Lucky Me (COMPLETED)

CHAPTER 40

CHAPTER 40 – BAGUIO DAY 1

LUCKY'S POV

Pagbaba ko ng bus sumalubong sa akin ang malamig na simoy ng hanging Baguio. Ang sarap sa lungs, ang gaan sa pakiramdam na makalanghap ng sariwang hangin. Ang weird lang na maamoy ang paligid malayo sa amoy ng polluted na usok sa siyudad at nakaka excite ang amoy ng mga sariwang bulaklak uat mga puno't halaman sa paligid.

Napangiti ako sa ganda ng The Manor at Camp John Hay. World Class ang angking ganda ng hotel na ito sa Baguio. Para akong nakatanaw sa isang napakaganda at napakalaking painting at hindi matanggal ang mata ko sa ganda ng tanawin sa paligid nito. Napapalibutan din ng nagtataasang puno ng pine trees at makukulay na halaman at iba't ibang klaseng mga bulaklak ang hotel.

'Lord nasa langit na ba ako?'

"Hoy! Anong ngini-ngitingiti mo diyan para kang baliw, perstaym sa Baguio teh?" siniko ako ni Ytchee paglapit at kagaya ko namangha din siya sa habang nakatingin din sa kabuuan ng The Manor.

"Oo, first time ko rito. Parang ayoko tuloy ng bumalik sa Maynila." Natatawang sagot ko.

"Alam mo ba ang The Manor at Camp John Hay---" bigla kong tinakpan ang bibig niya para pigilan ang kung ano mang trivia o impormasyong tatagas sa bibig niya.

"Huwag ngayon sisirain mo yung pagmo-moment ko. Nasaan na si Ungas pasok na tayo ang lamig na dito sa labas eh." Lalo ata akong gininaw sa sinabi ko. GRRRRRR!

"Na miss mo agad? Aaway awayin tapos ngayon hahanap hanapin mo." pinandilatan ko siya at mahinang hinampas sa braso.

"Hinanap lang namiss na? Isa ka pa 'e pagbubuhulin ko kayo ng payatot na yun. Malapit na kayo buminggo sa akin Ytchee!" banta ko at sabay kaming napalingon dahil papalapit na si Kenneth. "Yung bibig mo!" paimpit na banta ko.

"Let's go? Nasa loob na ata silang lahat." At nagpalitan ang tingin niya sa amin ni Ytchee.

"Namiss ka agad nito ang tagal tagal mo! Naninigas na nipples ko sa lamig ang bagal bagal mo kalalaki mong tao!" Singhal ni Ytchee kay Kenneth bago kami nilayasan.

"Anong problema nun?" kunot noong tanong ni Kenneth pag alis ni Ytchee.

"Huwag mong pansinin masiyadong naalog utak nun ng maaksidente. Tara na sa loob giniginaw na ako eh." At sabay kaming naglakad papasok ng lobby.

Batch by batch ang pagpasok namin sa loob ng hotel according sa bus number o grupo na magkakasama para hindi kami mapuno sa lobby. At dahil kami ang huling bus kami rin ang huling pumasok sa hotel. Naunang lumapit si Kenneth at Ytchee sa mga kasama namin sa front desk. Naiwan ako sa gitna ng lobby at binubusog ko muna ang mga mata ko sa magagandang bagay na nakikita ko sa loob ng hotel.

Kung napa wow ako sa breath taking scenery sa labas ng hotel napanganga parin ako sa pagpasok namin sa loob. Wow! Para akong nasa loob ng isang palasyo, ilang ulet akong napalunok sa paghanga ako sa ganda at laki ng chandelier para akong batang aliw na aliw sa paligid ko. Pakiramdam ko nasa ibang bansa ako ngayon dahil lahat ng nakikita ko ay bago at maganda sa paningin ko.

Bumagay ang kulay brown na wall at floor ng hotel sa kulay berdeng view sa labas. Maraming fresh flowers ang naka display sa bawat sulok ng hotel. Napaka warmth ng mga ngiting sumalubong sa amin galing sa mga employee sa lobby.

Maharlika ang lugar na ito, hindi puchu-puchu ika nga ng mga bakla.

Yung ibang school mates namin walang humpay ang selfie at grufie sa loob at labas ng hotel. Kanya kanyang bitbit ng mono pod at maya't maya ang flash ng camera phones nila. May ilang students na nang abala pa ng employee na nagkalat sa lobby para magpa picture.