في صباح يوم الجمعة وفي بيت فخم من بيوت الخرطوم😍❤️ ... كانو كل عيلة علي بفطرو مع بعض قبل الصلاة بي ٤٠ دقيقة تقريباً⏱⏱ ... كلهم كانو مجتمعين في الصفرة ومنتظرين وائل لسا ما نزل🌚🌚 ...
سهى : وين عمو وائل☹️💔
منيرة : بكون فوق في غرفتو حبيبتي امشي ناديهو سريع😄😄
سهى : حاضر😃😃 ... جرت جري لي غرفة وائل فتحت الباب ولقت عمها لسا ناآيم😴💬مشت ونطت فيهو في السرير😂💔
وائل : اخخ سهى يا بت في شنو خليني انوم😴😴
سهى : لالا الفطور جهز والنَّاس مستنينك يلاا😇😇
وائل : طيب طيب نازل ٥ دقايق اتسوك واغسل وشيء😑😑
سهى : طيب😇💙
وائل قام دخل الحمام اتسوك وغسل وشو وطلع شايل بشكير بنشف في وشو قامت سهى طلعت ليهو من تحت السرير : واااااااه👻👻
وائل نط لي ورا بي خلعة : بِسْم الله😨😨 ،، الليلة ما بخليك يا شقية اصبري لي😈😈
جرت سهى وهو جرا وراها وفي السلم جاريين ورا بعض وبضحكوو😂😂
علي : ههههه غايتو انت يا وائل مستحيل تكبر😄😄
وائل ضحك ومشا باس امو في راسها : صباح الخير يا غالية وعمل لي ابوهو نفس الشيء😊❤️
شال سهى وباسها على خدها وقعدها في الكرسي ... وهو قعد في الكرسي حقوو🌚❤️
☄☄☄☄☄☄☄☄☄☄☄☄
🌸 بعد ربع ساعة 🌸
قام وائل عشان يجهز للصلاة استحمى وغير ولبس جلابيتو لما جا نازل لاقا ميري (( الشغالة )) طالعة فوق غرفتو ... وائل : صباح الخير ميري😄👋
ميري : صباح النور😄👋
وائل : عليك الله تلفوني بتلقيهو تحت المخدة ختيهو لي في الشاحن😅😅
ميري : حاضر🙂🙂
وائل : شكراً😄😄 ... ونزل طلع مع ابوهو واخوهو الصلاة📿📿
☄☄☄☄☄☄☄☄☄☄☄☄☄
نهاية الحلقة الأولى ... 💜🎶
