انا الفلك والناس حولي مدارات تشوف عز نفوسها من خلالي

part 20

ابتسمت تكلم عِقد بهاتفها: خلاص يابنت الحين جايه اصبري
ضحكت من وصلها صوت عِقد الغاضب: عشر دقائق ان ماجيتي شوفي ايش حسوي فيك
سكرت منها تاخذ عبايتها ينرفع نظرها لنجم الي دخل الغرفه،ابتسمت تترك عبايتها تاخذ المبخره تتقدم منه: وين كنت تأخرت
وقفت امامه يحاوطها بشماغه يتبخرّون مع بعض: توهم راحو الشاليه وقلت احنا نمشي اخر شي
ابتسمت بضحكه: عِقد بتقتلني تأخرت عليها
ابعد شماغه يأخذ المبخرّه يحطها على الطاوله ويلف يمسك كفها يدورها حوّل نفسها بفستانها الاحمر: وش هالحلاوه؟
ابتسمت توّقف تناظره: حرّم النجم وش متوقع؟
حاوط خصرها يقبّل جبينها يحصنها: انتبهي لنفسك زين
قبّلت خده بخفه تبعد: يلا نمشي
هز راسه بالإيجاب تاخذ عبايتها ترتديها تحط عطرها بشنطتها وتنزل تتبعه،ركبت بجانبه يحرك نجم متوجه لشاليه الملكه،التفتت له تمد كفها لكفه تشبكهم ببعض يرادوها شعور غريب يضيق صدرها ويخنق انفاسها،تنهدت يلف بنظره لها يرجعه على الطريق: شفيك؟
هزت راسها بالنفي: ما ادري ماني مرتاحه
رفع كفها لمستوى ثغره يقبله: بسم الله عليك ان شاء الله خير
سكتت تناظر كفوفهم ينفصلون من وقف سيارته ينزلون،لوحت له بكفها تدخل شاليه الحريم تصفخ عبايتها تتقدم تسلم على دلال وبيادر،طلعت للغرفة الي فيها عِقد مع الميكب ارتست الي تضبطها تتقدم منها بذهول: عِقد!
رفعت نظرها عِقد لها تبتسم تتقدم فُلك تحتضنها تسمي عليها: تهبلين ياقلبي
ابتعدت تقبل خدها تتأمل شكلها بفستانها التوب بلون الموف يتزين بكريستالات على صدرها ويتوسع من تحت،إلى مكياجها المتقن يناسب لون بشرتها مع تسريحة شعرها،انطق الباب تدخل المصوره: بنبدا تصوير قبل مايجون المعازيم تفضلي معنا
وقفت تبتسم فُلك تمد لها مسكتها: متوتره؟
ضحكت  تاخذها منها: لا
طلعت من الغرفه تنزل للصاله التي بيتصورون فيها،
جلست على الكوشه التي تتزيه بالورد الابيض مثل باقي الصاله الواسعه تنتظر قدوم هاجس الي دخل ببشته الابيض وغترته تستقبله بيادر بالغطاريف تحتضنه،قبل جبينها يدخل للصاله لعِقد الجالسه بهدوء ماتشعر بأي توتر،تقدم منهم تنطق المصوره: اقعدو ربع ساعه ونرجع لكم نصور
طلعت تلتفت عِقد لهاجس: اسمع
لف بنظره لها تكمل: شوف حنا لازم ننسى الماضي وكل شي صار عشاننا حنبدي حياه جديده انا بصراحه ماوافقت الا عشان اعيش مع فُلك وانت ابي اعرف ليه خطبتني؟
ابتسم هاجس بعدم تصديق: شايفه الزواج لعبه؟ توافقين عشان تعيشين مع خويتك؟
هزت راسها بالإيجاب: واكثر ودحين قول وش سببك
هاجس: امي قالت اخطبك ووافقت مافي سبب
سكتت لثواني تهز راسها بالفهم: اوك شوف نفتح صفحه جديده ننسى كل المشاكل ونعيش اصحاب بدون مشاكل ووجع راس موافق؟
هز راسه بالإيجاب: تمام
سكتت لثواني ترجع تلف عليه بإبتسامه: التصوير ان شاء الله تقول لك المصوره احملني للسماء تسويها انتظر ملكتي من سنين بس عشان التصوير
رفع حواجبه يناظرها: فاضيه انتِ
صدت عنه تبتسم ينتظرون المصوره