Marrying Mr. Popular (PUBLISHED under LIFEBOOKS)

Kabanata 8

Kabanata 8
Cassiopeia Mikael's Point of View

Me:
I'm here at the school already, Hubby. See you around . . . kahit na alam kong ayaw mo 'kong makita, hehehe :>
[Sent]

​Mabilis na lumipas ang apat na buwan namin sa university, marahil dahil na rin sa dami ng school activities at projects. And guess what? Sa loob ng maikling panahon na 'yon, naging halos hindi na kami mapaghiwalay nina Gabriel, Desiree, at Alexis. Sobrang naging close kaming apat sa isa't isa.

​Nitong mga nakaraang araw nga lang, napapansin kong medyo nagtatampo sa akin si Desiree dahil sa hinala niyang may gusto sa akin si Gabriel. Pero sa totoo lang, wala siyang dapat ikabahala. Hindi ko magawang itingin ang mga mata ko sa ibang lalaki dahil nananatiling nakapako kay Christopher ang buong atensyon ko.

​Ang mga kiosk sa likod ng building namin ang naging opisyal na tambayan naming apat tuwing lunch break.

​"So, anong plano niyo ngayong sembreak?" tanong ni Alexis habang nakaupo kami sa paborito naming pwesto.

​"Wala pa naman akong naiisip. Baka manatili lang ako sa bahay," sagot ko habang nakasandig sa mesa.

​"Ako rin," pagsang-ayon naman ni Desiree.

​"Sa bahay lang talaga? What if we have a vacation somewhere? For bonding time. Ano sa tingin niyo, beach o kaya hiking?" suhestiyon naman ni Gabriel na halatang excited sa ideya.

​"I'm game," tugon ni Alexis. "Pero saang beach o saang bundok naman ang plano?"

​"Boracay? Palawan? O kaya naman hiking sa Mount Balagbag?" hirit ko sa kanila.

​Ngumiti si Gabriel sa akin. "It will be okay with me kahit saan niyo gustong pumunta."

​"Boracay na lang kaya? Okay ba sa'yo, Desiree?" baling ko sa kaniya.

​"Siyempre, okay na okay 'yan sa kaniya dahil kasama si Gabriel," pagbibiro naman ni Alexis na may kasama pang pangaasar na siko.

​"Huwag ka ngang mag-imbento, Lex. Sasama ako dahil sasama ang best friend ko. Palibhasa, wala kang totoong kaibigan kaya nambubwisit ka riyan," depensa ni Desiree, bagamat halatang pilit lang niyang pinapanatili ang seryosong mukha.

​"Naku, nagde-deny pa siya, as if namang hindi halata," gatong ko naman sa asaran. "Ginamit mo pa talaga akong dahilan, ah?"

​Dahil namumula na ang mukha ni Desiree sa hiya, nagtawanan na lang kaming tatlo.

​Malapit na ang final examinations at semestral break pagkatapos niyon, pero sa totoo lang, wala pa ring nagbabago sa estado ng relasyon namin ni Christopher sa nakaraang apat na buwan. Kung gaano siya kalamig sa akin noon, ganoon pa rin siya hanggang ngayon.

​Subalit, hindi pa naman ako sumusuko.

​Kinuha ko muli ang cellphone ko para magpadala ng mensahe. Hanggang ngayon, hindi pa rin siya nagre-reply sa nauna kong text. Paminsan-minsan ay sinasagot niya naman ang mga tawag ko, pero kung hindi galit ang tono niya, halata namang bored siya na kausap ako.

​Me:
Nagpaplano kami ng bakasyon nina Desiree para sa sembreak. Gusto mo bang sumama, Hubby?
[Sent]