Lucky Me (COMPLETED)

CHAPTER 27

CHAPTER 27

LUCKY'S POV

Si Marlon ang sumunod na nag serve ng bola. Pagpito ng referee malakas na service spike ang binitawan ni bakla. Nasalo agad ni Karen (isa sa Gasul Girls) ang bola at mabilis itong naipasa kay Vhong na setter nila at nai- toss ang bola papunta sa direksiyon ni Amber.

Mabilis na tumalon si Amber para i-spike ang bola at magkasabay kaming tumalon ni Andi paharap kay Amber para i-block ang tira niya.

Malakas ang binitawang spike ni Amber pero mas malakas angpinagsamang pwersa ng braso at kamay namin ni Andi kaya itinulak namin ang bola pabalik sa court nila ngunit mabilis naman nasalo ni Jhorica (isa pang Gasul Girls) ang bola sa ilalim ni Amber at naipasa patalikod ang bola, nasalo agad ni Karen at naitira papunta sa court namin.

Mabilis na nasalag ni Olive ang bola, ipinasa kay Andi at patalong itinoss ni Andi ang bola sa gilid ng net at mabilis akong bumuwelo at nag spike sa ere. Sabay ng pagpalo ko ang pag block ni Amber at Vhong ng bola ngunit lumihis lang ang bola sa kamay nila at bumulusok ito ng mabilis papunta sa back row nila at walang naka salag ng bola.

'Tsiken sa mga bakla yan!'

"LUUCCKKKKKKKKKKY YOUR THE BEST!"

"PUSH LANG MGA TEH!"

"WAAAAAAHHHHHHHHHHH ANG HUHUSAY NG MOCKINGJAY!'

"GO MOCKINGJAY!

GO FIGHT MOCKINGJAY!

GO MOCKINGJAY!"

Malakas na hiyawan ng mga classmates ko sa bench namin. Si Wesley ay walang tigil din ang pagpalakpak. Si Kenneth naman ay nakangiti at napapailing nalang sa kinauupuan niya.

"Daming fans ah, mukhang ginaganahan ka, dahil ba yun dun?" sabay nguso ni Andi sa direksiyon nila Kenneth at Wesley at natatawa.

"Bugak, wala dun. Sa harap mo." at inismiran ko siya. At napangiti siyang humarap sa court nila Amber.

Muling nag serve si Marlon at nagtuloy tuloy ang bola sa gitna at nasalag agad ni Russel ang bola at muling tinoss ni Vhong ang bola papunta kay Amber at malakas na pumalo sa ere sinubukang i-block ni Marlon at Andi ang bola ngunit lumusot ito pumasuk sa court namin derecho sa dibdib ni Corazon kaya napaatras siya at tumalsik ang bola papalabas ng court. Score nila.

May mangilan ngilang tumawa sa pagtama ng bola sa hinaharap ni Corazon pero deadma lang si bakla parang di apektado.

"Okay ka lang ses?" Si Marlon linapitan si Corazon at hinawakan sa balikat.

"Keri lang naka supporter ako teh." Nakangising sagot ni Cora.

'Gumaganti si Barbie. Push mo yan!'

Nakangiting nakatunghay sa court namin yung tatlong Pink Rangers.

"One down 5 to go." Mayabang na sabi ni Amber habang ngumunguya ng bubble gum at iniikot ilang hibla ng blonde hair niya.

"Tss. Kwits lang nauna naman yung team member mong napaluhod kanina diba?" Nginisihan ko lang sila ng nakakaloko at bumalik kame sa position ni Andi.

Sunod namang nag serve si Karen. Mabilis itong nasalo ni Olive at ipinasa kay Andi at muling tinoss sa ere papunta sa akin. Hinanap ko yung direksiyon ni Amber at mabilis kong pinalo yung bola sabay silang tumalon sa harap ko para i-block ang tira ko pero sa lakas ng spike ko tumagos lang ulit sa kamay nila yung bola papunta kay Karen na pinipilit sanang habulin ngunit sa lakas at bilis ng bola hindi niya ito naabutan. Score namin.