Umbra Inferis #1: That Possessive Mafia Boss

Simula

Simula

"Totoo ba talaga 'to?" bulong ko habang nakatingin sa marriage contract na nasa harap. This papers couldn't be fraud, right? Ofcourse not, dahil may magaganap talagang hindi maganda kapag inisahan nila kami.

But do I even want this marriage?

Pinahiran ko ang namumuong pawis sa noo ko at nag angat ng tingin. Jusmiyo! Ba't ba ako kakabahan eh hanggang sa papel ko lang naman siya magiging asawa?

Pwede namang magpatuloy pa rin siya sa mga personal na gawain niya sa buhay na para bang wala ako at ganoon din ako sa kaniya. Papakasalan ko lang naman siya dahil kailangan namin ang suporta nila. Napatango tango na lamang ako habang kinukumbinsi ang sarili.

Apat na tao lang kami dito. Ang huwes, ako, ang papakasalan ko at ang tagapagsalita nito. Lahat sila ay nakatingin sa akin kaya hindi ko maiwasang mailang habang paulit-ulit na binasa ang kontrata. Nanlalamig ang kamay ko at hindi mapigilan itong manginig habang nakahawak sa ballpen.

'Feeling mo naman luging lugi ka? Ang gwapo ng magiging asawa mo! Tignan mo. Itinaas ko ng bahagya ang ulo at nagnakaw ng tingin. Ang makapal niyang kilay, ang mata na parang nakatingin ka sa malawak na palayan, ang napakatangos na ilong, ang maladugong labi.

Choosy ka pa? Umapela naman ang isang bahagi ng utak ko sa pagdadalawang isip ko.

'Hindi. Hindi 'to joke time, Louie! Napailing ako. Tignan mo. Gwapo nga arrogante naman. 'Yung walang ekspresyon niyang mukha, nakakatakot. Basta. Nakakatakot lahat ng nakapalibot sa kaniya! kontra naman ng isa.

Tangina. Nababaliw na yata ako sa kakausap sa sarili ko.

"Wala na ba talagang ibang paraan?" gusto kong itanong sa kanila pero hindi ko magawa dahil ito lang naman ang tanging paraan na masesecure ang pagbangon namin at wala nang iba.

Akala ko joke lang iyong mga napapanood ko na kailangan silang magpakasal para magkasundo o ano. Pero ayon kay Master Club, may explanation naman iyon.

Philippines is one of the few countries in the world which did not agree to Divorce, so the most sacred process that two parties can do to secure a contract or an alliance is through marriage. Para kapag daw nagka aberya o kung may mangyari man, deretso demandahan ba?

According to what I have researched, it takes 2-4 years of a marriage to be annulled, if the other party does not object to the idea. So ang ibig sabihin noon, ay mas tatagal pa ang proseso kung sakaling hindi papayag ang kabilang partido. And it costs Php 200,000- Php 500,000 to do it. I mean, kaya ko namang pag-ipunan iyon.

Kakayanin.

"May gusto ka bang sabihin, Ms. Montero?" tanong ng tagapagsalita niya.

Umangat ang isang kilay ng lalaki na para bang nawawalan na ng pasensya sa tagal kong pirmahan ang kontrata. Hindi ako sumagot, bagkus ay muling tinitigan ang nakahain na kontrata sa harap.

"Are you going to sign the contract, Ms. Montero? The boss is waiting."

Tinignan ko ito at binigyan ng matalim na titig. Eh kung bugbugin kitang punyeta ka? Huminga ako ng malalim at busangot ang mukha na napagdesisyunan na pumirma na. Kaya ko 'to. Kakayanin para sa organisasyon namin.

Sa bawat tinta na lumalabas sa ballpen ay ang pagguhit ng tadhana ko sa papel na ito. Ito ang unang pagkakataon na nakatingin ako sa pirma ko na puno ng takot at kaba.

Maari ngang ituring ko ang kasal na ito na parang wala lang pero papayag kaya ang lalaking ito? Nakita ko ang paghinga nang malalim ng tagapagsalita nang makita na pinirmahan ko na ang kontrata.