My Dreamgirl

Chapter 47 - Doubts

Authors Note:  Thank you for reading my stories... My Dreamgirl is a sequel to another story entitled My Soulmate (the story of Andrew and Gara) which is already completed. You might want to read that first while I am finishing this.  Again, thank's for your time and enjoy reading!

--------------------------

Naging masaya nga ang pagsasama ni RJ at Maine.  Dumaan ang isang taon.  Wala silang naging problema.  Pero hindi pa rin nabubuntis si Maine at nagsisimula na itong magalala.  Nalulungkot din siya dahil alam niyang gustong gusto ng magkaanak ni RJ.

Isang hapon na nandon sa kanila si Rickey, masayang nagkukwentuhan ang magama  habang nakikinig lang si Maine.

RJ:  Oh kamusta si Mama at Daddy Drew?

Rickey:  Sad po si Mama.

RJ:  Bakit nagaway ba sila ni Daddy Drew?

Rickey:  Hindi po.  may sakit po kasi si Lola Mommy Maggie. Kaya parang hindi po ata sila muna magpapakasal.  Nasad din nga po ako kasi ibig sabihin hindi pa rin po  ako magkakaron ng baby brother or baby sister. 

RJ:  Oo nga no, pero we have to be patient kasi si Mommy din naman pwedeng magkababy.

Rickey:  Oo nga po, sabi din ni Lolo Tatay. Matagal lang daw po si Mommy kasi hindi pa siya marunong parang kapag nagaaral magbike di ba Papa, matagal matuto.

Natawa si RJ.

RJ:  Oo nak, si Mama kasi mabilis lang natuto kaya naging baby ka agad.  Si Mommy Maine kasi nagwo-work pa so kulang yung time para magpractice at laging pagod kaya ganon.

Rickey:  Oo nga po, kasi Papa dapat si Mommy maraming pahinga.

Kahit alam ni Maine na nagbibiro si RJ at pilit lang ipinaiintindi sa anak kung bakit hindi pa sila nagkakababy.  Hindi maiwasan ni Maine na mainis dahil ikinukumpara siya ni RJ kay Gara. Bakit nga ba naman kasi hindi pa siya nabubuntis eh samantalang si Gara minsan lang may nangyari sa kanila ni RJ eh nabuntis ito agad.  Ang mga isipin na ganon ang bumabagabag kay Maine. Mga isiping nagdudulot ng maganda at hindi nakakabuti para sa isang tulad niyang may ROCD.  

Nang gabing yon, nakatulog na si Rickey.  Nasa kusina si Maine at naghuhugas ng pinggan.

RJ:  Bes, nakita mo ba yung white ko na long sleeves na may blue pin stripes?

Maine:  It's probably in the closet kung hindi mo sinuot last week, hanapin mo kasing maigi.

Inis na sagot ni Maine, napatingin si RJ.  Lumapit si RJ, niyakap ito mula sa likod.

RJ:  Bes, patulong maghanap hindi ko talaga makita eh.

Maine:  Ano ba?  Can't you see am doing something, damit mo na lang hindi mo pa mahanap magisa!  Ganyan ka ba kadependent kay Gara?

Napaatras si RJ, binitiwan ang asawa.

RJ:  Papanong napasok si Gara sa usapan, ano bang nangyayari sa yo?  Kung ayaw mo akong tulungang maghanap ok lang pero para isingit mo pa si Gara  saan naman nanggagaling yan ha?

Maine:  You tell me! Gara knows everything about you. Gara did everything as easy as 1, 2, 3 samantalang ako hirap na hirap gawin lahat pati na mabuntis.

RJ:  Maine, si Ricky yung kausap ko, anong gusto mong sabihin ko sa kanya?  Na kahit ako hindi ko alam kung bakit wala pa tayong baby?  I was just trying to make her understand, I am not comparing you  to Gara!  At alam mo how smart Rickey is hindi siya matatahimik unless I give him an answer na maiintindihan niya.

Maine:  Ewan ko sa yo!

RJ:  Ano ba talagang nangyayari sa yo?  Kailan pa naging issue kung ano ang mga alam ni Gara. She tells you everything na alam niya just to help you out kapag nafrufrustrate ka.  For the record her life was not as easy as 1, 2 ,3.  For one, she was young when she got pregnant and she faced it alone.