Lucky Me (COMPLETED)

CHAPTER 17

CHAPTER 17

LUCKY'S POV

"Nay, lucky charm niyo ba talaga ako nila Tatay, Tita Jack at Kuya Jiggs?" wala sa sariling tanong ko kay Nanay kahit kabisado ko na ang isasagot niya. Gusto ko lang talagang marinig yun ng paulit paulit galing sa nanay ko.

"Oo naman anak. Simula nung dumating ka sa buhay namin ikaw ang nagdala ng saya at swerte sa pamilya natin." Malambing na tugon ni nanay. Kahit paulit ulit ko na itong narinig noon pakiramdam ko ito yung una.

"Lumaking masayahin ang kuya mo dahil may nakakalaro na siya. Dating sakitin ang kuya mo diba? Pero mula ng dumating ka nagbago siya. Kaya mahal na mahal ka namin ng Tatay mo 'e." Naluluhang kwento ni Nanay. Nagiging emo lang naman si Nanay kapag ito ang topic na aalala niya kasi si Tatay.

"E bakit ang sabi niyo babae ang pinapangarap niyong anak hindi lalake, ang masama pa niyan naging bakla pa ako." nakangusong sagot ko. Nitong mga nakaraang araw pakiramdam ko nag expired na yung "Luck" sa pangalan ko kaya palagi narin akong nag e-emo.

"Anak, sinadiya naming palakihin ka sa paraan kung saan kami masaya at maligaya. Wala kaming pinagsisihan ng Tita Jack, Kuya Jiggs at ng Tatay mo nung nabubuhay pa siya. Kung ano ka ngayon wala kaming reklamo bagkus minahal ka pa namin ng todo." Nakangiting sagot ni Nanay.

Kahit papaano gumaan ang pakiramdam ko. Sana lahat ng kagaya ko ganito rin kadali ang pagtanggap sa pagkatao nila. Marami akong kakilala na hindi tanggap kung ano sila kaya magpahanggang ngayon, mahihiya ang mga Abu Sayyaf kakatago sa mga pagkatao nila.

"Oo naman bunso napaka cute, bibo at talentado mong bata kaya tuwang tuwa kami sayo." proud na proud na sabat ni Tita Jack.

"E bakit naman kasi hindi kayo nagpa ultrasound nung pinagbubuntis niyo ko para di na kayo umasang babae ako? Yan tuloy naging lalake ang anak niyo." Lalo pa akong napasimangot. Hindi naman sa nagrereklamo ako pero siyempre kung naging babae ako 'di sana nangati sa iba ang ex ko.

"Faith anak. Naniniwala at nanalig lang ako na babae magiging kasunod dahil nauna na si Kuya Jiggs mo."

"Sino bang Faith yan at malilintikan na yan sakin, kitain mo hindi ako naging babae tulad ng inaasahan niyo!" singhal ko at natawa si Tita Jack habang naghahalo ng niluluto niya.

"Kahit kailan Lucky hindi ka makausap ng matino." Sagot ni Tita Jack.

"Wala akong makasama para gawin yun noong araw. Dahil sa abroad nagtatrabaho ang Tatay mo at nag aaral naman si Tita Jack mo ang kasa- kasama ko lang ay ang Kuya Jiggs mo. Maselan ang pagbubuntis ko sayo dahil madali akong mapagod."

"Tapos anong nangyare 'nay?" Nakapangalumbabang tanong ko kahit alam ko na yung buong kwento.

"Ayon alam mo naman sa probinsiya, kailangan mo pang magbiyahe ng ilang oras para makapunta sa malaking ospital at makapag pa check up. Ika nga ng Lola Anna mo nung araw naman wala namang ultra ultra sound at regular check up naipapanganak naman ng maayos ang mga sanggol." Napapangiting sagot niya dahil sa naaalala.

"Ang sabihin mo tamad ka lang talaga Ate El." Pang aasar ni Tita Jack.

"Ewan ko ba nung ipinagbubuntis ko si Lucky mas gusto ko lang magbasa at maupo kesa maglakad lakad."

"Nay ano pa magkwento pa kayo please.."

"Kabuwanan ko na noon nung lumuwas tayo pa Maynila. Nahiya na akong magpa check up pa dahil wala naman akong maipapakitang record ng mga previous check ups mo."