Lucky Me (COMPLETED)

CHAPTER 5

CHAPTER 5

LUCKY'S POV

Sa Bahay.

"Kamusta ang first day mo sa Carlisle, anak?" bungad ni Nanay habang maingat na inilalagay ang pagkain sa mesa.

"Ayos naman 'nay, ayon nauna yung swimming lesson ko kesa sa ibang subject." malamyang sagot ko.

"Swimming, umayos ka Lucky diba volleyball ang PE mo?" nagtatakang tanong ni Nanay at kunot noong napalingon si Tita Jack sa side ko.

"Ano bang swimming ang pinagsa sasabi mong bata ka?" singit ng Tita Jack ko na mukang Tito. Butch si Tita Jack, bunsong kapatid siya ni Nanay. Siya ang nag alaga sa amin ni Kuya Jiggs mula pagkabata. Hindi mo aakalaing babae siya dahil mukha talaga siyang lalaki dahil nag ti-take siya ng Testosterone pills.

"Yun nga 'Nay, nag dive ako sa harap nilang lahat pagkatapos ng flag ceremony." malungkot na kwento ko.

"NAG D-DIVE!?!" nagtatakang tanong nila Nanay at Tita Jack.

'Paulit ulet naman ako.'

"Opo nag dive. Nagplakda nga ako sa harap ng mga students habang nasa glag ceremony sila. Lintek na semento yan!"

"Nasa harap tayo ng hapag kainan Lucky.." Paalala ni Nanay.

"Hahaha! E di sikat sikat kana ngayon bunso?!" natatawang sabat ni Tita Jack. Napairap lang ako ngunit trinaydor ako ng tawa. Hanggang ngayon di parin ako maka get over sa kamalasan ko.

"At di pa yun ang highlight Tita Jack, tinamaan pa ako ng bola ng soccer sa ulo habang naglalakad ako sa field." Salysay ko sa masaklap na unang araw ko sa academy.

"HAHAHAHAHAHAHA" Malakas ng tawa ni Tita Jack at napapangiti lang si Nanay.

'Yan ang pamilya ko, minalas kana tatawanan ka pa. Mabuhay ang mga Gonzaga!!'

"Bakit ngayon mo lang sinabi na may ganyang nangyare sayo sa campus?" seryosong tanong ni nanay.

"Nangyari na 'Nay eh may magagawa pa ba ako?" napayuko ako sa plato ko.

"Ikaw talagang bata ka puro ka kalokohan." Umiiling na komento ni Nanay.

"E 'di sinapak mo yung nakatama sayo?" pinipilit ni Tita Jack na huwag matawa ng makita ang reaksiyon ko. Kilala ni Tita Jack ang ugali ko.

"Jack, ano ka ba naman." Sita ni Nanay sa amin.

"Ate tinatanong ko lang parang hindi mo naman kilala ang ugali ni bunso." At sabay tawa ng malakas kaya hinampas siya ni Nanay sa braso ng mahawa ito sa tawa niya.

"Muntik na. Pasalamat siya tinatapos ko yung mga requirements ko kanina. Naku!!"

"Lucky, yung pinang usapan natin palagi mo iyong tatandaan anak." Paalala niya at parang ninanakaw ang boses ni Tita Jack dahil bigla itong naglaho.

"Opo, low profile, study hard and stay out trouble blah blah blah.." nauumay na bigkas ko ng bawat salita.

"Ipinapaalala ko lang sayo anak kung bakit ka nasa Carlisle Academy. Ayoko ng maulit ang nangyari sayo noon nagkakaintindihan ba tayo?" buntong hininga lang ang tanging naisagot ko.

"Oh siya kumaen na lang tayo baka saan pa umabot ang usapang yan ninyo." sabay upo ni Tita Jack sa gitna namen ni Nanay. Kapag ganun ang tono ng boses ni Nanay hindi na ako sumasagot. Wala na akong magawa kundi manahimik. Wala akong lakas ng loob na magkomento dahil ako ang mismo ang issue. Nakinig na lang ako sa usapan nila habang kumakaen at pagkatapos nagpaalam na akong umakyat sa kwarto.