Spirits

8

Ilang sandali pa ay natapos na rin ako sa pagmemeditate. Nakuha ko ang lahat ng technique na itinuro ni master.

Tumayo ako at lumabas.  Para bang may kakaiba sa aking pakiramdam. Parang ang gaan ng aking pakiramdam. Binuksan ko ang pinto at hinanap si Zed.

Pumasok ako sa loob ng bahay nila at hinanap siya.

*uuurrrrkk

Ilang sandali pa ay nakaramdam na ako ng gutom. At uhaw.

Ha! Nakakagutom pala ang pagku-cultivate.  Sabi ko sa aking sarili.

Ilang saglit pa ay nakita ko na si Zed.

"Zed! Kamusta ka! Simulan na natin ang maglalakbay sa palayan at taniman!" Sabi ko.

Nang makita ako ni Zed ay nanlaki ang kanyang mga mata.

"Ayos ka na ba Kid? Grabe, pinag alala mo kami!" Sabi niya

"Hala! Bakit naman kayo nag alala. Kahapon lang tayo naghiwalay, namiss mo na kaagad ako!" Sabi ko kay Zed.

"Ha? Anong kahapon!? Tatlong araw kang nakaupo lang sa Kwarto mo! Nagme -meditate ka. Hindi ka na namin pinakelaman dahil mukhangseryoso ka eh!" Sabi niya.

"Ha? Tatlong araw?" Sabi ko.

"Di bale, alam kong gutom na gurom ka na. May pagkain doon sa lamesa. Kumain ka na " sabi niya.

At nagpunta na kami sa lamesa.

Nang makaupo na kami, nagaimula na kaming kumain. Habang kumakain, lumabas si Master Val.

'Kid! Magaling! Nakuha mo ang Nine- Star Spirit Technique! Nakuha mo ng kumpleto! Kaya talaga hindi ako nagsisisi na naging estidyante kita.' Sabi niya.

'Ah. Master, ano po ang Nine- Star Spirit Technique.?" Tanong ko sa kanya.

'Ang nine- star technique ay isang Technique kung saan dumodoble o tumutriple ang kailangang lakas mo para makaabot ka sa isang Step. Ibig sabihin, kung makakapaghanap ka ng Spirit na para sa iyo, sabay kayo na lalakas. Ang pisikal na katawan ng tao kasi ay mas mabilis tumanda kaysa sa mga Spirit. Ibig sabihin, mas mabilis din ang paglakas ng katawan ng tao kumpara sa mga Spirit.

Sa technique na ito, mapapahaba mo ang buhay mo. At hindi lang iyon. Mas lalakas ka kaysa sa iba. Ang bawat Step mo ay katumbas ng dalawa o tatlong Step. Ibig sabihin, kapag naging isa ka nang 5- Step spirit Bearer, katumbas mo na ang isang 1-Step Spirit Practitioner. Kaya mo nang tapatan nag isang Practitioner.' Sabi ni Val na dahilan para maibagsak ko ang hawak kong kutsara.

Agad na napansin iyon ni Zed at tinanong ang dahilan. Ang sabi ko na lang ay wala at nagpatuloy sa pagkain.

'Ah. Ganoon po pala kalakas ang Technique na ito! Pero, may posibilidad po ba na makaabot ako at isang Spirit God?' Tanong ko.

'Hahaha! Ang taas ng pangarap mo Kid! Pero wala namang masama sa pangangarap. Oo may posibilidad ka namaging isang Spirit god pero matatagalan ka. Katulad nga ng sabi ko sa iyo, ang bawat step ay katumbas ng dalawa o tatlong step. Sa lagay na iyon, mas mahirap din ang pagbe- breakthrough.' Sabi niya. 'Pero habang tumatagal ang iyong pagsasanay, hindi ka magsiaiai dahil palakas ka ng palakas.'

Ilang saglit pa ay natapos na kami sa pagkain. Bumalik ako sa aking maliit na bahay at kinuha ang mga kailangang gamit at Bumalik na kay Zed para masimulan na ang paglalakbay namin.

Hinihintay na pala ako ni Zed sa harapan ng kanilang bahay.

"Aba! Mas excited ka pa sa akin ah!" Sabi ko sa kanya.

Natawa naman siya sa aking sinabi at naglakad na papunta sa kanilang sakahan.

"Ito ang aming sakahan. Malawak iti kung kaya't kayang magpadala ng pagkain sa buong bayan." Sabi niya.