Stumble & Fall

Chapter 2

TWO:

Pagpasok palang namin ni Reid sa loob, agad na siyang sinalubong ni Vicky. Dahil ayoko naman magpaka-aso na bubuntot buntot kay Reid at sa girlfriend niya, ginala ko ang mata ko para hanapin si Meg o kahit sino pa sa barkada na malalapitan ko, para hindi naman ako parang tangang nakatayo lang.

Nang makita ko si Kurt, iniwan ko na agad si Reid na nakalimutang kasama ako.

"Kurt!" tawag ko.

"Sizz." Nakangiti ito ng makitang sumipot ako sa kabila ng pagtatanggi ko kanina lang. "Where's Meg?"

I checked my phone. "On the way na raw siya. Nandito na ba si Caleb?"

Ito ang pinakaayaw ko sa tuwing umaatend ng ganitong party, watak-watak ang barkada na mahirap mahanap. Kaya nga minsan lang kami pumunta ni Megan sa ganitong okasyon dahil nauuwi lang sa pagmumukmok naming dalawa habang nag-eenjoy ang guys na kasama ang babae nila.

"He's here. But I don't know where," naputol ang pagsasalita ni Kurt nang may isang babaeng lumapit dito. Sa isang iglap, naging invisible naman ako.

Ilang minuto ring wala akong ibang kausap dahil sa pagiging abala pa rin ni Kurt sa pakikipag-usap sa babae na hindi na siya nilubayan. May nagtangka rin namang kumausap sa'kin na estranghero, pero hindi ko pinansin. Number One rule: Don't talk to stranger.

Nang ilang minuto pa ang lumipas, hindi ko na nakayanan ang pagiging poste dahil wala pa si Megan na parang hindi na rin nakaalalang silipin ang napakaraming messages at calls ko sa kanya, naisipan kong lumabas muna. Pero bago pa man ako makalagpas sa pintuan, tinawag ako ni Reid na napansin din ang existence ko sa wakas.

"Saan ka pupunta Sizzy?"

Bago pa man ako makasagot na nababagot na ako, hinila na ako ni Reid, "Come with me."

Noong una, akala ko pupunta kami ni Reid sa isang tahimik na lugar para libangin ang pagkabagot ko, pero hindi dahil mukhang mas lalo pa akong mababagot nang dinala niya ako kung saan naroon ang girlfriend nitong si Vicky at ang close friends nito.

"Why don't you chitchat with them, habang wala pa si Megan." Nilapit pa ni Reid ang ulo sa'kin para bumulong. "They're nice. Gusto ko lang kilalanin mo rin sila. Di naman siguro malayong magkasundo kayo. Do it for me."

Alam ni Reid ang pagkaka-disgusto ko kay Vicky. Kaya hindi nakapagtatakang gumagawa ito ng paraan para mabago ang pakikitungo ko sa girlfriend niya. Habang hindi kasi okay sa'min ni Megan si Vicky o sino mang girlfriend ni Kurt at Caleb, hindi nila nagagawang isama sa kahit anong pagkikita o samahan ng barkada ang babae nila. Ganoon din ang sino mang magiging boyfriend namin sa kanila.

"Hi, Sizzy." Si Vicky na ang unang lumapit sa'kin nang tuluyan ng umalis si Reid.

"Hello." Ngumiti na rin ako. Pagbibigyan ko lang ngayon si Reid, pero hindi ko alam kung mangyayari nga ang gusto nito. Una, hindi ko gusto ang pananamit ni Vicky na napakaikling skirt at ganoon din ang top na halos lumuwa na ang dibdib. Pangalawa, I don't like her image. Kilala siya sa isa sa malalanding babae na palipat lipat ng lalake. Pangatlo, walang kahiya-hiya. Proud pa sa sarili. Pang-apat, nakaka-insecure na kagandahan.

Kumuha ng isa pang red caps mula sa di kalayuang table si Vicky. Alam kong balak niya akong alukin ng alak. Hindi ba siya sinabihan ni Reid na hindi ako umiinom?

"Here." Alok nito ng makalapit. "For you."

Ilang segundo na nakaabot sa'kin ang kamay ni Vicky na hindi ko pa rin kinukuha ang red cup. Una inisip kong tumanggi, pero napag-isip isip ko na walang masama kung kukunin ko pero hindi nangangahulugang iinumin ko. Para kay Reid.