Lucky Me (COMPLETED)

CHAPTER 32

CHAPTER 32

LUCKY'S POV

Kinabukasan pagpasok ko ng school nagsuot ako ng headset habang naglalakad ng mabagal sa campus. Kapansin pansin na halos lahat ng madaanan kong students ay nagbubulungan at tinititigan ako ng masama. Sinalubong na ako ng mapang husgang tingin ng mga students sa campus. May mangilan ngilang students na naglalakas loob at na nanadiyang banggain ako sa balikat o pinapatid ako kapag nasasalubong ko sila.

Masakit pero kailangan kong magtiis. Wala akong magawa kundi magtuloy tuloy lang sa paglalakad. Wala silang alam sa tunay na nangyare kaya walang saysay kahit na baliin ko pa pa isa isa ang mga braso o binti nila. Wala akong paki sa nararamdaman nila. Hindi sila ang dahilan kung bakit ako pumasok ng maaga. May usapan kami nila Andi at Marlon na magkikita sa tambayan ngayon bago pumasok dahil may 40 minutes pa kami bago mag start ang unang klase.

Papalapit pa lang ako ay sinalubong na ako ng dalawang bakla at pinag gitnaan ako. Hinawakan ako sa magkabilang braso, inalalayan papunta sa bench. Kinapkapan ako na parang may nagpasok ako ng weapon of destruction sa campus.

'Hala anong nangyayari sa kanila?'

"Anong meron sa inyong dalawa para kayong mga timang?" Nagtatakang tanong ko sa kanila.

"Tumingala ka." Utos ni Andi at sumunod ako.

"Taas ang dalawang braso." Si Marlon habang kinakapa ang dalawang braso, kili kili at kamay ko.

Hinawakan nila ang mukha ko at tinitigan akong mabuti.

"ANO BA? PARA KAYONG TANGA! DINAIG NIYO PA YUNG EMENGARD SA GATE AH!" Sigaw ko sa kanila dahilan para matawa sila.

"Tsinek lang namin kung kumpleto pa yung katawang lupa mo." Pabulong na sagot ni Andi.

"Bakit de roskas ba ang braso at ulo ko? Kung maka check kayo parang may tinatago akong droga." Inirapan ko sila ng malala bago ako maupo.

"Ses, nag aalala lang kami sayo. Iniisip namin baka banatan ka bigla ng mga Pink Rangers pagpasok mo." Si Marlon na parang praning habang palinga linga pa sa paligid namin.

'Hindi lang mga Pink Rangers pati ata mga fans ni RED ONE, GREEN TWO, BLUE THREE AT YELLOW FOUR galit na galit sa akin kanina.'

Pero hindi ko na binanggit dahil ayokong mag alala sila kagaya ngayon.

"Bakit nila ako babanatan ano na naman ba ang bagong ibibintang nila ngayon? Na ako bumaril kay Ninoy Aquino sa Airport? O ako ang nagtangka sa buhay ng Santo Papa?" nai-imbyernang sagot ko na ikinatawa nila.

"Ses, kumalat na ang balita tungkol sa nangyari kay Amber kagabe. Naka post na sa iba't ibang Blog sa Carlisle ang aksidente." Mahinang bulong ni Marlon.

"Oh, hindi naman ako ang may kasalanan diba?"

"Oo pero maraming kumakalat na ikaw ang may pakana dahil maraming naka kitang students ng dinala natin si Amber sa Clinic kahapon at kasama tayo." Kabadong sabat ni Andi. Infairness kapag ganyang kinakabahan siya namumutla siya. Sabi ko na 'e Perla white lang talaga ang katapat niya.

"Hayaan muna sila basta malinis ang konsensiya ko at alam niyo yan at ng baliw na si MJ." Kalmadong sagot ko.

"Yun nga ang problema natin 'e. Si MJ ngayon ang nagkakalat na ikaw ang gumawa nun kay Amber." Napayukong sagot ni Marlon.

"Yan ang tunay na problema!" Sagot ko at sabay silang napatingin sa direksiyon ko.

"Yun na yun? Yan lang ang reaction mo? E halos mabaliw na kami sa pag aalala sayo baka may bangas ka o masampal ka na naman ng kung sino pag pasok mo?" Sigaw ni Andi.