* وائل •
كان لسا قاعد في المزرعة والساعة بقت ٧ ونص بس هي م جات .. سمع صوت مشي قريب منو التفت لقاها هالة ..
وائل : هالة
هالة التفتت ومشت بسرعة عملت نفسها م سامعاهو .. جرا عليها ومسك يدها ولفتها عليهو وقال ليها : مالك انتي !!!
هالة : انا منو !🙄
وائل : شنو ،، ي بت انتي جنيتي !!🙄
هالة : لالا عاقلة الحمدلله🙂
وائل : لا كدا يادوب إتأكدت انك جنيتي ،، وين اختفيتي كدا امس غفيت شوية وقمت لقيتك ماف حتى بدون م تكلميني💔
هالة : اه ،، امممم ،، اتصلو علي وقالو لي ارجع البيت سريع وما لقيت وقت اصحيك وكدا واصلاً حسيتك تعبان ف ما حبيت ازعجك💔
وائل : تاني م تكرريها الله يخليك ورب الكعبة خفت عليك ولو م شفتك هسي كان جيتكم في البيت عديل💔
هالة اتلخبطت من كلامو وبقت بتعاين ليهو وهي ساكتة و وائل يادوب لاحظ للقالو ..
عاين لي يدو ولقا نفسو لسا ماسك يدها فكاها بسرعة وقال ليها : انا اسف😅
هالة اتعدلت في وقفتها وقالت ليهو : م مشكلة😊💔
وائل : ممكن طلب !!
هالة : اتفضل
وائل : نحن بكرا مسافرين من الصباح ،، ممكن اقابلك في المزرعة بعد صلاة الصبح عشان اودعك💔
هالة : اممم بحاول😅
وائل : اااي عليك الله
هالة : طيب
وائل : نقعد ولا عندك حاجة ؟!
هالة سكتت مسافة قبل م تقول : امم م مشكلة خلينا نقعد
قعدو كدا طوالي تلفونو ضرب رد عليهو : ااي ي عامر خلاص كويس تمام منتظركم ..
فصل الخط والتفت على هالة قال ليها : ديل اصحابي ديلك جايين هسي🌚
هالة : ايواا حلو😄
وقعدو يتونسو سوى كأنو اي واحد بحاول يشبع من التاني لانو ح يتفارقو بكرا 💔
☄☄☄☄☄☄☄☄☄☄☄☄☄
* عند لجين •
صحتها بتول : قومي ي بتي ما اكلتي شيء من جيتي ،، قومي صلي المغرب وبعدها انزلي آكلي
لجين : م جعانة والله ي عمتو
بتول : آكلي ليكي لقمتين الله يرضى عليكي ي بتي
لجين : حاضر
قامت وغسلت وشها وصلت وكدا وكان عندها توب شالتو من امها زمان بتصلي بيهو وكدا .. لبستو ونزلت .. اول ما نزلت صالح رفع عيونو وشافها وهي نازلة من السلم وبتعاين لي التوب بتحاول تثبتو في كتفها .. ابتسم ابتسامة جانبية وعجبو شكلها وهي لابسة التوب .. وأول ما رفعت عيونها وشافت صالح قلبها دا اشتغل دلوكة🐸👋
لجين : اا لؤي وين !!🙄
بتول : طلع قال عندو شغل ضروري بخلصو سريع وبرجع
لجين : ايواا طيب
☄☄☄☄☄☄☄☄☄☄☄☄☄
* في مطعم من مطاعم الخرطوم الراقية •
لؤي : وكدا تمت الصفقة😊💙
قام وسلم عليهو قال : تسلم ي أستاذ مزمل💜 ( ايوا دا نفسو مزمل راجل انفال اخت اروى شريك مع لؤي في الشغل😂 )
مزمل : الشرف لي أستاذ لؤي❤️
لؤي : أستأذنك بعد دا لازم امشي😊
مزمل : العفو ياخ م عندك مشكلة
ودعو وبعض وبعدها لؤي رجع البيت ..
☄☄☄☄☄☄☄☄☄☄☄☄☄
* توتي •
وصلو هدى و اروى وعامر وكمال المزرعة وسلم على وائل وهالة .. هدى حست بي ضيق اول ما شافت وائل كان قاعد مع هالة .. و اروى حست بيها وبدون م يلاحظ ليهم زول مسكت يدها بحركة خفيفة وعاينت ليها وابتسمت وهزت راسها بمعنى ولا يهمك حاجة عادي☺️ ..
☄☄☄☄☄☄☄☄☄☄☄☄☄
نهاية الحلقة الثانية والستوون ... 💜🎶
