Lucky Me (COMPLETED)

CHAPTER 21

CHAPTER 21

JASPER'S POV

"Pinaka masakit yun sa lahat Jasper. Pinaka masakit yung ipamukha mo sa akin yung isang bagay na hindi ko kayang ibigay sayo.."

"Tama nga sila, minsan talaga dumarating sa puntong kapag nagmamahal tayo kadalasan nagbubulag tayo ng hindi natin namamalayan.. At yung taong pinag uukulan mo ng buong oras mo.. Yung taong pinupuno mo ng buong pagmamahal mo.. Tumatapon lang pala sa iba."

"Ngayon sabihin mo sa akin kung may kapatawaran pa ba ang mga ginawa mo?"

Tumatak lahat sa isip ko ang mga sinabi ni Lucky. Tumagos yun sa puso ko at nanuot sa mga ugat ko. Paulit ulit yung nag e-echo sa utak ko habang unti unting dinudurog ang puso ko. Naiintindihan ko naman naging napaka mahirap ang pinag daanan niya dahil ganun din naman ako nitong huli. Sa dami ng problemang binigay ko sa kanya ito talaga ang pinaka mabigat sa lahat at pinag sisisihan ko yun hanggang sa ngayon.

Alam kong nainsulto ko ang buong pagkatao niya at alam kong mahihirapan din akong maibalik pa ang tiwala niya. Kaya ako nandito para magmakaawa para sa isa pang chance na muling mahalin niya. Pero may mali eh. Aminado akong nagkasala ako sa kanya at pinagsisisihan ko lahat ng yun hanggang sa ngayon. Pero nalinis ko na ang problemang yun.

'Kaya ako nandito para linawin ang lahat sayo.'

At napatingin ako ng derecho sa mga mata niya.

"L-LUCKY, HINDI AKO ANG NAKABUNTIS KAY ANDREA.."

Nagsalpukan ang kilay niya at bahagyang tumabingi ang ulo. Sinasabi ko na nga ba..

**F L A S H B A C K**

"Kuya Jiggs pwede ba kitang makausap?" Kahit nanginginig ang tuhod ko lakas loob parin akong lumapit sa kanya ng makita ko siyang lumabas ng computer shop nila.

Tinitigan lang niya ako ng masama saka ito nagbuntong hininga. Ang totoo kinabahan ako akala ko sisikmuraan niya ako. Sinundan ko siya hanggang sa Hugot Cafe. Habang papalapit narinig kong tinawag niya yung crew at nag order ng dalawang coffee.

"What do you want Jasper?" walang emosiyong bungad niya pag upo ko.

"Kuya Jiggs, i know i've been an asshole to Lucky.." Natigilan lang ako ng lumapit ang crew at inilapag ang dalawang tasa ng kape saka muling umalis." Pero totoo ang nararamdaman ko para sa kapatid mo kuya."

"Get to the point Jasper wala akong panahong makipag lokohan sayo." iritabling sagot niya habang umiinun ng coffee. Grabe pinagpapawisan ako. Magkapatid talaga sila parehong nakakatakot kapag nagseseryoso.

"T-This is about Andrea." nahihiyang simula ko.

"Yeah, yung ex girlfriend/childhood friend na nabuntis mo?" napalunok ako sa kaprangkahan niya habang sumisimsim ng kape.

"Yes, buntis siya Kuya Jiggs pero hindi ako ang ama.." parang nabunutan ako ng tinik sa lalamunan ng nasabi ko yun ng dere-derecho sa harap niya.

Muntik na niyang maibuga ang kape sa mukha ko. "A-Anong ibig mong sabihing hindi ikaw ang ama?" Gulat na tanong niya. That's a good start atleast i got his attention. Whew!

"It all happened one time na lasing na lasing ako after ng gig namin sa isang bar."napakamot ako sa ulo sa hiya. "Sumama sa grupo namin si Andrea that night. Sa sobrang kalasingan ko nag volunteer siya sa mga bandmates ko na siya na ang maghahatid sa akin sa bahay at wala silang nagawa dahil tiwala naman sila dahil alam nilang may past kami.."