Lucky Me (COMPLETED)

CHAPTER 25

CHAPTER 25

LUCKY'S POV

Natapos ang lahat ng subject namin ngayon araw pero ang litong nararamdaman ko hindi parin matapos tapos. Lumilipad ang isip ko kung saan saan. Pilit ko kasing inuunawa ang huling sinabi ng taratitat na MJ na yun na ako o kami ni Andi ang dahilan ng away nilang yun.Hindi ko kasi makita sa kahit anong anggulo kung bakit kami ang sinisisi ni Amber sa nangyaring iskandalo nila ni Kenneth.

Paulit ulit tumatakbo sa isip ko yung napanuod kong video. Ano na naman kaya ang ugat awayan nila? Bakit naman kami nadamay 'e hindi na naman namin siya nakakasama? Ako ba ang nanampal o nambuhos ng tubig sa payatot na yun para sa amin nila isisi ang video?

Nagalit lang naman siya nung malaman niyang magkakasama kami kumaen sa canteen. Pangalawa na yung lumabas na picture namin sa Hugot Cafe at sampalan sa campus. Ang sabi ni Wesley naayos na ni Kenneth ang problemang yun kaya hindi na nila gagambalain. Yun ang paulit ulet na gumugulo sa utak ko. Akala ko ba okay na tapos ngayon may ganito na namang eksena. Ilang beses na ba kaming hinarang ng mga bataan niya?

"Hoy, ses mukang ang lalim naman ata ng iniisip mo?" nahimasmasan ako ng itulak ni Marlon ang balikat ko. Napangiti lang ako sa kanila ni Andi at nagpataasan sila ng pagtikwas ng kilay. "Wala iniisip ko lang ang magiging strategy naten bukas sa laro." Palusot ko kay Marlon pero alam kong hindi ako makakalusot yung alibi kay Andi. Inilabas ko ang jumbo hotdog sa plastic.

"Oo ses bukas kailangan ipaghiganti naten si Papa Kenneth sa bruhang yun." Halos umabot ang nguso ni Marlon sa noo. Kahit kailan may dalang malas ang pangalan ng taong yun. Sinubo ko ng buo ang hotdog dalang inis.

"E ano na naman yung eksena niyo nila MJ kaninang umaga?" bigla akong nabilaukan sa tanong ni Andi.

"Dahan dahan sa pagsubo sa jumbo hotdog Lucky hindi mo kayang i-deep throat yan!" pang ookray ni Marlon habang hawak ko yung kalahati ng hotdog. Alam ko kahit 'di ko sabihin kay Andi sa laki ng bibig nitong si Marlon kahit di niya ibuka yung bibig niya ay kaya niyang ikwento yun kay Andi ang nangyari na walang kahirap hirap.

"As usual, routine nilang magka-kaibigan na mam-bengga ng mga bakla sa umaga." Walang kagana ganang sagot ko kay Andi habang ngumunguya. Nakakawala silang gana kumaen.

"Taray nga nitong si Lucky ses, walang takot sa mga Amasonang yun kung sagot sagutin parang Grade Two lang ang mga kausap. HA HA HA!" biglang tawa ni Marlon. Kanina pa talaga siya aliw na aliw sa bagay na yun dahil ako palang daw ang kauna unahang student sa Carlisle na sumagot sagot sa mga yun.

"Panay kuda lang naman mga yun. Kaya labanan din ng kuda na mas malala." Nakangiting sagot ko kay Marlon at nag high five kaming dalawa.

"Laughtrip nga mga sagot mo kanina dun pikang pika ang mga Amasona." Tuwang tuwang kwento niya.

"Ewan ko ba sa mga yun at pati sila nakikisali hindi naman sila kasama sa eksena namin kay Amber." Inis na sagot ni Andi habang umiinum ng softdrink.

"Ano favah, 'e closer you and i ang peg ng mga yan kay Amber. Palapad ng mga papel sa Carlisle." Parang ako yung nahilo sa ginawang pag irap ni Andi.