​Accidental Mark {Myanmar Translation}

Chapter-73

For Unicode~

Weibo​ပေါ်က သတင်းထူး

ဖေး​ရှောက်ဇီမှာ​တော့ ချန်ရှရဲ့ပွင့်လင်းလှသည့်
ဝန်ခံစကားအားကြားလိုက်ရပြီးသကာလ
အပြင်ပန်းရှိ သူ့ရဲ့​အေးစက်မာ​​ကြောသည့်အခွံအား
ချန်ရှက ညင်ညင်သာသာ ဆွဲခွာသွား​လေသ​ယောင်
ခံစားလိုက်ရ၏။လူငယ်​လေးရဲ့ခပ်သွယ်သွယ်
လက်​ချောင်း​လေး​တွေက သူ့နှလုံးသားတစ်​နေရာအား
​ဂရုတစိုက်ထိ​တွေ့ကာ ဖွဖွ​လေး ကုတ်ခြစ်လာသည်။

သူ့နှလုံးသား​မှာထုံထိုင်းသွားရပြီး တစ်ကိုယ်လုံးကို
လျှပ်စီး​ကြောင်းတစ်​ခု ဖြတ်သန်းသွားသည့်အလား
သူ့​နောက်​ကျောရှိ ​ချွေး​ပေါက်​တွေ​ပင် ဖြည်းဖြည်းချင်း
ပွင့်လာခဲ့၏။ဒါက ကိုယ်သ​ဘောကျရတဲ့
တစ်စုံတစ်​ယောက်ဆီက​နေ ဖွင့်​ပြောခံရတဲ့
ခံစားချက်များလား?

'ကျွန်​တော့်နှလုံးသားထဲမှာ အမြဲတမ်း
ခင်ဗျားတစ်​ယောက်တည်းရှိတာ'ပါတဲ့-
ဒီစကား​လေးက ​ဖေး​ရှောက်ဇီ ကြားဖူးသမျှထဲ
အ​ကောင်းဆုံး​သောစကားပါပင်။

ဖေး​ရှောက်ဇီက လူငယ်လေးကို သူ့​ပေါင်​ပေါ်
ဆွဲတင်ကာ အသာ​လေးဖက်ထားလိုက်​လေသည်။
လက်တစ်ဖက်က ချန်ရှရဲ့ခါးထက်​နေရာယူလိုက်ပြီး
ကျန်တစ်ဖက်ဖြင့် လူငယ်​လေးရဲ့​မေး​​စေ့ကိုပင့်ကာ
ကြင်နာစွာ နမ်းရှိုက်လိုက်၏။ချန်ရှတစ်ကိုယ်လုံးက
မ,ချီခံလိုက်ရပြီး Alphaဖြစ်သူရဲ့သန်မာသည့်​
ပေါင်​ပေါ်မှာ ထိုင်မိလျက်သား။ဒီအ​နေအထားက
သူ့ကိုရင်ခုန်​လာစေပြီး ပါးပြင်နှစ်ဖက်မှသည်
နားရွက်​လေး​တွေအထိ အနီ​ရောင်ဖျော့​ဖျော့​လေး
ဖြတ်​ပြေးသွား​​ချေတော့သည်။

ချန်ရှက ပြန်နမ်းလိုက်ရင်း အရှိန်လွန်ပြီး သူ့ကိုယ်သူ
ပြုတ်မကျ​စေဖို့ရာ အလျင်အမြန် လက်ဆန့်ကာ
​ဖေး​ရှောက်ဇီရဲ့ပုခုံး​အား စိတ်လှုပ်ရှားစွာဖြင့်
ဖက်တွယ်ထားလိုက်သည်။​ဖေး​ရှောက်ဇီရဲ့အနမ်းက
အလွန်ညင်သာပြီး နူးညံ့ကာ ​နွေး​ထွေး၏။
သူ့နှလုံးသားအစွန်အဖျား​လေးကို နမ်း​နေသည့်အလား
ချန်ရှမှာ အရည်​ပျော်လုနီးနီးပင်။သူက ပင့်သက်ရှိုက်ရင်း
ရှက်ရှက်ဖြင့် တုံ့ပြန်လိုက်၏။"Mmh..​ဖေး..​ဖေး​ကော..
Um..."