انا الفلك والناس حولي مدارات تشوف عز نفوسها من خلالي

part40

نزلت من السياره بمساعدة شموخ تنزل عِقد تدخل لداخل البيت: هاجس
وقفت أحلام تقترب منها: وينها
صدّت عنها: بجهنم الحمراء ان شاء الله وين هاجس
رفعت نظرها له من نزل من الدرج تتقدم منه وتصعد معه للأعلى لغرفته تنطق من أغلق باب الغرفه: ايش  في بوش حيكلمني نجم
جلس على الكنبه يناظرها: خليه شوي وبينزل لتحت
سكت لثواني يناظرها: غطي شعرك زين وشوي وبننزل الحوش عشان بيكلمك
رفعت حاجبها تقترب تجلس امامه: ليش اغطي؟
مارد تُكمل بإبتسامه: تغار؟
شتّت نظره عنها: عليك سوالف ياعِقد
هزت رأسها بتأكيّيد: يعني حتقولي دحين انك ما تغار؟
هز رأسه بالإيجاب: اي، ما اغار
تعالت ضحكاتها الساخره منه توقف: زين ماني مغطيه توكل
وقف معها يسحب طرحتها يغطي شعرها بهدوء: كذا أزين
أبعدت كفوفه تمشي متوجهه للباب تنزل معه للأسفل تناظر رتيل المستنده على شموخ: اوه انتِ ما متي، صح نسيت انا خذتك حسافه كان أخذتك لأقرب بر انحرك ونفتك منك
رفعت شموخ نظرها بحده لها: عِقد امسكي لسانك لا أجي اقصه لا تدخلين
تقدمت تمشي بإستفزاز: ليه؟ ماقلت شي غلط حنرتاح منها ومن مشاكلها
اقتربت لرتيل تهمس أمام أذنها قبل ماتبتعد: عديمة الكرامه
ابتسمت ترفع ذراعها تُمسك كف شموخ الذي كان سيصفعها: لا تخربي علاقتي معك ياشموخ، مشاكلي معها مو معك يدك دي لو أندمت مره ثانيه حدخلها بحلقك
سحبت ذراعها من كفها تدفعها من صدرها: لا تدخلين ياعِقد ولا تخليني اطلع عن طوري وأندمك خليك على جنب مو ناقصني مشاكلك
رفعت رأسها لهاجس الذي وقف وراها: شموخ احترمي نفسك وقصري يدك
شدّت على كتف رتيل بقهر: مو ضروري تجي تذكر الواحد بغلطه حتى لو غلطانه ياعِقد تبقى اختي وانا بنصحها وأعدلها على طريقتي
ضحكت بصوت عالي ترفع كفها: دي تتعدل؟ ضحكتيني، الرجال متزوج وكان حيصير اب بعد وما فكته برضو تتلزق فيه
لفت لرتيل التي جامده ملامحها تُكمل بإبتسامه ماكره: نجم ماعمره رح يلتفت لك تدرين ليه؟ لأن فُلك ماليه عينه حتى بغيابها عنه، انتِ وهي مثل الفرق بين الثرى والثريا اتمنى تجمعين بقية كرامتك وتوقفين قرف
أنزلت كفها لكف هاجس تشبكه فيها: يالله حروح علميها بطريقتك ياشموخ  يالأخت الطيبه
مشت من أمامهم تُغادر مع هاجس وتُخرج من البيت تسمعه: وش تبين بالمشاكل
مالفت له تمشي معه بهدوء: بعض الناس ماتفهم الا بالإهانه ومنهم رتيل، أقول كدا عشان تتعدل وتفهم أنها ترخص نفسها على الفاضي
سكت يناظر نجم الذي يُدخن وينتظرهم: بدري كان نمت احسن
تقدم هاجس تتبعه عِقد: بلا هرج زايد، اهرج شتبي
تنهد ينفذ دخان سيقارته: فُلك
لف لهم يُكمل: بجده
جمدت ملامحها بذهول تنطق بعدم تصديق: بجده؟
هز رأسه بالإيجاب يُكمل كلامه: لا تستعجلين وتكلميها ولا تسوين شي انا خططت لكل شي، جاهزه تروحين جده؟
هزت رأسها بالإيجاب بدون تفكير: تم دحين؟
نجم: حفلة حسين الجسمي بعد يومين وحجزت أربع تذاكر لنا كلنا، بتروحين جده بكره الصباح برسل لهاجس موقع الفندق الي تجلس فيه، مارح تعرف أني اعرف او انا أرسلتك بتروحين انتِ وتقولين انك عرفتي مكانها وجيتي لها وبعد اليوم ذا بتقولين لها على الحفله وتقولي لها تروح معك تغيّرون جو، انا وهاجس بنتبعك بكره وبيوم الحفل جيبي اي عذر وقومي من جنبها وروحي لزوجك وخلي الباقي عليّ
سكتت ثواني تفكر بخطته: ليه كل دا التعقيد؟ روح انت وواجهها من البدايه
هز رأسه بالنفي: كذا انا فكرت بتسويها ولا؟
تنهدت تهز رأسها بالإيجاب: ححجز لي تذكره
وقف يهز رأسه: الله يقويكم، جهز نفسك انت بكره بنمشي
تركهم يدخل للداخل ينطق: طريق
دخل من سمع صوت عواطف يُلقي السلام ويمشي ليصعد لو لا صوت جمعه الذي اوقفه: نجم تعال
لف لها يتقدم: نعم
جمعه: تعتذر لرتيل تفهم؟
زفر بملل: ياشيخه؟
ناظرته بحده يُكمل: تعقبين انتِ وياها لو بعتذر، بعتذر عشاني قتلتها بيديني بس اما الحين تخسى وتعقب ونجوم السماء اقرب لها
مشى من أمامها ينطق من أعتلى صراخها: ابلعي صوتك تحتاجيه بعدين
دخل غرفته يفصخ ثوبه يرميه على الكنب ويتقدم لسريره يستلقي عليه يرفع كفه ليسار صدره يُغمض عيناه ويهمس: قرب لقائنا يامدارّي