انا الفلك والناس حولي مدارات تشوف عز نفوسها من خلالي

part53

أخذت عبايتها فُلك تلبسها وناظرت سديم تبتسم: كيف جدتي أخبارها
تنهدت تأخذ عبايتها: كويسه بس تعبت علينا من دخل يحيى السجن
تلاشت إبتسامتها تُنزل نظرها عنها تلبس نقابها وأخذت حقيبتها ترفع نظرها للورا التي تقدمت لهم: انتظروني نطلع مع بعض
عدلت طرحتها تمشي معهم للخارج ورفعت نظرها فُلك لعِز الذي ينتظر سديم أمام سيارته: عِز
لف لهم يناظرهم وناظر خلفهم من خرجت شموخ: سمي
ابتسمت فُلك تناظره: ناوي خطبه صدق انت؟
هز رأسه بالإيجاب يتعمد كلامه وهو يعرف أنها تسمعه: دام الي قلتي عنها موجوده ان شاء الله هالأسبوع أخطب
ناظرته سديم تبتسم: عِز بيخطب! ما أصدق مين خويتك ذي
فُلك: رغد الي تجي مع النايّفه
رفعت حواجبها بأعجاب: البنت حلوه ما شاء الله واحسهم مناسبين الله يكتب لهم الخير
تقدمت تركب بجانبه تحت نظر شموخ التي بلعت ريقها تمشي لسيارة السواق الذي حرك متجه لبيوت آل بارود ولفت لورا لفُلك: مع السلامه بمشي
حضنتها تبتسم: انتبهي لنفسك
ناظرتها تبتعد تمشي بإتجاه الأدهم وابتسمت بإتساع من شافته يُمسك كفها ويفتح بابها يخليها تركب ويرجع مكانه يحرك وهمست: الله يوفقهم
صحت من شرودها على نجم الذي أوقف سيارته أمامها وفتحت بابها تركب وتُلقي السلام وحرك مبتسم بإتساع ثغره تلتف له بعد ثواني: جعلها دايمه شفيك الإبتسامه شوي وتشق حلقك
أنزل كفه لكفها يخلخل أصابعه بأصابعها: اذكر وحده قالت لي بالعصر أنه موعدنا بعد العرس يعني يحق لي أروق صح ولا؟
صدّت عنه تضحك بخجل: نجم وش هالحركات!
ابتسم يعض شفته السفليه: أسالي نفسك آخخ متى نوصل البيت!
توسعت عيناها تلتف له تضرب كفه: نجم!
تعالت ضحكاته تصدّ عنه بخجل ومر الوقت عليها تفتح حزامها من ركن سيارته بمواقف البيت وفتح بابه ينزل وتنزل فُلك معه للداخل ترفع نظرها له بصدمه من حملها: نجم مو منجدك هنا! نزلني بيشوفونا
مشى يصعد الدرج يضحك: وان شافو حلالي يعني آخر همي أفكر فيهم
أنزلت رأسها بإحراج من نزلت جمعه واستغفرت بصوت عالي ترفع عكازها تضرب كتفه: البيت مليان ناس كبار وصغار ماتقدر تصبر انت
هز رأسه بالنفي ينطق: حلالي وشو له اخاف يعني
مشى من أمامها لغرفتهم يدخل ويُغلق الباب خلفه وأنزلها مبتسم يناظرها تعدل وقفتها: يلا جيبي أشوف الكشخه
آشارت بكفها لعيناه: غمض عيونك أول
أغمض عيناه تبتسم فُلك تفصخ عبايتها وتتقدم للتسريحه تضبط شعرها ترجع لأمامه: يلا افتح
فتح عيناه يُنزل نظره يتفحصها ويتأمل زينتها بفستان احمر عاري الأكتاف بقصة صدر يكشف عن ذراعيها ويصل لركبتها ينفتح بشكل أنيق إلى فخذها الأيسر ومدّ كفه يُمسك كفها يدورها حول نفسها: مو طبيعيه يافُلك مو طبيعيه
سحبها له ترفع نظرها لعيونه من ألصق صدره بصدرها ورفع كفه يُمسك وجهها يمسح على خدها: قتلتيني صدق هالمره انتِ وهالأحمر
ابتسمت له بخجل تصطدم بالتسريحه من مشى فيها لها وأغمضت عيناها من تقدم لثغرها يأخذه ويسلبه بقُبله طويله أنزل بها ذراعيه ليحاوط خصرها بتملك وتمشي كفوفه ترسم خرائطها على ساحة خصرها وفتحت عيناها تناظره بهدوء من أبتعد عن ثغرها يُنزل ذراعه لأفخاذها يحملها له وحاوطت عُنقه بكفينها ترمش عدة مرات من وصل لمسامعها صوت رنين هاتفها وهمست له: نجم جوالي
تجاهلها يمشي لسريرهم وأنزلها عليه برفق يبتعد يفتح ازارير ثوبه: مو وقته الحين خليه ينتظر.