طلع غرفتو .. استحمى وصلى قبل ما يتصل عليها ..
ما ردت .. قعد مسافة لغاية الساعة ٢ ونص صباحاً وهو منتظرها ترجع ليهو ومن التعب نام بدون ما يحس
~•~•~•~•~•~•~•~•~•~•~•~•~•~•~•~•~•~
🌸 ٥ ونص صباحاً 🌸
صحى وائل وصلى وقرا شوية قران .. ودعا بحاجات كتيرة من بينها انو امورهم تتسهل ويجعل هالة من نصيبو ..
..
شال تلفونو واتصل عليها .. بعد مسافة ردت ..
وائل : الو
هالة : اهليين
وائل : يا هلا ،، كيفك
هالة : بخير والله الحمدلله ..وانت !!
وائل : تماام التمام وين انتي من امس بتصل عليكي وما بتردي ..
سكتت مسافة قبل ما تقول : كنّا في المستشفى لانو ..
قاطعها بخوف وهو بقول : كنتو في المستشقى لي هالة مالك في شنو انتي كويسة مش !!
هالة : لالا ما تخاف انا كويسة شديد بس داليا .. (( وسكتت مسافة قبل ما تكمل وتقول )) مشينا نعرف مشكلة انها ما حملت لي هسي لي وطلع في مشكلة وما حتجيب أطفال نهائي ..
سكت لانو ما عرف يرد ويقول شنو
هالة : بس هي كانت متضايقة والليل كلو بتبكي وانا كنت قاعدة معاها علشان كدا ما رديت عليك ..
وائل : ما مشكلة
هالة : انتو خلصتو صح !!
وائل : اااااي واخيرااا😆🔥
هالة : حمدلله ع السلامة ياخ
وائل : ااالله يسلمك ..بس بيني وبينك يا ريت لو ما خلصت🙂
هالة : لي لي في شنو😹
وائل : حنزل شغل بعد بكرا🙂
هالة : احمد ربك في ناس ما لاقينها اصلا🐸
وائل : الحمدلله
هالة : حتشتغل شنو !!
وائل : حا امسك إدارة الشركة بتاعت ابوي في الفرع التاني في بحري🙄
هالة : ايواا حلو تمام والله بالتوفيق ان شاء الله
وائل : اميين يا رب
وبقو بتونسو مع بعض مسافة بعدها قفلو ..
~•~•~•~•~•~•~•~•~•~•~•~•~•~•~•~•~
هالة مشت تجهز الشاي وكدا .. اما ائل نزل لقا امو في المطبخ وبتعمل في الشاي ..
وائل : صباحك خير يا امي
منيرة : صباح النور يا ولدي كيف اصبحت
وائل : بخيير الحمدلله
منيرة : ابوك قال لي نازل شغل بعد بكدا
وائل : يحليلي ياخ
منيرة : يا ود مالو اشتغل عشان تعرس بدري بدري
وائل : ااي والله يا حجة كلامك صاح..🐸😹
وبقوا بشاغلها وبتونس معاها .. طلعو الصالون وشربو الشاي سوى .. جاتهم ايناس وقَعَدت معاهم ..
منيرة : يا بتي انتي مقابلتك متين !!
ايناس : الليلة بالمساء كدا
منيرة : خلاص انا ماشة معاكم طيب
ايناس : تمام
سهى صحت وطلعت ليهم وهي بتحك في عيونها ..
وائل مشا وشالها قبل ما يبوسها ويقول : حبيبة عمو ياخخ صباح الخير💕
سهى : صباآح النور
ايناس : سهى اتسوكتي !!
سهى : لالا ماشة هسي بس صحيت وسمعت صوتكن عشان كدا جيت💤
وائل : شمشارة خلاص🙉
سهى : زيك كدا
مشت اتسوكت وغسلت وشها وجات قعدت جمب عمها ..
وائل : عمو حبيبي أطلعك الليلة !!
سهى : ااي
وائل : خلااص لو عندك قراية خلصيها وبعدها بنطلع اتفقناا !!
سهى : حاااضر❤️
