للاستقبال:غرفة نجم فواز؟
الموظفه:غرفة225
مشى يطق الباب وانفتح الباب تطلع فُلك رفع حواجبه من وجودها يدخل بعد ما طلعت وناظر نجم الي منسدح على السرير عاري الصدر والشاش ملفوف على بطنه تقدم يرمي الملف على الكومدينه:انت شمسوي بروحك وش هالحال رايح لندن ولا حرب انت؟
فتح عيونه نجم يمد يده للملف واخذه يفتحه ويقرا اسم رتيل:وينها الحين؟
جلس هاجس يمسح وجهه:اكلمك انا وش موصلك لهالحاله؟لتكون غيرة حبيبة القلب؟
ابتسم نجم يسكر الملف:فداها
رفع حاجبه هاجس يناظره وابتسم نجم يصد وهو يمسح وجهه:وش صار؟
هاجس:ابد نفس السيناريو حق كل يوم