ရင်ခွင်ဦး

extra part 2

"ဒီဟာ"
"ဟင်..ဒါလေးကပိုလှတာကို အသက်ရ"
"ဟင့်အင်း မရဘူး ' ကို ' ။ဒါပဲ ဝတ် "
"ဒါမဲ့ ကို က ဒါလေးကြိုက်တာကို.."
"ဒါဆိုလည်း ဘာလို့ကျမကို လာမေးနေသေးလဲ ဒေါ်သရဖီကိုရဲ့ ။ အစကတည်းက ရှင် ဝတ်ချင်တာ ဝတ်သွားပါလား "
"မဟုတ်ဘူးလေအသက်ရဲ့။ ဒီနေ့ပွဲက.."
"တော်ပြီ . ရှင် ကြိုက်တာဝတ် ။ဘာမှ  လာမမေးနဲ့တော့  "
ပြောပြီး အသက်ဟာ တစ်ဖက်အခန်းထဲသို့ဝင်သွား၏။ အသက် စိတ်ကောက်သွားပြီးထင်သည်။အပြေးကလေးလိုက်သွားသည့်အခါ တံခါးလော့က ချထားနှင့်ပြီ။
"အသက်....တံခါးဖွင့်ပါအုံးအသက်ကလေးရဲ့ "
"မဖွင့်ဘူး! "
"အာ ဖွင့်ပါ နော်။ အသက်ရွေးပေးတာဝတ်မယ်လေနော် ။ နော် အသက်။ အချစ်ရေ့ ။အသည်းနှလုံးလေးရေ "
"နားငြီးတယ် ။ အပိုတွေခေါ်မနေနဲ့ ။ဟိုဝတ်စုံကြိုက်တယ်မလား ။ဝတ်သွား အဲတာကို..။"
"မဟုတ်ပါဘူးကွာ..dinner ဆိုတော့ ဟိုတာကနည်းနည်း ရိုးနေမလားလို့ပါ "
"အင်းးးးလို့ ။ဝတ်သွားလို့...။ပြီးတော့ ဒီည အိမ်ပြန်မလာနဲ့ "
"ဟာ..အသက်ရယ် ။ကိုက အိမ်ပြန်မလာရင် ဘယ်သွားရမှာလဲ ။"
"ဘယ်သွားသွားပေါ့ "
" အာ ...။ကွာ ...ကို စောပွနျခဲ့မယျ  နော် ။ပြီးရင် ခါတိုင်းလိုပဲ  အသက်ကို ဖက်ပြီးအိပ်မယ်လေနော် ။ အခု တံခါးဖွင့်ပါအုံး အသက်ရဲ့။ စိတ်မကြည်နေတာလား ။  ဘာဖြစ်လို့လဲ ။ကို့ကိုပြောပြနော်  ။  စိတ်ကောက်ရင် လည်းကိုယ်ချော့ပါ့မယ် ။ဖွင့်ပါနော်  နော် "
အံမယ်..။ ကောက်နေပါတယ်ဆိုတာ သူ့ကို  ပြောပြရအုံးမတဲ့။ ဟွင်းး။ မပြောပါဘူးး။ ပေါင်ကွဲ ၊လည်ဟိုက် ၊ကျော ပေါ် နေတဲ့ဟာကို  သင်းကအတော်ဝတ်ချင်နေတာ ။ဝတ်ရဲရင် ဝတ်ကြည့်ပေါ့။ လုံးဝ  အ​ေလျှာ့ပေးမယ်မထင်နဲ့ ။ ဖြိုးသက်ထက်ဇော်အ ကြောင်း  သိသွားစေရမယ် ။ ဟွန့်....။ ကို မမြင်မှန်းသိပေနဲ့  လက်ထဲကအင်္ကျီကို လွှင့်ပစ်။ ထို့နောက် လက်နှစ်ဖက်ကိုပိုက်ကာ နှုတ်ခမ်းကို တစ်တောင်လောက် စူထော်ထားလိုက်၏။
အခန်းထဲ လုပ်စရာမရှိဘဲ ဝင်လာပြီးဟို အင်္ကျီ ကောက်ကိုင်လိုက် ။ဒီ အဝတ် ယူဖြန့်လိုက်နှင့်သက်သက် အာရုံလွှဲနေတာ။  အခုတော့ အာရုံက ထိုအရာများအပေါ်  မရှိတော့။ အလိုမကျမှုကြောင့်  ထိလုဆဲဆဲ မျက်ခုံးလှလှတွေဟာ သူနှင့် မလိုက်ဖက်ပါဘဲ တွန့်ချိုးမိနေပြီ။
"အသက် ။ဖွင့်နော် ။မဖွင့်ရင် ကို မေမေ့အိမ်ကို သွားအိပ်လိုက်မှာနော် "
"အိပ်ပေါ့။ ဘာလုပ်ရမှာလဲ "
"ဟာ အသက် ။ကိုယ်က အသက်ရဲ့တရားဝင် ဇနီးနော် ။ ဒါကို ကိုကအသက်အိမ်မှာ မအိပ်ဘဲ မေမေ့အိမ်သွားအိပ်ရင် ကိုကိုကြီးတို့ ဘယ်လိုမြင်မလဲ။ ပြီးတော့မိုးညိုတို့ကော ဘယ်လိုထင်ကြမလဲ"
" တော်ပြီ နားငြီးတယ်လို့!! ။ ကိုယ့်ဖာကိုယ် ဝတ်စရာရှိတာဝတ်ပြီး သွားတော့ပါလား။ ၇နာရီခှဲတော့မှာကို  ။တော်ကြာနေ  ရှင့် လရောင်ကြီးက တမျှော်မျှော်ဖြစ်နေပါအုံးမယ် ။"
ကို ပြုံးလိုက်မိ၏။အသက်က   လရောင်နဲ့ dinner တက်မှာမို့ သဝန်တိုပြီး ကောက်နေတာကိုးး။ ဟားးး။ အသက်ကတော့ကွာ..။
ကုမ္ပဏီ နှစ်ပတ်လည် မို့ အောင်ပွဲခံတဲ့အနေနဲ့   ပါတီ တစ်ခု လုပ်မယ်ဆိုလို့  နယ်ကနေ တကူးတက ရန်ကုန်လာခဲ့တာ။ အစကတော့ ခါတိုင်းလိုပဲ မေမေ့အိမ်မှာနေမလို့ပါပဲ။ အသက်က ဒီအိမ်လေးကိုလွမ်းလို့ နေရအောင်ဆို၍ ခါနေဖြစ်သွား၏။ သူနဲ့အသက် နှစ်ဖက်မိဘသဘောတူပေါင်းဖက်ပြီးသည့်အခါ မကေသီက ဒီတိုက်ကလေးကို ပြန်ပြီးအပ်၏။ အသက်အား ထုတ်ပေးခဲ့သော ငွေပမာဏကို သူပြန်ဆပ်ခဲ့သော်လည်း သူတို့အတွက် လက်ဖွဲ့ဟုဆိုကာ  ငြင်းပယ်ခဲ့ပါသည်။ တစ်ထပ်တိုက်ဆိုသည့်အတိုင်း အနည်းငယ်ကျဥ်းပေမဲ့  ဘုရားခန်း၊ဧည့်ခန်း နှင့် အိပ်ခန်းနှစ်ခန်းပါရှိသည်မို့ သူတို့နှစ်ဦးအတွက် လုံလုံလောက်လောက် ကျယ်ပါသည်။  မီးဖိုခန်းနှင့် ရေချိုးခန်း၊အိမ်သာကတော့ နောက်ဖေးတွင် သီးသန့်ပါရှိသေး၏။ အရင်ကတော့ အသက်တစ်ခန်း အန်တီနီတစ်ခန်းနေပုံပေါျသညျ။ ယခု အသက်အခန်းကိုသူမတို့နှစ်ဦးလုံးအတူတူသုံးတော့  ကျန်တစ်ခန်းက လစ်ဟာနေ၏။အသက်က အခန်းကျဥ်းသည်ဆိုကာ ထိုအထဲတွင် အဝတ်စားများသိမ်းဆည်းထားရှိ၏။ ကို့ကို စိတ်ကောက်တိုင်းထိုအခန်းထဲဝင်ဝင်သွားတတ်၏။ ကိုယ့်ကိုယ်ကို ပဲအပြစ်တင်ရတော့မည်။ လျှပ်တပြတ်ပြီးမို့ dress ကိုကြိုမပြင်ထားမိ။ ထို့ကြောင့် ဆိုင်ကို အဆင်ပြေလောက်မဲ့dress ကိုရွေးပို့ခိုင်းမိတာ။ ဒါကိုသူတို့ကလည်း နှစ်စုံထည့်ပေးလိုက်၏ ။အစကတည်းက တစ်စုံပဲ ရွေးပို့ဖို့ မပြောခဲ့မိသည််ကို နောင်တ ရချင်နေသည်။ ခုတော့ အသက် ဂျီကျတာ ခံနေရပြီ။
အသက်ရွေးပေးသောဝတ်စုံကိုလည်း ကို ကြိုက်ပါသည်။ ဒါပေမယ့်  ထိုဝတ်စုံက  ဒီပွဲအတွက် ရိုးရှင်းလွန်းနေသည်ထင်မိ၏။ပုံမှန်ဆို အနောက်တိုင်း ကုတ်နှင့် ဘောင်းဘီကိုဝတ်ဆင်တတ်သော်လည်း ယခုကဲ့သို့သောပွဲမျိုးတွင်တော့ သူမ ဟာ ခေတ်နှင့်လြောျညီ သော dress များကိုသာဝတ်ဆင်တတ်၏။ ဒါမှ သူမရဲ့အရှိန်အဝါကို  သိမှာလေ။
"ဟင်းး"
"ဒါဆို ကိုယ် အစမ်းဝတ် ကြည့်မယ်လေ ။ကိုယ်မှာဝတ်ထားတာကြည့်ပြီးမှ အသက် ဆုံးဖြတ်လေနော် ။ကြည့်ပေးမယ်မလား ဟင် အသက်။ "
"မကြည့်ပေးချင်ဘူး...။ရှင် မသွားမချင်း ကျမ ဒီအခန်းထဲက လုံးဝ မထွက်ဘူး ။"
"ဟာ အဲလိုတော့ မလုပ်နဲ့လေ အသက်ရဲ့ ။ကို ဝတ်ပြီနော် ။အသက်ရွေးပေးတာလေး ဝတ်တယ်နော် ။ဒီမှာလာကြည့်ပါအုံး အသက်ရဲ့ "
အသက်သဘောကျ ဝတ်စုံကို ဝတ်လိုက်သည်အခါ ထင်ထားတာထက် ပို၍ လှပပါသည်။ သူမ ယနေ့လိမ်းခြယ်ထားသော မိတ်ကပ်နဲ့ လိုက်ဖက်နေ၏။ အဟင်းး အသက်က ပိုသိနေသလားထင်ရ၏။