Lucky Me (COMPLETED)

CHAPTER 37

CHAPTER 37

ANDI'S POV

3:30AM ng dumating ako ng Carlisle. 4:00AM pa ang usapan namin na mag aantayan sa main gate para sabay sabay na kaming pumasok. Inagahan ko talaga magpahatid sa sobrang excitement. Ilang minuto lang ang pagitan namin ni Marlon at ang aga aga nagmamaganda na ang seshie kong bukas ang pores.

"Kaloka ses, hindi ko masiyadong na achieve yung beauty rest ko." Bungad niya sa akin pagkababa ng kotseng naghatid sa kanya.

"Ayos lang wala ka din namang beauty na ire-rest eh. Char!" Nagpalingon lingon ako sa paligid. Himala na huli sa usapan si Lucky Shane Torres Gonzaga.

"Nagsalita ang black beauty from Samar Leyte!" mapanglait na sagot niya.

"Tseh!" singhal ko. "Si Lucky ba seshie nagtext sayo?"

"Hindi ses, naku anong kayang ganap nun. Sana pinayagan siya." Nag aalalang tugon niya.

"Sinubukan mo bang tawagan?" naiinip na sagot ko. Maygad, anong petsa na!

"Alin yung sirang phone niya? Sige push mo yan para sa ikauunlad ng ekonomiya!" Nakangiwing sagot niya.

"Mauudlot pa ata ang excitement ko." Nalungkot tuloy ako ang aga aga.

"Si Ytchee on the way na daw. Katext ko siya kanina." ani Marlon habang inaayos ang mga dala dala.

"Oo nagtext din siya sa akin habang nasa biyahe ako kanina." malamyang sagot ko. Akala ko pa naman makukumpleto kami ngayon.

"Paano kong hindi sumama si Lucky ses? Hindi ka ba talaga sasama?" pang uusisa niya habang tulala ako sa kalsada at nagbabaka sakaling makikita kahit ang anino ni Lucky.

"Oo sesshie, baka hindi na nga kailangan kong damayan si Lucky nangako ako sa kanya kahapon diba?" hindi ako nanghihinayang sa perang binayad ko. Nanghihinayang ako sa magiging memories ng fieldtrip na 'to kasi last ko na ito as senior student sa Carlisle.

"Ako din ses, tapos tambay nalang tayo sa kanila para makita natin si Kuya Jiggs." Malanding sagot niya. Isa pa 'to imbes malungkot nagsaya pa. Imbyerna!

"Ay bet ko yan, mag foodtrip nalang tayo at mag movie marathon sa kanila exciting yun!"

"Eh paano si Ytchee? Mamaya daragin tayo ng tomboy!" At bigla siyang natawa.

'Oo nga pala kasama na pala namin si Ytchee.'

Panay ang linga namin ni Marlon sa kalsada at nanlaki ang mata ko ng biglang nag park sa harap namin ang itim na kotse ni Kenneth. Maygad! nanditro na ang breakfast ko. Mabilis na bumaba si Wesley at lumapit sa amin sa shed.

"Good Morning guys!" masiglang bungad sa amin ni Wesley ngunit agad nangunot ang makinis nitng noo. "Nasaan na si Lucky?" Nagtatakang tanong niya. Umikot naman ang mata ni Kenneth sa kawalan. Mukhang kamias ata ang inalmusal ng lolo mo.

'Ano na naman ang eksena ng magpinsan na to?'

"Wala pa siya. Ang kinakatakot namin baka hindi yun payagang sumama. Hindi pa kasi alam sa kanila yung nangyari nung isang araw at dun sa nasirang phone niya." Maiksing kwento ko. Napakamot naman si Kenneth sa batok sa narinig.

"H-Hindi niya kayo tinext simula kagabi?" galit na tanong niya kay Marlon kaya ang bakla nanlaki ang mata sa takot.

"H-Hindi, wala naman siyang cellphone pang text eh." Inosenteng sagot ni Marlon sa katabi ko at hinawakan ako sa braso.