I
Magsimula sa numero pang isa
Kung saan nalaman kong ayaw mo na
At aking kamay bibitawan mo pa
Pagkatapos susunod ang pangalawa
II
Na tuluyan ka nang lalayo sa piling ko
at kahit anong takbong gawin ng paang ito
Hindi na babalik ang pag ibig mo
Sumusunod ang pangatlo
III
Sa lahat ng ginawang takbo o lakad
Lahat iyon ay di pa rin sapat
Habulin ba kita ang nararapat
Lumalala ang sugat ito na ang pang apat
IV
Kahit anong limot mahal pa din kita
Tuloy-tuloy lumuluha ang mata
Babalik ka pa ba sa akin sinta
Lumalapit ito na ang pang lima
V
Sa puso mo ano ang iyong tinanim
Bakit bigla kang naging sakim
Pinahalagahan naman kita nung puso mo'y akin
Lumalalim ang sugat sa pang anim
VI
Nagdurugo pa rin ang puso ko
Lumuluha ang mata kahit anong punas ko dito
Pilit man limutin ang mukha mo
Mas sumasakit sa numerong pang pito
VII
Maraming winalang litrato
Pag ibig tila walang pinag bago
Ikaw pa rin talaga ang laman ng puso ko
Lumuluha sa pang walo
VIII
Natapos na ang ilang buwan
Naghihintay pa rin ng katok sa pintuan
Lumalala ang sugat nang di mo alam
Malapit na matapos ito na ang pang siyam
IX
Lahat ng alaala,mukha mo nakatatak sa isipan ko
Di malimutan lahat ng yakap padi paalam mo
Pero kahit sugatan na ang pusong ito
Umaasa pa rin, eto na ang pang sampu
X
Sampung bilang wala ka na
Isa dating tula nagkatotoo na
Sampung numero ang gamit ko sa tulang ito
Ito ang simula at katapusan ng pagasa ko sayo.
