Lucky Me (COMPLETED)

CHAPTER 12

CHAPTER 12

LUCKY'S POV

Sa kalagitnaan ng habulan at panghahampas ko nagulat ako ng bigla niya akong yakapin ng mahigpit..

**FREEZE**

Natulala ako at para akong tuod sa higpit ng pagkakayakap niya. Isa isang tumigil sa pag galaw ang lahat ng bagay sa paligid namin. Ang salitang sunod sunod na paghinga lang namin ang tanging tunog ang naririnig ko. Nababaliw na ako!

Hindi ko alam kung paano ako magre-react sa sitwasiyon. Kung papalag ako ayokong isipin niyang nag iinarte ako. Kung hahayaan ko naman siya ayokong isipin niyang gustong gusto ko. Gusto ko nga ba? Hindi naman sa ayaw ko, hindi lang siguro ako kumportable. Ilang na ilang at labo labo na ang pakiramdam ko.

Si Wesley Ongpauco yan teh, makikipag patayan ang mga mahaharot na babae sa campus mapunta lang sila sa posisyon mo.

Iba't ibang scenario na tumatakbo sa utak ko at nahihirapan akong i-filter sila isa isa. Siguradong pinagtatawanan na ako ni Andres o kung sinong nasa palagid namin. Kung may makakakita sa amin ngayon kakalat ang balita at kamumuhian ako ng mga fans ng damuhong 'to. Iisipin nilang sinasamantala ko ang tagas ng utak ng iniidolo nila.

Ganda ka teh? Bulong ng utak ko. Para ka namang babae kung makaarte. Susuhan at balakangin ka Lucky? Walang mawawala sayo sa isang yakap. May nabalitaan ka na bang nabuntis ng dahil sa yakap? Malay mo naman walang malisya sa kanya ang pagyakap niya sayo dahil pareho naman kayong lalake.

TSEH!

Napasandal ako sa dibdib ni Wesley at amoy na amoy ko ang panlalakeng cologne nito na may halong pawis. Hindi siya amoy araw at wala kahit yung amoy maasim na pawis. Kung pagmamasdan mo kasi ang kabuuan niya siya mukha lang siyang bagong paligo at sa angking gandang lalake nito alam mong palagi siyang mabango. Unfair!

Dinig na dinig ko yung mabilis at abnormal na tibok ng puso niya sa pag kakasandal ko.

'Kabahan ka talagang kumag ka dahil kapag ako nakawala yang puso mo ang gagawin kong bola ng soccer!'

Napansin kong mahigpit parin ang pagkakayakap niya habang nakapatong ang baba sa ulo ko. Mukhang wala na siyang planong bitawan ako.

"I miss you Lucky." natatawang bulong niya sa ibabaw ng ulo ko at saka lang ako nagkaroon ng lakas ng loob na tingalain siya at dun lang muling nanumbalik sa normal ang lahat.

'ANO TO PELIKULA?'

'HABOL-HABULAN!'

"HAMPAS HAMPASAN!'

'YAKAP YAKAPAN!'

'KINANGENANGYAN!

"Miss na miss ka na rin ng kamao ko Ongpauco!" kinurot ko siya tiyan at bumulalas ito ng malakas na tawa habang nakaakap. Kinangenang 'to nakuha pang man trip. May pa i miss you, i miss you pa siyang nalalaman!

"WHEETT WHHEEEEWWWW!"

"ANG SWEEET NAMAN!"

"PAYAKAP DIN BRO ISA LANG"

"YUN OH, KISS SABAY HUG!"

"WES, PARA-PARAAN KA RIN EH!"

Malakas na sigawan ng mga soccer players sa amin ni Wesley. At paglingon ko...

'Putek nasa gitna na pala kami ng soccer field!'

'WAAAAAAAHHHHHHHH!'

Para kaming nadampian ng bulta-boltaheng kuryente at sabay pa kaming napaatras papalayo sa isa't isa. Napakamot siya ulo at nakitawa sa mga kasama at napako naman ang mata ko sa damuhan sa sobrang hiya.