LOYAL HEARTS #3: WHILE ON THE OTHER SIDE

FOUR

"Ba't ang aga mong umuwi kahapon, Vin?" tanong ni Charliemagne.

Nakasandal ako sa pintuan ng boys' cr, pinapanood siyang nananalamin.

Bumukas ang isang cubicle at iniluwa si Angelov na sinusuklay ang buhok sa kanyang mga daliri. "Oo nga, milagro sa 'min iyon. 'Di ka tuloy nakasama sa 'min kina Nolan."

Silang dalawa na ang antok kong pinapanood na naghuhugas ng kamay sa sink sabay tingin sa salamin. Binabasa ang buhok upang panatilihin ang mga stilo nito.

Ganyan din kaya si Jaxon? We all have our first impressions at base sa physical na impression ko sa kanya, I don't think he's the type to obsess over his looks. Magaling lang talaga siyang magdala sa sarili niya.

Not even once during our encounter yesterday, hindi ko siya nakikitang may pakialam sa buhok niya o inaayos kung ano ang itsura ng kanyang shirt. But still, he maintained his neatness. Presentable pa rin siyang tignan.

"Oy, Davina!"

Nagising ako sa pag-wisik ni Angelov ng tubig sa mukha ko. He's smirking. Inis ko iyong pinunasan sa 'king kamay, maingat na hindi matanggal ang aking make-up.

"Ang lalim ng iniisip mo. Ano ba 'yan?" puna niya.

Umalis na ako sa pintuan nang humakbang na sila palabas. Nauna akong naglakad sa kanila. Last day na nang examination namin, at ganado akong sagutan ang test questions mamaya. Last day na,e.

"Dahil ba 'yan sa lalakeng nag-aya sa'yo ng lunch kahapon?" kiniliti ako ni Charlie." Yieeh...may love life na si Davina."

Sinapak ko siya sa braso saka paharap na sumandal sa ledge. Mula rito sa fourth floor ay kita ko ang mga dumadaang mga estudyante sa gitna ng basketball court. Naaamoy ko naman ang mabangong agahan mula sa canteen. Magtitiis na naman ako sa bubblegum nito.

"Gagawin niya lang iyong fling. Ano na naman ang susunod mong break-up line, Vin? Epic iyong huli, e," tawang-tawang sabi ni Angelov na agad sinabayan ni Charlie.

Natawa na rin ako nang maalala iyon. That was last week at ngayon nag-iisip ako sa kung ano ang sasabihin sa isang naghihintay lang na hiwalayan ko.

Ikinahiya ako ng isang iyon, ayaw ng holding hands. Tangina, siya pa mapili eh hindi naman kaguwapuhan. Takot yatang masabihan na may kasama siyang miyembro ng kulto dahil sa ayos ko.

But flings are just strangers to me. Marami tayong pwedeng magawa sa mundo at isa iyon sa naging trip ko. I know it's bad, I mean it's part of growing up being reckless. I need more experience as much as diversion dahil kung mananatali akong tahimik at nakakulong sa apat na sulok, sumisikip ang mga hindi imbitadong pag-iisip sa utak ko.

Strangers don't hurt, but once you let them in, mas lulubog ka lang sa dami ng problema mo. But they could also be my silver lining. They could be the light in my dark. At isang tao ang biglang nag-volunteer na pumasok sa isip ko.

Biglang tumunog ang aking tiyan. Kumapa ako ng bubblegum sa bulsa ko pero wrapper ang tanging nadukot ng aking kamay.

Lumingon ako sa classroom at nakitang wala pa si Tori. Late na naman ang babaeng 'yon. Si Nolan din wala, marahil hinihintay ang girlfriend sa baba.

"Sinong gustong manlibre sa inyo? Gutom na ako,eh," walang hiyang sabi ko. Pero sanay na rin naman sila.

Nagpakawala ng tawa si Angelov habang pinaglalaruan ng dila niya ang kanyang lip-piercing. "Hindi pa ba nagpapadala ang benefactor mo?"

Iling ang naging tugon ko. Kaka-check ko lang kanina at ganon pa rin ang laman. Next month pa yata iyon magpapadala dahil ang pinadala niya para ngayong buwan ay kinuha na nga ni mama. Ang five hundred naman ay gagamitin ko para sa project namin.