The Crime: Get Ready?

Chapter 21: Goodbyes

(Troy P.O.V.)

Umuwi kaming luhaan. Hindi ko maintindihan kung paano ba nagsimula ang ganitong sitwasyon. Hindi ko rin alam kung bakit kami nagdaranas ng ganito, kung bakit kami pa. Marami namang iba dyan pero bakit kami. Sinisisi ko na nga ang Diyos sa mga nangyayari sa amin ehh. Siguro nga ay kabayaran ang lahat ng ito sa mga nagawa naming kasalanan.

Ngayon nga ay naglalakad na kami pauwi. Halos tahimik kaming lahat at ni isa ay walang balak na magsalita. Sa expresyon ng mukha ng ilan ay parang nakamove on na sa mga nangyari kahit na, kanina lang yun. Ang ilan naman ay tumatangis pa rin ngayon at halata mo ang hindi nila pagtanggap sa mga nangyari na pamamaalam ng kaklase namin.

Ang mas lalong ikinababahala ko ay si George. Bakit kaya parang puntirya siya ng killer na yun. Nakakahapis lang dahil nakita mo ang pagkamatay ng tito mo. Nakita mo rin kung paano siya mahirapan, kung paano nagdanas ng sakit at hinagpis.

Pero ang pinakamasakit ay yung taong mahalaga sakin. Yung tao na nandyan para sayo. Yung tao na lagi kang tutulungan at yung tao na napamahal na sayo. Si Angel yun! Bakit pa kasi siya ang nawala. Pwede namang ako na lang.

Ang hirap talagang tanggapin na nawala na sa iyo ang taong mahalaga para sa buhay mo. Nung una, hindi talaga ako seryoso sa kaniya. Aaminin ko, naging kami but hindi  yun yung relasiyon na totally ay kayo. Sabihin na natin yung term na "ginamit"... Ginamit lang para may pagselosan. Ang sakit ba?

Nagpromise kami sa isa't-isa na kahit anong mangyari, walang mapo-fall samin. Pero ako yata ang nafall sa kaniya. Ang tindi kasi ng dating niya. At napakaganda pa ng ugali niya. Sabihin na nating nabighani ako sa ganda niya.

May times nga na sinasabi ko sa kaniya na maging official na kami pero siya ang may ayaw. Pero ako namang si tanga, pilit pa ring kinukulit si paasa.

May mga times na kinakain na ako ng selos. Hindi lang naman siya yung tipo ng babae na puro good sides, meron din pala siyang bad sides at yun nga ang pagkamakati. Nakita ko kasi siya na mayroong kasamang isang lalaki.

Nakaupo si Angel sa hita ng lalaki. Yung feeling na gusto mong sugurin, sapakin, murahin at bugbugin yung lalaki pero wala ka namang karapatan. Napakahirap palang maging tanga sa toroo lang! Ang sakit! Sobra!

Simula nung araw na yun... natuto akong gumamit ng drugs, natuto akong uminom, natuto akong bumarkada sa mga fraternities, natuto akong makipagbasagan ng bungo. Biruin nyo, sa isang babae lang nagkaganon ako?

Halos isang linggo rin akong di nakapasok nun. At marami akong natatanggap na mga texts and calls mula kay Angel. Hindi ko siya sinasagot sa calls pati na rin sa mga  texts. Naka 78 texts siya sakin at 56 calls naman.

Lumipas ang isang araw, hindi ko alam kung bakit ko napindot ang message niya, kaya napabasa na tuloy ako...

"Hon, may good news ako sayo?"

"Alam mo ba kung ano ang meron ngayon?"

"Hon??"

"Hon! Sumagot ka naman sa mga texts ko!"

"Hon, bakit nga pala hindi ka pumapasok?"

"Hon??"

"Hon, sagutin mo tawag ko huh?

"Hon? Ano ba ang nangyayari?"

"Troy!"

"Sagutin mo naman tawag ko, please!"

"May sasabihin ako sayo, kaya sagutin mo na!"

"Troy! Please naman!"